MIKA 7:18 - PATHIEN LEKHABU THIENGTHO (BSI)

¹⁸ Aw Lalpa, nang tawbang Pathien, a goluoh ding a mite, a suokcha sunte gitlohna ngaidam leh a sukkhelhnau subei dang a um puoi. A lungnat na chu kumlekhuo’n a vawp zing puoh a, zahngaihna chuh a kipahpih lam tak ahih ziekin.

MIKA 7:18 ပူးပေါင်းရင်းမြစ်များ

ISAI 43:25

Kei, keimah ngêi hi ka hi ka min zieka na bawhsietna teu hun thaimang sak pa chuh ka hi; Na gitlohna teu chuh hezing ta puo’ng ka.

ISAI 44:22

Na bawhsietna teu chuh meipi sah lieiluoi bangin ka mût mang ta a; ka kawmah hungkit un, nang haw hun Tandawkpa ka hi ngâl a,” ti’n.

JEREMIA 50:20

Zie ni leh hun achun Israel thulimlohna chuh hawl untin uh, mahleh mu puo’n au. Juda thilhihkhelh le muh ding um diek puo’n a; a um dinga ka sîtte chuh ngaidam ding ka hi ngâla, tih hi Lalpa Pathien kamsuok ahi.”

JEREMIA 32:41

Ahi, amau phatna ding hih chuh ka kipahlam hi’n tin, zie gam ahin ka lunggil chengcheng leh ka thagau chengcheng in phutdet ngêi ing ka.”

JEREMIA 3:12

Chieh inla, zie thu hih mâllam ah va phuong ah, tih hi Lalpa kamsuok ahi. “Nungchawn hât Israel, hung vaikit in, Lalpa’n a tii. Lungnat mel in hun en puo’ng ka ting; mi lungsiet thei tak ka hi ngâla. Kumkhuo’n lungna puo’ng ka tih hi Lalpa kamsuok ahi.

PAWTDAWKNA 15:11

“Aw Lalpa, pathien haw lak ahin nang bang hi kuo a um? Thienthona lama lopi leh, Pahchak tâk hihna lama zahum leh, thilmakte hih sek, Nang tawbang kuo a um?

SAM LEHKHABU THE PSALMS 89:8

Aw Lalpa, sepaihte haw Pathien, Aw JAA, nang tawbang mihat kuo a um a? Na muon um na chu na kimvel ah a um ngâl a.

SAM LEHKHABU THE PSALMS 86:15

Himahlele, Aw Lalpa, nang chuh lainatna a dim Pathien, mi lungsiet thei, Lungnieng, chitna leh thutak a dim na hi.

SAM LEHKHABU THE PSALMS 65:3

Gitlohna thu chun ei zo sek na a: Ka sukkhelhnau cheng chu nangin na ngaidam a,

SAM LEHKHABU THE PSALMS 89:6

Van dum akhun Lalpa tawh tehkal theih ding kuo a um a ahim? Van mite laka khun Lalpa tawbang kuo a um?

LUKE 24:47

amah min in, lunghei na thu leh gitloh ngaihdamna thu, Jerusalem khuo a kipatin, namtin kawmah gen in um ina,’ ti’n.

MIKA 4:7

Tichun, kêngbâi chuh suohchak sak ing ka ting, gamla taka nawhmang a umte chuh nam lopitak a siem ding ka hi.

MIKA 2:12

“Himahleh, aw Jakob na mite chuh a bawn un hun puikhawm kit ding ka hi. Belam hawn, a huong zuon bangin hun puikhawm ing ka. Ham hing laka belam a dima um bang mai in na gam u chuh mipi tamtak in sudim kit ing ka,” ti’n.

EZEKIEL 33:11

A kawm u achun, ‘A hin a ka hin lai chan chuh, migilo thihna ahin kipahna himhim ka nei puo a, migilo in a umdan a nutsieh a a hin hi ka kipahna lam ahi zawi. Na umdan phalo hawu apat chun vaikit un, vaikit un! Aw Israel insung mite haw, bang ziekin e na thih ding uh?’ Lalpa Pathien chun a tii,” ti’n gen in.

