MIKA 6:6 - PATHIEN LEKHABU THIENGTHO (BSI)

⁶ Lalpa, van Pathien ho dinga ka hung tieng leh, a masang achun bang ahi die ka chawih ding? A masang achun hâlmang kithawihna a bâwngno kum khat a upa tawh hung ding ka him?

MIKA 6:6 ပူးပေါင်းရင်းမြစ်များ

NASEPTE 2:37

Chun, mipite chun zie thu haw chuh a zak phet un, a lunggil u chuh a kisun a hung bang ta a, Peter leh sawlchak dangte kawm achun, “Suohpihte, bang ka hih ta ding u leh?” a tiu a.

MARK 5:7

ngeih tak a kiko in, “Isu, Pathien Chungnung pên Chapa, kei leh nang banga I kitimatna um? Ei hihgimthei lo dingin Pathien min in ka hun ngên hi,” a ti a.

MATTHAI 19:16

Chun, mi khat a kawmah a hung a, “Sinsakpa, kumsawt hinna ka neih theihna dingin thilpha bang ka hih die?” a ti a.

DANIEL 3:26

Tichun, Nebuknezar chuh hâltuina meipi kawtkhak achun a chieh to a, “Shadrak, Meshak leh Abednego te haw, nanguh Chungnung pên Pathien suokte haw, hung pawt unla, zie hin hung un,” ti’n a vak hopih a. Tichun, Shadrak, Meshak leh Abednego te chuh mei lak apat chun a hung pawt tau a.

NASEPTE 16:30

tichun, amau chuh a puidawk a. “Pute haw, hukdama um dingin banga ka hih ding?” a ti a.

NASEPTE 16:17

Zie nu chun, Paul leh kei uh ei zui a, “Zie mihaw, hukdamna lampi hun hilhte hi, Chungnung pên Pathien thu-awi ahiu hi,” ti’n a kiko a.

JOHAN 6:26

Isu’n a dâwng a, “Tihtakzet a ka hilh na hiu hi, thilmak haw hi na muh ziek u a ei hawl na hi puou a, chângthâk pek na nek vah ziek u a ei hawl na hi zawu ui.

LUKE 10:25

Chun, ngaitie, dân sinsaktu khat a hung dawk a, Isu zedapna dingin, “Sinsakpa, kumsawt a hinna ka chan theihna dingin banga ka hih ding?” a ti a.

DANIEL 5:21

Tichun, mihingte lak apat in nawhdawk in a um a; a lungthim chuh gamsate a banga siem in a um a, a chênna chuh gam sabiltungte lak a hi ta a; bâwngchal guolin hampa a pet a, tichun gamlak achun a taksa lieh ding um lo in dâitui lak achun a kuol ta a. A tâwp chun, Pathien Chungnung pên pa chun mihingte lalna gam ahin vai a hawm a, a deihsak taphawt a luoh sak sek hi tih a hun he dawk ta a.

DANIEL 5:18

“Aw lengpa, Pathien Chungnung pên pa chun na pa Nebuknezar chuh gamte, letnate, lopinate, leh lalnate a pie a.

DANIEL 4:9

Aw Belteshazar, mitvaidawi thiemte lawiupa, namgmah achun Pathien thiengthote thagau a um tih leh, thu gûk mawngmawng nanga dinga haksa a um puoi tih ka het ziekin, ka manga ka muh kilâkna leh a hilhchetna chuh ei hilh tie.

SAM LEHKHABU THE PSALMS 95:6

Aw hung unla chibai bûk in kûn hitiu ie; Lalpa ei siempa masangah khupdin hitiu:

SAM LEHKHABU THE PSALMS 22:29

Lei a ana ipmu sate haw chuh a masang ah khun un tin: Leivui a chieh suk chengcheng te chuh a masangah bawkkhup untin, chun, kei chuh amah a dingin hing ing ka.

2 SAMUEL 21:3

“Banga ka hun hih sak dinguh? Lalpa gochan chu na vangsak theihna dingun bangti banga kichamna ahim ka bawl ding?” a ti a.

