MIKA 6:2 - PATHIEN LEKHABU THIENGTHO (BSI)

² Nang haw, kumlekhuo a leisiet kingakna tângte haw, Lalpa hêkna thu chuh ngaithau in! Lalpa’n a mite do in, hêkna thu a nei hi. Israel te a hêkna thu chuh hun puodawk ina.

MIKA 6:2 ပူးပေါင်းရင်းမြစ်များ

HOSEA 12:2

Lalpa chun Juda chungah ngawh ding a nei a, Jakob chuh a umdan bang zelin gawt intin; a thilhih dân bang zelin dinthuk in a.

HOSEA 4:1

Israel mite haw, Lalpa thu hi ngaitha tiem u: gamsung ahin thutak leh lungsietna leh Pathien hetna a um loh ziekin, Lalpa chun zie gam luohte hi thiemmawh hun chansak ding ahi.

ISAI 1:18

Lalpa chun, “Hung tiem u, ngaihtuoh khawm hitiu; na gitloh nau chuh sandup bangin san mahleh, vuk bang in hung vam in tin; san au bangin san ta mahleh belam mul guol in hung vam ina.

SAM LEHKHABU THE PSALMS 104:5

Lei chung kingakna haw chuh na phum a, Kumlekhuo a a kilin lohna ding in.

2 SAMUEL 22:16

Ziephet chun Lalpa hilhgaihna zieka a nak u a hu pawt in hah mût a a mût ziek chun lei kingakna haw chu suklat in a um ta a; chun, Tuisuohgiet lituong chu a kang a, Leisiet kingaknahaw chu suklatin a um ta a.

DAN NIHNA 32:22

Ka lungnat mei guolin a kuong dawka, Sheol kawdawn chan in a kâng hi; Lei leh a gahsuoh cheng tawh a kang zo hi, Tang kingaknate haw chanin a kang hi.

JEREMIA 31:37

Lalpa chun hiti hin a tii: “Chunglam van khuh teh theih a hih a, nuoi lam a lei kingaknate hi hawl dawk theih a hih chun, Israel suonte chuh a thil hihsateu ziekin paihmang ing ka, tih hi Lalpa kamsuok ahi.”

JEREMIA 25:31

A gi chun kâwl mawng tâwp chan thawng ina! Lalpa’n namte chuh a kilanpih a, mi chengcheng chungah vaihawm intin, mi nunsiete chuh chemzâm kawmah pie’n a,’ tih hi Lalpa kamsuok ahi.”

JEREMIA 2:9

Zieziekchun, hun kilanpih ing ka ting, na chateu chate le kilanpih zing ing ka,” tih hi Lalpa kamsuok ahi.

ISAI 43:26

Mawh ei chansak un la, ngaihtuoh khawm hitiu; na diknau chuh het a hih theihna dingin na thuu chuh gen un.

ISAI 5:3

Tuhin, Aw Jerusalem leh Juda mite haw kei leh ka grep huon kal thu hih ei ngaihtuoh sak tiem u!

THUCHINGTE 8:29

Tuipi a dinga gamgi a zam lai leh a tih khela lien lo dinga thu a piek lai khan.

2 SAMUEL 22:8

Ziephet chun lei hi a kilîng a, a kithing ta a. A lungnat ziekin van kingakna te na tiengin a kilîng in a kithing ta a.

DAN NIHNA 4:26

Jordan gâlkai a, na va luoh dinguh gam apat chuh beimang pai zieng ding na hiu hi tih na chungchâng thuu a ei hetpih dingin tuhin lei leh van ka sam hi; cheng sawt puo’n na tin un, beimang vek zieng inlau.

ISAI 3:13

Lalpa chuh genpih dingin a kisazo a, mipite vaihawm sak dingin a hung ding dawk ta a.

MIKA 6:1

Lalpa thugen chuh tuhin ngaithau in! Aw Lalpa, kipan in la, tâng lien haw ma achun kilanpih in la, tâng neu haw chun na aw ngaithau hen!

HOSEA 12:3

Sûl a khan le a suohpihpa khawtalzum a hun tuzui a, a hung pitin phetin Pathien a hun suol a.