MIKA 7:3 - PATHIEN LEKHABU THIENGTHO (BSI)

³ Thil gilo hih chuh a thiem chiet u a. Miliente leh thutante chun gawlhgukna a ngek chiet tau ui. A milienteu chun a hinna’n thil phalo a utchak chuh a gendawk u a; tichun, thil a guonggalh khawm tau ui.

MIKA 7:3 ပူးပေါင်းရင်းမြစ်များ

THUCHINGTE 16:30

Mit sik-ât chîng mi chun thil phalo ngaihtuoh a, a neh petchak kei a thugen chun thil phalo a gen dawk sek hi,

THUCHINGTE 17:23

Vaihawm diklo chun gawlhgukna a la a, thudik a vaihawmna a susie sek hi.

ISAI 1:23

Na miliente chuh mi kiphin nuom, guchate guolpha ahiu a; mi chengin gawlhgukna sum leh thilpiekte a lau a. Pa neilote a panpih sek puou a, meithaite thugente le a ngaihthak sak puou ui.

ISAI 26:21

Ngaitiem u! Lalpa chuh leichung a mite gitloh ziek a gawt dingin, a umna apat in hung pawt ding ahi. A gûka thisan a suoh teu chuh lei in sulang ta’n tin, lei hin a mi thahteu chuh sel ta puo’n a.

ISAI 3:5

Khutichun, mite chuh kisugimthei tuoh un tin, mitin a guolte leh a invengteu tawh kisugimthei tuoh un au; khanglaite chuh upate chungah zahlo takin um un tin, mi manloh te’n le mi zahumte chuh zah diek puo’n au.

ISAI 32:7

Mi gukhah chu phalo tak ahi a, mi chagahte chu zuou thu a hihsie ding in, thil gilo a sawmdawk u a, chagahte le a diknau ale a nang chak kêi sek hi.

ISAI 5:23

Gawlhgukna sum a nek zieka migilo thiemchan sak seka, hihkhelh neilote dikna lâksak sekte haw ngêi chu tawh.

JEREMIA 3:5

Kumkhuo’n a lungna dinga ahim? A tâwp tiengin a vawp zing dem? Ngaitie, khutibang chun na gen ngeia, mahleh, a gilo thei bang pên in thil na hih a.”

JEREMIA 4:22

Ka mite chuh a ngawl bêk u a, ei he ngâl puou a; naupang ngawl hetna neilo bang mai ahiu hi. Thil gilo hih a thiem u a, thilpha hih dân vang a thiem puou hi.

JEREMIA 8:10

Zieziekchun, a ziteu chuh midang kawmah pie’ng ka ting, a lo hawu chule a hun luoh zo dingte khuta pie ding ka hi. A lienpen apat a a neupen tiengin mitin chuh awhchâk na’n a dim u a, thiemgaute leh thiempute tieng in mitin in lepchieh in na a sem ui.

EZEKIEL 22:12

Na sunga chun thisan suoh dingin gawlhgukna a lau a, a lawk leh a pung na la a, na invengte thil na pawng lak sak a, diklo takin na kisulawk a, kei nei hengilh ta ahi,” Lalpa Pathien chun a tii.

EZEKIEL 22:27

A sunga a hotute chuh, Ngei gawlsan a sapeh bawttel zieng tawbanga thisan suoh leh lawkna diklo muhna dinga mi hinna sumangthai zieng tawbang ahiu.

EZEKIEL 22:6

Entie, Israel hotute mitin in a thilhih theihnau bang zela na sunga thisan suoh dingin a um ui.

EZEKIEL 34:21

A zawngkhal haw chuh na pum u leh na liengko un na nek viel u a, na kiu in na siu a, na nawhmang sek u a;

EZEKIEL 9:9

Ziephet chun, amah chun ka kawmah, “Israel leh Juda insung mite gitlohna hi alien bekseka ahi; gamsung chuh thisan suohna’n a dima, khawpi sung chuh diklo taka vaihawmna’n a dim ta ahi; ‘Lalpa’n gam chuh a nusieh ta a, Lalpa’n bangmah a mu dang e!’, a ti ngâl u a.

HOSEA 4:18

A zu dâwn u chuh a kikhen u a, nawhchizuok in a kisiem u a; a lopinau sangin thil zahchâk um chuh a ngaina zawu a.

HOSEA 7:3

“A nunsietna teu chun a lengteu a sukipak a, mipite chun thil gilo suongtuoh in, a milienteu chuh a thêm u a.

AMOS 5:12

Na bawhsietna hawu tam dân leh, na gitlohnau a nasat dân ka he ngâl a: mi diktatte na sugimthei u a, gawlhgukna na lau a, kulhkawtkhak a mi gimtheite chanvo ngêi le pie phal lo te haw.

MIKA 2:8

Himahlele, Lalpa chun a dâwng a, “Ka mite chuh melma bangin na do u a, kido nuom lo a, In ah gâlmuong takin um ing ka tite apat in, a silhlechenteu puonâk chuolteu na hâwkthak sak u a.

MIKA 3:11

Khawpi a lawiupate chuh gawlhgukna kinem in vai a hawm tau a. Thiempute chun lawh kinem in dân a sinsak u a; thiemgaute chun, dangka muh kinem in kilâkna thu a gen u a, a bawn u chun, Ka kawmah Lalpa a um hi, a ti chiet u a. “Ka chunga ah thil phalo hungtung puo’n a, Lalpa chuh ka kawm u ah a um ngâl a,” a ti tei tei u a.

MIKA 3:2

Thilpha na hawu a, thil phalo na ngainau a; ka mite chuh a vun uh na hâwk sak u a, a guh uh apat in pheh na leuthau a;

MATTHAI 26:15

“Amah chuh hun matsak ing ka ting, bang nei pie ding u?” a ti a. Tichun. dangka sawmthum chuh a sim u a, a pie tau a.

1 KORINTH 4:5

Zieziekchun, a hun tun masang in kuomah zedap kiu in. Vaihawmna tawpna chuh Lalpa hung tienga ngak ding ahi a; amah chun thima thil selgûk haw chuh vak ah hun la dawk intin, lunggil a tup haw chule hun sulang ina. Zie tieng chu leh, mitin in, Pathien apat a pahchakna a lawh ding bang chiet u chuh mu ta’n au.