1 LENGTE 8:23

“Aw Lalpa, Israel Pathien, nang tawbanga a ângsung a a lunggil chengchenga tawiviel zing a suokte dinga a thugawlh guitun saka lungsietna nei zing thei, chunglam van a leh nuoi lam lei ahin Pathien dang mawngmawng a um puoi.

DAN NIHNA 33:26

“Aw Jeshurun Pathien tawbang khat le a um puoi, A hun panpih dinga van a chuonga, A thupi na a meipi chunga chuong chuh!

JAKOB 2:13

Mi chunga zahngaihna tel lo a hihte chuh, zahngaihna tel lo a vaihawm sak in um ina; himahleh, zahngaihna chuh vaihawmna chung achun a guolzo sek hi.

ZEPHANIA 3:17

Lalpa na Pathien chun a hun umpih a; va thilhih theihna chun zawhna a hun piei. Lalpa chuh na chungah kipâk intin, a lungsietna chun hinna thak hun pie’n a.

MIKA 7:14

Lalpa, na mi telte a ding hin belampu leh mawlh hi’n la. Na go luoh gan guolte chuh na mawlh in veng in la; amau mai a gammâng leh huon gam lailung a chêngte chuh, malai nite guol khan Bashan leh Gilead gama hamhing mun haw achun kivâk u hen.

JONA 4:2

Lalpa kawmah a paucham a, “Aw Lalpa, ziehi ka gam u a ka um laia ka gen kha hilo ahim? Zieziek ahih Tarshis lama taimang zieng ka hi kha! Nang hi mi lungsiet thiem leh hehpih thiem Pathien, lungna vak lo; dettaka lungsietna nei zing Pathien, thil phalo apat kisik kit thei Pathien leh mi gawt zieng lo na hi tih ka he a.

JOEL 2:32

Chun, tihi hi’n tin, kuole, Lalpa min sam tapohte chuh hukdam hin au: Lalpa’n a gen bang khan, ‘Zion tâng leh Jerusalem a khenkhat chuh suokchau un tin; ka telte chauh chuh hing dawk un au,’ ” ti’n.

ISAI 57:16

Ka mite chuh mawhchansak in a chungu ah lungna zingzing ta puo’ng ka; thagau leh hinna ka siem sak chuh ka masang ahin sawlsam kha’n a. Hinna hi keia ahi a, mihingte hinna hu hile kei siem ahi.

SAM LEHKHABU THE PSALMS 86:5

Aw Lalpa nang chuh na pha a, na ngaidam seka, A hun sam tapoh chungah zahngaihna na hau ngâla:

DANIEL 9:9

Zaidawhna leh ngaihdamna chuh ka Pathien u chun a nei a; a chungah a na hel ta mahleu hing le,

JEREMIA 3:5

Kumkhuo’n a lungna dinga ahim? A tâwp tiengin a vawp zing dem? Ngaitie, khutibang chun na gen ngeia, mahleh, a gilo thei bang pên in thil na hih a.”

ISAI 65:19

Jerusalem chung achun kipâk ing ka ting, ka mite chung ale kipâk ing ka ting. A sung achun kah thawm het hita puo’n tin, beidawng te kiko git le zak hi ta puo’n a.

ISAI 55:7

Migilo chun a umdan chuh haihsan hen la, mi diktatlo inle a ngaihtuohna chuh haihsan henla; Lalpa I Pathien kawm uh ah vaikit hen, tichun, amah chun lungsiet intin; a na ngaidam mah mah ding ahi ngâla.

ISAI 1:18

Lalpa chun, “Hung tiem u, ngaihtuoh khawm hitiu; na gitloh nau chuh sandup bangin san mahleh, vuk bang in hung vam in tin; san au bangin san ta mahleh belam mul guol in hung vam ina.

SAM LEHKHABU THE PSALMS 130:4

Himahleh, na kieng ah ngaihdamna a um a, Kihchaka na um theihna dingin.

SAM LEHKHABU THE PSALMS 71:19

Aw Pathien, na diktatna chun van a su a; Aw Pathien, nang thil lopi takte hih pa, Nang tawbang hi kuo a um?

NEHEMIA 9:17

A zui nuom puou a, a chung u a na thilmak hih haw le a he nuom diek ta puou hi. A lunggil uh sukhauh in a kiphin u a; suok a a tânnau a vaikit dingin lawiupa a kisiem tau hi. Himahleh, nang chuh ngaidam dinga kisazo zing Pathien, mi lainat thei leh lungsiet na a dim, lungchuol tak leh nunnem na a dim, amau haw hengilh lo na hi.

