MIKA 6:8 - PATHIEN LEKHABU THIENGTHO (BSI)

⁸ Aw mihing, Lalpa’n thilpha chuh a hun hilh ta a. Lalpa’n a hun ngêk pên chuh ziehi ahi: Thil dik hih leh, lungsietna suklat zing leh, I Pathien u tawh kingainiem taka kipawlkhawm zing hi ahi.

MIKA 6:8 ပူးပေါင်းရင်းမြစ်များ

THUCHINGTE 21:3

Kithawihna sangin diktak leh fel taka vaihawm chuh, Lalpa a ding chun pawmtâk ahi zawi.

KOLOSSA 3:12

Khutichun, Pathien mi tel, mi thiengtho leh deih takte bangin, kilungsietna lunggil haw, zahngaihna haw, kingaihniemna haw, lungchuolna haw, thuokhatna haw chun kivan un.

JEREMIA 22:3

Lalpa chun hiti hin a tii; Diktak leh thudik in vaihawm un la, sugimtheite khut a gimtheihna thuokte chuh hukdawk unla, chun, gamdang mite, pa neilote leh meithaite chungah diklohna ahim, hiemngam na ahim chîng kiu in; zie mun ahin mi diktat thisan le hun suoh diek kiu in.

HOSEA 6:6

Kithawihna deihlo in lungsietna ka deih ngâla; hâlmang thillat haw sang chun Pathien hetna ka deih zawi.

1 SAMUEL 15:22

Chun, Samuel chun, “Lalpa thu zuih a a kipah guolin hâlmang thilpiek leh kithawihna haw hi Lalpa’n a kipahpih a ahim? Ngaitie, kithawihna sangin thu-awih a phazaw a, belamchal thau sangin a thu awihna chu a phazawi.

ISAI 66:2

Zie thil haw cheng hi keimah khut ngeia ka siem ahi a! tichun, keia ahi tau hi, Lalpa’n a tii. Himahleh, mi gimthei, thagau a kisik tuntun leh ka thu a kithing sek te lam chuh en zawng ka.

1 PETER 3:8

A chaihna kêi in, na bawn un lungthim munkhat in um unla, kilainat tuoh unla, suohpih bangin kihehpih unla, kilungsiet tuoh unla, nuoilut chuh in um un.

LUKE 6:36

Zieziekchun, na Pau in mi a lungsiet guolin, mi lungsiet un.

LUKE 11:42

“Na chunguh a gik hi! Nanguh Pharisaite haw, Pudina bang, pathikhawm ngat bang leh, thai tin chengte Pathien kawmah sawma-khat na pie sek u a, himahleh, vaihawm dikna leh Pathien hehpih ding chuh na ngaihsak ngâl puou a. Ziehaw chuh apuo, na sin ding u chuh, a dangte hih chuh haihsan diek lo in,

AMOS 5:24

Himahlele, thudik a vaihawmna chuh tui bangin luong hen la, diktatna chuh tuilien bangin luong hen!

MATTHAI 5:7

“Mi lungsiet thei takte chuh a hamphau ui; lungsietna hun lawh ding ahi ngâl u a.

EPHESI 4:32

Chun, nunnem a, lungthima kizahngaihtuoh takin um zing un la, Pathien in Krista a nanguh a hun ngaihdam guolin, kingaidam tuoh un.

THILSIEMBUL 18:19

Lalpa lampi a hawh theih na ding u leh a nung u a a chate leh a inkuonpih teu thil dik hih ding leh diktaka vaihawm ding leh kitûp taka hih dinga thu a piek theih na dingin amah chuh ka guot ta ngâla. Khutichun, a chungchâng thu Lalpa’n a gen chuh Abraham chunga a tunsak theih na dingin,” a ti a.

THUGENPA 12:13

Ziehaw chengcheng khaihkhawmna chuh ziehi ahi: Pathien lau inla, a thupiek zawp in, zie chuh mihing te nasep ding pên ahi ngâl a.

HOSEA 12:6

Khutichun nanguh Jakob suonte haw, na Pathien lam nga kit unla; ginum tak leh, thudik takin um un. Thuokhat takin na Pathien chuh ngak zing un.