PAWTDAWKNA 12:5

Chun, na belamno u chuh demna bei, a chal, kum khata upa a hih ding ahi a; belam lak apat ahim kel lak apat ahim a na lak dinguh ahi.

EPHESI 3:14

Zieziek hin Pa, van leh leia inkuon tinin, min diktak a muhna pau masang achun,

MARK 12:33

Mi’n Pathien chuh a lunggil chengcheng leh, a ngaihtuohna chengcheng leh, a hatna chengchenga a hehpih ding ahi a; chuleh, amah a kihehpih guola a invengte le a hehpih ding ahi. Zie thupiek nih te zawp hi, hâlmang thilpiek leh kithawihna dang cheng sanga pawimawh zaw ahi,” a ti a.

HEBRAI 10:11

Chun, Judate thiempu tin chun, ni chenga a zenviel na nau sem in leh, tamtak vei kithawihna ngêi mah chuh a lân u a; himahleh ziehaw chun gitlohnate chuh a lamang thei diek puoi.

KISIMNA 7:51

Hâlmang thillat dingin bâwngchal tuoi khat, belamchal khat, belamno a chal kum khata upa khat;

1 SAMUEL 15:22

Chun, Samuel chun, “Lalpa thu zuih a a kipah guolin hâlmang thilpiek leh kithawihna haw hi Lalpa’n a kipahpih a ahim? Ngaitie, kithawihna sangin thu-awih a phazaw a, belamchal thau sangin a thu awihna chu a phazawi.

SAM LEHKHABU THE PSALMS 95:2

Kipah thugen kawmin a masang ah chieh dii tiu ie, Pahchakna la sa a amah chawiân in lawp takin aw suoh hitiu.

ISAI 40:16

Lebanon chuh thinga tih dingin kidaih puo’n tin, gamsate cheng chule, I Pathien kawm u a hâlmanga kithawihna kham ahi puoh ngâl a.

JEREMIA 6:20

Bang ding a Sheba apat begaw te, gam gamla tak akipat in gilimte chuh ka kawma a hun chawih sek uh ahi? Na hâlmang kithawihnateu chuh pawmtâk ahi puoh a; na kithawihna hawu chun le ei sukipak diek puoi.

EZEKIEL 46:9

“Mipi vantâng haw chuh, guolvakna hunbi nei a Lalpa ho dinga a hung tieng u leh, mâllam kawtkhaka hung lut chuh simlam kawtkhaka a pawt dinguh a hi a, simlam kawtkhaka lut chuh mâllam kawtkhaka a pawt ding ahi. A lutnau kawtkhak mah a chuh a pawt kit loh dinguh ahi. A malam uh zuon a a chiehpai zel zawk dinguh ahi.

HOSEA 5:6

A belam hawnteu leh a bâwngguolteu chuh Lalpa kawma kithawihna dingin kai un tin, himahleh, bangmah phatchuomna um ta puo’n a. Amau haw apat a a kikiengkawih tâk ziekin a mu thei ta puou hi!

AMOS 5:22

Ahi, na hâlmang thillat teu leh, na an thillat teu ei pie leu chin le, a na pawm puo’ng ka ting; na kichamna gan thau thillat teu chule ngaihsak diek puo’ng ka.

PAWTDAWKNA 23:15

Thu ka hun piek bangin, Aigupta gam na nutsieh kum uh, Abib tha chun chângthâk chawl sawhloh kut ni sagih na mat ding uh ahi. Zie kut sung ni sagih chuh chângthâk chawl tel himhim na nêk loh dinguh ahi. Tichun, ka ma ah kuomah khutngawn a na hung kilat loh dinguh ahi.

SAM LEHKHABU THE PSALMS 116:12

Ka chunga a thil hihphat chengcheng ziek hin Lalpa chuh bang ka piethuk ta dem?

THUCHINGTE 15:8

Mi nunsiete kithawihna chuh Lalpa dingin kihdak-um ahi a, himahleh miphate pauchamna vang chuh a kipahlam tak ahi.

THUCHINGTE 21:3

Kithawihna sangin diktak leh fel taka vaihawm chuh, Lalpa a ding chun pawmtâk ahi zawi.