MIKA 7:19 - PATHIEN LEKHABU THIENGTHO (BSI)

¹⁹ Amah chun I chung u ah zahngaihna nei kit in tin; I sukkhelh na teu chuh tawhden in tin, I gitlohna teu chuh tuipi lituong ah paih lut ding ahi ngâla.

MIKA 7:19 ပူးပေါင်းရင်းမြစ်များ

ISAI 38:17

Ka gimtheihna chengcheng kha thamuonna a suok ta a, Lauh-umna apat in ka hinna na hukbit ta a, ka gitlohna chengcheng na ngaidam ta ngâl a.

JEREMIA 50:20

Zie ni leh hun achun Israel thulimlohna chuh hawl untin uh, mahleh mu puo’n au. Juda thilhihkhelh le muh ding um diek puo’n a; a um dinga ka sîtte chuh ngaidam ding ka hi ngâla, tih hi Lalpa Pathien kamsuok ahi.”

ROME 6:14

Gitlohna’n na chungu ah thu nei ding ahi ta puoh ngâl a, Dan vaihawmna nuoia um na hi ta puou a; lungsietna vaihawmna nuoia um na hi zaw ta ngâl u a.

JEREMIA 31:34

Kuoma’n, amah inveng leh, amah suohpihte chuh Lalpa he dingin hilh ta puou un tin, a neupen apat a lienpen tiengin, a bawn un ei he chiet ta ding ahi ngâl uh a, tih hi Lalpa kamsuok ahi. A manlohnau chuh ngaidam ing ka ting, a gitlohna hawu chuh hezing zing ta puo’ng ka.

ISAI 43:25

Kei, keimah ngêi hi ka hi ka min zieka na bawhsietna teu hun thaimang sak pa chuh ka hi; Na gitlohna teu chuh hezing ta puo’ng ka.

TITA 2:14

Amah chuh sukkhelhna chengcheng lak apat ei hukdawk ding leh, amah a mai hi a, a mi thiengthote I hih theihna dingun leh, thilpha hih a phachuom ngai dingin I sik un a hung kipie ta a.

SAM LEHKHABU THE PSALMS 103:12

Sak le thang a kigamlat bang in, I sukkhelhna teu eimau apat in a kawihmang kêi tai.

1 JOHAN 3:8

Kuole, thilhih gilo zingzing chuh Diabol a pawt ahi: Diabol chun atûng apat thil a sukhiel ngâl a. Pathien Chapa hung kiphuon lawh pên chuh, Diabol nasep a sukmangthai theihna ding ahi.

ROME 8:13

Phehlevo dana na um u chun thi tei ding na hiu hi; himahlele, sapum thilhihte Thagau a na suklup u chun hing un lau.

HOSEA 14:4

“A nungchawn nau chuh hih dam ing ka ting, amau apat a ka lungnatna a kithiel dawk tâk ziekin; ka lungthim pumpi’n ka lungsiet ngâl a: a chung uh ale lungna ta puo’ng ka.

SAM LEHKHABU THE PSALMS 130:8

Tichun, amah chun Israel chuh A thulimlohna cheng apat in hukdawk in a.

DANIEL 9:24

“Na mite leh na khawpi thiengtho hi gitlohna leh thil gilo apat a zalen taka a umna ding chun hapta sawmsagih hi ding ahi. Zie tieng chu leh gitlohna ngaihdam hi’n tin, vaihawmna dik chuh kumlekhuo a dinga sukdet hi’n tin. khutichun hilhlawkna thu leh kilâkna thu chuh hung tungkim intin; chuleh, Ho-In thiengtho chuh lat thak kit hi ta’n a.

SUNNA LA 3:32

Ei sulungkham mah leh, a lungsietna hauh dungzui in ei lungsiet nalai ding ahi.

JEREMIA 31:20

“Ephraim chuh ka chapa deihtak, ka cha ngaih-um tak a hih ziek ahim? Amah ka thunun chenga, ka lungthima a chen zing sek hih? Ka lunggil in a lainat sek a, a chungah zahngai tei ing ka, tih hi Lalpa kamsuok ahi.

DAN NIHNA 32:36

Lalpa chun a mite vaihawm intin, A suokte chungah lungsietna nei ina, A thilhih theihnau a beih a, um himhim um talo a a muh tieng.

DAN NIHNA 30:6

Chun, na hin theihna ding u a Lalpa na Pathien u chuh na lungthim chengcheng u leh na lunggil chengcheng u a na hehpih theihna dingun Lalpa na Pathien un nang u leh na suonteu lungthim zek hun tan sak ina.

DAN NIHNA 30:3

Lalpa na Pathien un na saltannau subei intin, hun lungsiet intin, Lalpa na Pathien un namtin laka a hun thehzak na apat hun puikhawm kit ina.

HEBRAI 8:12

A gitlohnateu chengcheng ngaidam ing ka ting; A sukkhelhnau haw le hezing zing diek ta puo’ng ka,” ti’n.

ISAI 33:24

Zie khuo a um chun “Ka dam puoi” ti um ta puo’n tin, a sunga mi umte chuh a gitloh uh ngaihdam hi ta’n au.

JEREMIA 33:8

Ka chunga a thilhih khelhnau leh a gitlohnau haw cheng ngaidam ing ka ting, chuleh, a gitlohnau leh ka chunga a thil hihkhelh nau leh a manlohna teu apat in hih thiengtho ing ka.

EZEKIEL 18:22

Bawhsietna ana hihsa chengcheng kha a chunga hetzing hita puo’n tin: a thilpha hih ziek chun hing ina.

HOSEA 14:2

Lalpa kawm lam achun vaikit unla, ziehi pauchamna na lat ding dân u chuh hi hen: “Ka gitlohnateu cheng ei ngaidam inla, ka hihphat taphawt u chuh pawm in; tichun, ka mûk hawu gahte chuh bâwngchal sik in hun pie’ng kau.

ZEKARIA 3:4

Chun, a masanga dingte chuh vânsâwlchâk chun a vak hopih a, “A silhlechen ni’n chuh suoh sak un,” ti’n. Chun, amah kawm achun, na manlohnate chuh ka hun sukmang sak ta a, tuhin, silhlechen thak takin hun van ing ka, a ti a.

2 SAMUEL 24:14

Chun, David chun Gad kawmah, “Dinmun tizat-um tak mah ah ka ding a, ka lung a zing mah mah zieng a; Lalpa khut ah puklut phawt mai leng; a zahngaihna chu a nasa mah mah mai ngâla. Mihing khut achun vang ei puklut sak dah tei tei in,” a ti a.

SAM LEHKHABU THE PSALMS 85:3

Na lungnatna chengcheng na lamang ta a: Na lungnatna lauh-um na zûk kik a.

SUNNA LA 3:22

Lalpa lungsietna zieka sukmangthai a umlo I hiu hi; a zahngaihna chu a bei ngei puoh a.

EZEKIEL 39:29

Ka mipi, Israel te chung achun ka thagau sungtha’ng ka ting, amau apat in kiheimang kit ngei puo’ng ka, tih hi Lalpa Pathien kamsuok a hi,” ti’n.