ISAI 57:15

“Chungnung pên Pathien lopi, chawihsân a um, kumlekhuo a hing zing Amin Thiengtho kiti chun hiti hin a gen hi: ‘Mun sang leh Mun Thiengtho achun ka chênga, kingainiemte leh lunggil kisik vulvul te hihhalh ding leh lungthim thasie te chuh suhalh dingin.’

MATTHAI 5:3

“Thagau lama tasam kisate chuh a hamphau hi; van gam amau a ahi ngâl a.

ZEPHANIA 2:3

Nang haw, leia mi kingainiem chengcheng, a thupiek zuite haw, Lalpa chuh hawl un! Diktatna hawl un la, a masanga chun kingainiem un Tichun, Lalpa lungnatna ni achun na suokcha kha mawh ding u!

DANIEL 4:37

“Tichun, kei Nebuknezar hin van Lengpa chuh ka pakcha ta a, ka chawisâng a, ka limbawl a; a thilhih chengte chuh a dik in a lampite chuh a kitûp ngâl a: kuole chapo taka thilhihte chuh a suniem thei ahi,” ka ti a!

SAM LEHKHABU THE PSALMS 37:26

Nichang tumin mi a lungsiet a, a palâk sak seka; A suonte chuh vangsakna a hung hi sek ui.

NEHEMIA 9:13

Tichun, Sinai tâng achun na hung kum suk a, van apat in a kawm u ah thu na gena, vaihawmna dikte, dân diktak leh thuguot leh thupiek hawihtak na pie a;

SAM LEHKHABU THE PSALMS 112:4

Mi diktat ding chun thim achun vak a hung pawt sek a: Lalpa chuh mi lungsiet thei tak, lainatna a dim leh diktat tak ahi.

SUNNA LA 3:26

Zieziekchun, eihaw a dingin thuok hattak a Lalpa ngak a, I hukdamna dingu a ngak chu aphai.

SAM LEHKHABU THE PSALMS 112:9

Huongphal takin a hawmzak u a, chagahte kawmah a pieu a, A diktatnau chuh kumlekhuo’n a um hi: A lopinau chuh zah taka dawpsa’n in a um hi.

SAM LEHKHABU THE PSALMS 73:28

Mahleh kei a dingin vang chuh Pathien naih hi a phai; Lalpa Pathien chuh ka kihumbit na’n ka manga, a nasep chengcheng chu ka gen theih na dingin.

2 KHANGTHUBU 34:27

na kisik a, ka masangah na kingainiem a, na puonte bawtthêk in, na kap ta a, na pauchamna ka he a,

JAKOB 2:20

Aw mi manloh pa, thilhih tello a taksanna chuh bangmah ahi puoi tih na he nuom hi?

ROME 7:16

Ka hih nawp loh lam thil ka hih ngâl chun, Dan chuh a phai ti a ki-awi ka hi puoh die.

2 KHANGTHUBU 32:26

A tâwp chun, Hezekia leh Jerusalem a mipite chu a hung kingainiem tau a, khutichun Hezekia damsung chun Lalpa’n mipite chu a gawt ta puoi.

1 SAMUEL 12:23

Zie mai chule hilo in kei ding vangin, nang haw dinga paucham haihsan a Lalpa chunga gitlohna hih ding chu thil hithei lo hiel ahi; lampi pha leh dik chu hun kâwkmuh zel zaw’ng ka.

ROME 9:20

Ahi, himahlele, aw mihiem, Pathien dawng kit thei dingin kuo na hi a ahim? Thilsiem chun a siempa kawmah, “Bangati a tawbang ahi ei siem?” a ti thei dinga ahim?

LUKE 10:42

thil khat chauh a khawk ie; Mari’n chan pha a tel a, zie chuh lâksak ding ei puoh ie,” a ti a.

EZEKIEL 16:63

Khutichun, na thil hihsa chengcheng ngaihdamna ka hun siem sak tieng leh na hetzing a, na zahchâk zieka na kam na kât tâk lohna dingin,” Lalpa Pathien chun a tii.

