MIKA 7:1 - PATHIEN LEKHABU THIENGTHO (BSI)

¹ Ka chung a gik na e! Nipi theigah kisungkhawm leh grep lawh hun laia a kilo hengilh lawh ding tawbang ka hi ngâla; theipi gah min masa tawbang ka hi a, ka hinna’n a utchak le a um diek puoi!

MIKA 7:1 ပူးပေါင်းရင်းမြစ်များ

HOSEA 9:10

Lalpa chun, Israel te ka muhdawk pat ni chun, gamgaw a grep bang mai ahiu a. Nang haw hun suonte chuh theipi gah min masa bang phet ahiu ui. Himahleh, Baal-Peor tângah a hung u a, zahchâk um takin a masang achun a kisuthiengtho u a, tichun, a pathien hoteu banga kihdak-um a hung hi tau hi.

ISAI 28:4

A hawihnau lopi chuh, pakcha pak vuoi lai tak, luiphai hausa taka um, nipi ma a theipi min masa, mi’n a muh muh a a khuta a lawh a, a nek zawh zieng bang chuh hi’n a.

ISAI 24:13

Lei chunga mi chengcheng chungah, hiti bang hin hung um ding ahi ngâl a, olive thing khet nunga a gah a na um sek bang leh, grep lawh nunga muh khelh a na um sek bang hi hi’n a.

ISAI 17:6

Himahleh, olive thing, lawh zawh kêi nunga, a zîk pi sangpen lêk a gah nih ahim, thum ahim leh thinggah tak mai bâk zik zum a gah li ahim, nga ahim a um sek bangin, tawmcha nutsieh in um ina, Lalpa Israel te Pathien chun a tii.”

JEREMIA 45:3

‘Nangin ka chunga gik na e! Lalpa chun ka thawkna ah lungkhamna ei behlap sak ta ngâla, ka tau hi ka chauh lawh a, chawlhdamna himhim ka mu zo puoi,’ na ti a.”

JEREMIA 15:10

Ka chung a gik na e! Ka nu’n lei chung pumpi a kiniel hât leh kina mi a nei na hin hi. Kuomah a ka khel puoh a, kuomah a ka palâk diek puoi. Himahleh, ei hansiet khum chiet tho u a.

JEREMIA 4:31

Numei nauhanat tau git tawbang ka za a, nautil hing nat thuok lai, Zion chanu ha huoi huoi a kah git chuh a khuthaw zak in, “Ka chung a gik hi, tuolthat te masang ah ka thidang zo tai,” tih aw ahi.

ISAI 24:16

Kâwlmawng tâwp apat chun, DIKTATNA PATHIEN pahchakna la chuh zak in a um a. Himahlele, kei dingin kinepna a um diek puoi! Ka gawng deuh deuh a! Mi themte chun ei thêm zing u a, a chalaknau chuh a nasa deuh deuh ngâl a.

ISAI 6:5

Ziephet chun, ken, “Mûk thienglo pu ka hi a, mûk thienglo pu mite laka um ka hih ziekin, ka chung a gik na e! a mangthai chuh ka hita hi; ka mit in Lalpa, Sepaihte Lalpa chuh a mu ta ngâl a,” ka ti a.

SAM LEHKHABU THE PSALMS 120:5

Meshek haw gama ka um leh, Kedar haw puon-In lak ah ka um hi, ka chung a gik na mai zên e!

JEREMIA 24:2

Bawm khat achun theipi hawih tak tak, theipi min masa bang hiel hi a um a, himahleh, bawm dang achun theipi sie tak, nek tâk loh khawpa sie hi a um a.

KISIMNA 18:13

A lo u a gah masapen Lalpa a ding a a hun chawih u chuh nang a hi’n tin; na In a mi thiengtho chengcheng in ne thei un au.

THUCHINGTE 20:6

Mitin in amau phatna leh ginumna thu gen untin, himahleh mi diktat chuh kuo a mu thei ding?

JEREMIA 5:1

Jerusalem kawtthêl achun a suk ato in taiviel unla, en un, melchik unla, a lamlien ningkawi tin chuh hawl un, thil dik bawla thudik hawl mi khat bêk na muh u leh Jerusalem chuh ngaidam ing ka.