MIKA 7:10 - PATHIEN LEKHABU THIENGTHO (BSI)

¹⁰ Zie phat chuleh, ka melma, ka kawma, “Lalpa na Pathien chuh khawitaka um a?” ti a ei dawng te khan zie chuh muu in tin, zakcha ta’n au. Ka mitte chun amahnu chuh en intin, tuhin chuh khawlai buonthuok guola tawhden hita’n a.

MIKA 7:10 ပူးပေါင်းရင်းမြစ်များ

ZEKARIA 10:5

Tichun, mi hattak bang hung hiu un tin, kidona kawtthêl buonthuok lak achun a melmateu tawhden un au. Lalpa chuh a kawm u a a um ziekin do un au: sakawl chung chuongte chuh zo ngêi ding ahiu hi.

SAM LEHKHABU THE PSALMS 42:10

Ka taksa a thihna theih liemna um tawbang in ei dote chun ei gen sie sek u a: “Na Pathien khawi ah a um hi?” ei ti matchet u a.

THUPHUON 18:20

“Vante haw, amahnu sietna ziek chun kipâk un! Mi Thiengthote leh, sawlchakte leh thiemgaute haw, kipâk un! Nang haw chunga a thilhihte ziek chun Pathien in amahnu chung achun a vaihawm thuk ta ngâl a!” ti’n.

JOEL 2:17

Ho-In hulliep leh maichâm kikala nasem thiempute chuh, kap kawmin paucham u hen la, “Aw Lalpa, ka chungu ah zahngai in! Nam dangte chuh, ‘Na Pathien uh khawia um a hi ta?’ ti a, musit tak leh ei nuihsan dingin umsak ki’n,” ti’n gen u hen.

SAM LEHKHABU THE PSALMS 35:26

Ka sietna chunga kipakte chuh muolpho tak leh gen ding helo hiel in um hawn u hen. Ka chunga kisulien haw chuh muolphona leh zahchâkna silh sak in um hen.

SAM LEHKHABU THE PSALMS 18:42

Ziephet chun lei vui huih mût mang theih haw bang mai hin ka khên nêl dimdem a: Khawlai buonthuok tawbang mai in ka paih dawk tai.

2 SAMUEL 22:43

Ziephet chun leia leivui bang mai in ka khen nêl a, Khawlai buonthuok bang mai in ka tawh zuon a, ka theh zak vek a.

MIKA 4:11

Tuhin, nam tamtak a hun do dingin a kisam khawm u a, “Sukbuok in um hen la, I mit un Zion chunga sietna tung chuh mu hen” a tiu a.

JEREMIA 51:51

“Gensiet na thu ka zak ziekun ka zakchau a, zahchâkna’n ka mai uh a khuh zo tai; Lalpa in a mun thiengtho achun gamdang mi a hunglut ta ngâl u a.

SAM LEHKHABU THE PSALMS 79:10

Bangatih leh namte chun, “A Pathien u chuh khawitaka um ahi?” a tih zing sek u a. Na suokte thisan phuba chu lak hi hen la, Ka mitmuh un ginglo haw lak a hin suklat hi hen la.

MATTHAI 27:43

Pathien a taksang hilo maw, a nawp chun, tuhin hukdam hen; Pathien Chapa ka hi, a ti ngâl a,” a tiu a.

MALAKI 4:3

Mi nunsie chuh nuoisieh ta’n na tin uh, Ka hun guot achun na kengnuoi u a leivui tawbang hiding ahi ngâl u a, Bangkim hihthei Lalpa chun a tii.

MALAKI 1:5

Na mit ngei un zie hi muu in na tin, “Israel gamgi khel natieng ale Lalpa chuh a limbawl in um hen,” hun ti’n au.

OBADIA 1:10

“Na suohpihpa Jakob chunga na hiemngâmna ziekin, zahchâkna’n hun khuh intin, kumlekhuo a ding in sukmangthai in um inla.

DANIEL 3:15

Tuhin, pengkunte, châmngaite, kingkangte, gawsemte, bajate, pekgitte, leh thil githei tincheng na zak tiengu leh bawkkhup a ka milim siem chibai na bûk u chun phan tin: chibai na bûk loh uh le vang chuh zie hun mah mah chun hâltuina meipi a paih lut hi’n lau: ka khut apat nang haw hun hukdawk thei ding pathien dang um dingin na gingchau em?” a ti a.

JEREMIA 51:24

Nang mah mitmuh ngêi in Zion chunga thil phalo a hih teu chengcheng chuh Babulon leh Kaldai mite chungah dinthuk ing ka tih hi Lalpa kamsuok ahi.

SAM LEHKHABU THE PSALMS 115:2

Bangatih leh namtin in, “A Pathien uh khawi a um ahi?” a tih uh ahi die aw?

SAM LEHKHABU THE PSALMS 109:29

Ei dote chuh zahchâkna puon silh sak in um u hen la, Puonâk a kituom guol in amau haw chuh muolpho na’n kituom u hen.

SAM LEHKHABU THE PSALMS 58:10

Phuba lâkna chuh a muh tieng leh mi diktat chuh kipâk intin: Minunsie te thisan chun a keng chu sil ina.

SAM LEHKHABU THE PSALMS 42:3

Ka mittui hi sun leh zan in ka an ahi a, Mite’n “Na Pathien khawi a um ahi?” ei ti mat chet u a.

EZEKIEL 7:18

Kawlladip puon cheng intin un, lauhna’n amau chuh tuom intin, a mel u ah zahchâkna kilang intin, a luchang chengcheng u chuh kawlh vek ina.

ISAI 41:25

“Mâllam apat in mi khat ka chawktho a, tichun, a hung ta a, ni suohna lam apat in amin in a sama. Amah chun vaihawmtute chuh buonthuok bang phetin a chil nawi a, bêldêngte’n tung a mêk bang phet un.

OBADIA 1:12

Himahleh, na suohpihte a vangsiet lai un a sietna chuh nuihsan ki’n la; Juda chate a manthai niu chun a chung u ah kipâk ki’n la, a gimtheih niu in le kisathei takin pau ki’n.

MIKA 7:8

Aw ka melma, ei eu lau mai ki’n, puk mahleng le thokit ing ka; Thim laka chu mahleng le Lalpa’n vak ei pie kit ding ahi.

JOSHUA 7:9

Kanaan te leh zie gama um chengcheng te hin heu untin, ei hun ûm untin, lei apat hin ka min uh hihmang kei ding ahiu hi; na min lopi tak hi bangti’n na hih ta die?” a ti a.

SAM LEHKHABU THE PSALMS 92:12

Mi diktat chuh tum bangin duoh hut hut intin; Lebanon tânga Sidar bangin khang hul hul ina.

ISAI 26:11

Aw Lalpa, na khut chuh na dawmsang a, himahleh a mu ngâl puou a; amahvang chuh, mite dinga na phatchuomngaihna chuh muu untin, zakcha ta’n au; ahi, nang hun dote chuh mei in kângtum ina.

JEREMIA 49:15

Ngaitie, namte lak ah ka hun suneu a, mihingte muhsit in na um ta ngâla.

ZEPHANIA 3:15

Lalpa’n na chungchâng vaihawmna chuh a lamang ta a; na melmate a paih dawk vek ta ngâl a. Lalpa, Israel te Leng chuh na kawmah a um a, lauh ding himhim a um ta puoi!