PAWTDAWKNA 34:9

“Tuhin na mit ka tun chun, aw Lalpa, ka kawm u ah hung in. Zie mite hi nam genhak tak ahi ngâl u a; tichun ka manlohnau leh ka gitlohnau ngaidam in la, na go chan dingin ei nei in.” a ti a.

ROME 11:4

Himahlele, Pathien in bangti’n a a dâwn khah? “Baal maa khupdin ngeilo mi sang sagih keimah adingin ka kawih zing hi,” ti’n a dâwng a.

LUKE 15:32

Himahleh, zie na nau hi a thi sa, a hung hing kit ahi a, a mang sa, I muh kit uh ahi ta a, ziezieka chuh, kipâk tak leh lawp taka I um dinguh a puo!’” a ti a.

MIKA 5:3

Zieziekchun, naunei ding nu chun chapa a hin masang sieh chuh, Lalpa a mite chuh melmate khuta pie’n, kiheimangsan ina. Tichun, a suohpih dangte cheng chuh Israel gam achun vaikit un au.

AMOS 8:2

Lalpa chun ka kawmah, “Amos, banga na muh?” ei ti a. Chun, kei chun, “Nipi theigah bawm,” ka ti a. Chun, Lalpa chun ka kawmah, “Ka mi Israel te chungah tawpna a hungtung tai, amau haw chiehpel kit ta puo’ng ka!” a ti a.

AMOS 7:8

Chun, ka kawmah Lalpa chun, “Amos, banga na muh?” a ti a. Chun, ken, “Etdikna,” ka ti a. Lalpa chun, “Ngaitie, ka mi Israel te lak ah etdikna kawih ka ting; amau ngaidam kit ta puo’ng ka ting;

JEREMIA 31:34

Kuoma’n, amah inveng leh, amah suohpihte chuh Lalpa he dingin hilh ta puou un tin, a neupen apat a lienpen tiengin, a bawn un ei he chiet ta ding ahi ngâl uh a, tih hi Lalpa kamsuok ahi. A manlohnau chuh ngaidam ing ka ting, a gitlohna hawu chuh hezing zing ta puo’ng ka.

ISAI 57:10

Nangmah ngêi le, na pathien ding hawl na’n na kimangzo sek a, na haihsan diek puoi. Na milim pathien chun hatna hun pie a, chau ngeilo dingin na kingaihtuoh a.

ISAI 40:25

Pathien Thiengtho chuh kuo tawh ahim, tehkal theih ding? Amah bang hi kuo a um?

ISAI 40:18

Aleh, Pathien chuh kuo tawh na tehkal ta dingu? a hihloh leh, bang tawbang lim tawh na tehkal ding u?

SAM LEHKHABU THE PSALMS 103:13

Pa’n a chate a lungsiet bang in, Lalpa chun amah kihchate a lungsiet sek hi.

SAM LEHKHABU THE PSALMS 35:10

Ka guh chengcheng hin, “Lalpa, nang tawbang kuo a um? Nangin mi gimtheite chuh amau sanga hatzaw apat na humbit a, Ahi, mi gimthei leh mi chagah chuh a susiepa apat na humbit a, Nang tawbang kuo a um?” ti’n a.

KISIMNA 23:21

Pathien vangsak sa chuh ka sam kit theilo ahi; Israel chate masang ding chuh ka mu a, vangsietna leh buoina tun puo’n a; Lalpa a Pathien u chuh a kimvel u ah a um a, ka leng uh ahi ti’n a phuong uh ahi.

JEREMIA 38:8

Ebedmelek chuh leng in apat chun a pawt a, leng kawm achun hiti hin a gen a,

ISAI 62:5

Tangval in nungak thiengtho zi a a neih sek bangin, Nang hun siempa chun hun kichên pih ding ahi. Chun, moneipa chuh mo chunga a kipah bangin, Na Pathien chuh na chungah kipâk ding ahi ta ngâl a.

THILSIEMBUL 4:7

Thil na hihphat leh pawm a um lo ding na him? Na hih phatloh leh vang chuh gitloh kawtkhak bul ah a bawk zing a, na chunga thuneih a ut a, himahleh zo ngêi ding na hi,” a ti a.