2 KHANGTHUBU 33:23

Himahleh a pa banglo tak in, kingainiem in Lalpa lam a nga kit nuom puoh a; a pa sangin a gilo zaw ta a.

2 THESSALONIKA 2:16

Tichun, I Lalpau Isu Krista mawng leh, Pathien I Pau, ei hehpihpa leh, a lungsietna vanga, hansanna thâwn lo leh, kinepna det ei piepa chun,

THILSIEMBUL 5:22

Mathusel a neih nung in Enok chuh kum zathum sung chuh Pathien tawh a kivawp zing u a, chanu leh chapate le a hing kit a:

THIEMPUDANTE 26:41

Melmate khuta pie a, amau haw do ding khawpa ei suklungnat ziek un a gitlohnau chuh phuong un au. Atawp a, na tu leh chateu chuh a hung kingaihniem u a, a helnau leh a gitlohna ziek u a gawt a hih nung u chuleh,

2 KHANGTHUBU 33:19

Chuleh, a pauchamnate leh, Pathien in a dawnna thute, a kikawihniem ma a a gitloh na chengcheng, milim ho na a siem, Asher pathien lim leh milim siemkawm a tundawkna mun chengcheng te chuh thiemgau chanchin zik na bu ah a kizik vek hi.

1 KORINTH 7:16

Zie tawbang thil ahin, nang zi, gingcha mi zaw chun, na pasal na hukdam ding leh hukdam loh ding, bangti’n a na het theih ding? chun, nang pasal, gingcha mi zaw’nle, na zi na hukdam ding leh hukdam loh ding bangti’n a na het theih ding?

2 KHANGTHUBU 30:11

Himahleh Aser te leh Manasseh te leh Zebulun te tamtak chu a na kingainiem u a, Jerusalem ah a chieh u a.

LUKE 12:14

Himahlele, Isu’n a dâwng a, “Mihiem, nang u chungah kuo a vaihawm ding leh sum hawm dinga ei siem?” a ti a.

DAN NIHNA 30:15

“En un, tuni hin na mau ah hinna leh lamzanna, thihna leh sietna ka kawih hi;

ISAI 56:1

Lalpa chun hiti hin a tii, “Diktak in vaihawm unla, thil dik hih un, ka hukdam na chuh hungtung pai ding ahi ta a; ka hun hukdawkna chuh hung kilang pai ding ahi ta ngâl a.

EZEKIEL 33:14

Chun, migilo kawma, ‘Thi tei ding nei ve,’ ka tih a, a gitlohna a kiheimangsan a, a thieng leh a dik a hih a;

MIKA 6:9

Lalpa’n khawpi chuh a kiko khum a, “Pilna nei mi chun na min lauh dân thiem ina; Khetbuk leh a bawl pa heu in.

ZEKARIA 7:9

“Bangkim hihthei Lalpa chun hiti hin a tii: Diktak in vaihawm un la, mitin in amau suohpihte chungah lungsietna leh zaidawhna sulang chiet u hen.

DAN NIHNA 27:10

Zieziekchun, Lalpa na Pathien thuu chuh na awih dinguh ahi a, tunia thu ka hun piek, a thupiek haw leh a dân haw chuh na zuih dinguh ahi, a tiu a.”

JOSHUA 24:14

“Zieziekchun, Lalpa chuh kihchau unla, tihtakzet leh diktak in a na chuh sem unla, na pulepateu in luigal lehlam a Aigupta gama a na a sep sek uh pathien haw khah paih vek unla; Lalpa na sem un.

SAM LEHKHABU THE PSALMS 101:1

Ngilhneihna leh vaihawmna thu chuh la’n sa’ng ka ting: Aw Lalpa, nangmah pakcha’n la sa’ng ka.

JEREMIA 9:23

Lalpa’n hiti hin a tii; “Miching chun a chitna suong kihen la, mihat inle a hatna suong diek kihen la; mi hausa chun le a sumlepai suong diek kiheh.

JEREMIA 22:16

Mi chagah te leh tasamte chuh vai a hawm sak a, zie chuh a pha ahi. Ziehi nei het dân ding chuh hilo maw? Lalpa’n a tii.