2 KHANGTHUBU 6:21

Na suok leh na mi Israel te hin zie mun lam hi ngaa a paucham tieng u leh a ngetna teu chu a na ngaihthak sak sek in, Na chênna mun van a pat in a na ngaitha’n la; ngaidam in.

2 KHANGTHUBU 30:9

Lalpa lam na hung ngat kit u chun; na suohpihteu leh na chateu sala mante chun lungsiet untin, zie gam ahin hungkit sak ding ahiu hi: Lalpa na Pathien u chu mi lungsiet thei tak leh zahngai thei tak ahi ngâl a, amah lam na ngat phawt u chun hun na lungsiet ngêi ngêi ina” ti’n a va chiel u a.

ISAI 33:24

Zie khuo a um chun “Ka dam puoi” ti um ta puo’n tin, a sunga mi umte chuh a gitloh uh ngaihdam hi ta’n au.

ISAI 64:9

Aw Lalpa, ka chungu ah lungna taluo ta ki’n la, ka manlohnateu hile kumlekhuo’n hezing diek ki’n. Na mipite ka hiu a, ka chungu ah zahngai in.

JEREMIA 9:24

A suong ta chengin zie hi suong hen, ‘Kei Lalpa hi,’ Hehpihnate, vaihawm diknate, diktatna te lei chunga mang sek ka hi tih ei het u a, a hetthiem nau chuh ka kipahpih lam ahi ngâla tih hi Lalpa kamsuok ahi.”

JEREMIA 31:20

“Ephraim chuh ka chapa deihtak, ka cha ngaih-um tak a hih ziek ahim? Amah ka thunun chenga, ka lungthima a chen zing sek hih? Ka lunggil in a lainat sek a, a chungah zahngai tei ing ka, tih hi Lalpa kamsuok ahi.

JEREMIA 33:8

Ka chunga a thilhih khelhnau leh a gitlohnau haw cheng ngaidam ing ka ting, chuleh, a gitlohnau leh ka chunga a thil hihkhelh nau leh a manlohna teu apat in hih thiengtho ing ka.

EZEKIEL 18:23

Migilo thihna ahin kipahna ka nei a ahim? A umdan te a kiheimangsan a, a hin leh nuomsa hizaw lo ka him?” Lalpa Pathien in a tii.

HOSEA 14:2

Lalpa kawm lam achun vaikit unla, ziehi pauchamna na lat ding dân u chuh hi hen: “Ka gitlohnateu cheng ei ngaidam inla, ka hihphat taphawt u chuh pawm in; tichun, ka mûk hawu gahte chuh bâwngchal sik in hun pie’ng kau.

AMOS 1:11

Lalpa chun hiti hin a tii, “Edom mite bawhsietna thum ziekin, ahi, li ziekin ka gawtna chuh suhai puo’ng ka. A suohpihteu Israel te chuh delh zinga, a chung u a zahngaihna himhim a suklat loh ziek un. A lungnatnau chun tâwp a nei puoh a, a thihsan ngeiloh ziekun.

VAIHAWMTE 10:16

Tichun, a lak u a nam dang pathiente chuh a kawihmang u a, Lalpa na a sem tau a. Chun, Israel chate lungkham ziek chun a lungthim chuh a lungkham mah mah ta a.

SAM LEHKHABU THE PSALMS 65:4

Na Ho-In huongsung kawtlaia um thei dinga Na tel a, na kieng na zawt sakte chuh mi hampha ahiu: Na in phatna chun tai ung kau, Na Ho-In mun thiengtho phatna chun.

ISAI 38:17

Ka gimtheihna chengcheng kha thamuonna a suok ta a, Lauh-umna apat in ka hinna na hukbit ta a, ka gitlohna chengcheng na ngaidam ta ngâl a.

EZEKIEL 33:16

Gitlohna ana hihsa khat le hetzing hita puo’n tin; athieng leh adik chuh ana hih ta a, a hin tei ding ahi.

HOSEA 14:5

Israel a ding chun van dâichîm tawbang hi’ng ka ting, lili bangin vul un tin, Lebanon tânga thing bangin det takin zung khawh un tin;