MIKA 5:8 - PATHIEN LEKHABU THIENGTHO (BSI)

⁸ Jakob te laka a suokchate chu vang, gammânga sate laka sakeibaknei in tawbang leh belam hawn laka sakeibaknei vanglai bangin um ina: amah chun a chieh pai phawt chuh a tawh den a, a bawtthêk a, a panpih ding kuomah a um puou hi.

MIKA 5:8 ပူးပေါင်းရင်းမြစ်များ

ZEKARIA 10:5

Tichun, mi hattak bang hung hiu un tin, kidona kawtthêl buonthuok lak achun a melmateu tawhden un au. Lalpa chuh a kawm u a a um ziekin do un au: sakawl chung chuongte chuh zo ngêi ding ahiu hi.

MIKA 4:13

Aw Zion chanu tho in la, chil in, na ki chuh thik bangin siem ing ka ting, na kengbawm haw chuh sumeng guolin siem ding ka hi ngâla: chun, chi tamtak te chuh khen nêl in na tin, pawngbawlna zieka hauhsakna a neih teu cheng chuh khawvel pumpi Lalpa a ding in lân thiengtho in la.

ZEKARIA 12:3

Himahleh, zie hun chuh a hungtun tieng leh, Jerusalem chuh suongtum gik tak tawbang in siem ing ka ting, kuo namte hitaleh, a dawpkang guo taphawt chuh amau leh amau kisuliem un tin. Tichun, khawvel a nam chengte chu amah do dingin kipunkhawm un au.

ZEKARIA 9:15

Lalpa Bangkim hihthei chun a mite chuh veng intin, a melmateu thisan chuh suoh untin, vaisuongseh chang chule tawhden un tin; Kithawihna thisan chuh maichâm ning a buok bang mai in luong ina.

HOSEA 5:14

Ephraim a ding chun sakeibaknei tawbang, Juda a ding chun sakeibaknei vanglai tawbang hiding ka hi ngâla; keimah, keimah ngêi in bawtthêk ing ka ting, chieh ing ka ting, chiehmang pih ing ka ting, kuoma’n hukdawk puo’n a.

SAM LEHKHABU THE PSALMS 50:22

“Nang haw Pathien hengilh te haw, ziehi tiemteh tiem u! Khutilochun hun bawttel kha’ng ka ting, nanguh hun humbit ding um lo hiel ding ahi ngâla:

HEBRAI 12:25

Thugenpa chuh a na deih lo kha’n lau, chingthei un! Lei a amau haw hilhgaihna thugen ana ngai lote bawn a suohchak loh uh chun, van apat a I kawm u a thu hun gen pa nungngatte hih, suokcha mawh zawsem hitiu!

NASEPTE 18:6

Himahlele, a dodal u a, a gensiet phet un, Paul in a puon a thing a, a kawm u ah, “Na thihna mawh u chuh nangmau in kipuok un; kei vang ka thieng hi; tu a kipat Jentel te kawmah chieh ta’ng ka,” a ti a.

MATTHAI 10:14

Kuole, hun na lawp lo a, na thugen uh ngailo te chuh, zie In a kipat ahim, zie khuo a kipat ahim a chuh na pawt tieng u leh na kêngpêk u a leivui chuh thing thau in.

THILSIEMBUL 49:9

Juda chuh sakeibaknei bang ahi a, A sa nek ding that a, a kul lama vai kit a, Kizeh a, kuol tawbang ahi, Kuoma’n a subuoi ngam puou hi.

HEBRAI 2:3

Hiti lâwm lâwma hukdamna lopi hi thahthawt leuhing, bangti’na I suohchak theih mai zên dinguh? Zie hukdamna chuh a tûngin Lalpa ngêi manga phuon a hi a, zie chuh a zata chun a dik ngêi hi tih, ei sukdet sak uh a.

KISIMNA 24:9

Namte chuh sakeibaknei banga hât ahiu a, A ihmut chuh kuoma’n a phawng ngam lo uh ahi. Kuole Israel te vangsak chuh vangsak in um intin, kuole hansie lawh ta chuh hansie lawh in um un au,” a ti a.

SAM LEHKHABU THE PSALMS 44:5

Nangmah ziekin ei suol haw chuh chil diek diek ung ka tingun.

SAM LEHKHABU THE PSALMS 104:20

Nang chun thim na siem a, zan a hung hi sek hi; Zie tieng chuleh gamnuoi a sa tin cheng chu a ta dawk sek ui.

THUCHINGTE 30:30

Sakeibaknei hi gamsa laka hatpen a hi a, bangmah chan a suk-hêi zawh loh ahi.

ISAI 5:29

A thawm u chuh sakeibaknei hâm bang mai hi’n tin, sakeibaknei vanglai in a sa mat ding a ngîk a a mat bangin; amau chuh chieh mang pih untin, kuoma’n hukdawk puo’n au.

EZEKIEL 39:10

Khutichun, gam lak thing puo puou un tin, gammâng thingte le phuk diek puo’n au, gâlvante chuh thing tih dingin mang ta ding a hi ngâl uh a. Amau susiete chuh susie thuk untin, amau suomte chuh suom thuk un au,” tih hi Lalpa Pathien kamsuok ahi.

MIKA 2:12

“Himahleh, aw Jakob na mite chuh a bawn un hun puikhawm kit ding ka hi. Belam hawn, a huong zuon bangin hun puikhawm ing ka. Ham hing laka belam a dima um bang mai in na gam u chuh mipi tamtak in sudim kit ing ka,” ti’n.

MIKA 4:7

Tichun, kêngbâi chuh suohchak sak ing ka ting, gamla taka nawhmang a umte chuh nam lopitak a siem ding ka hi.

MIKA 5:3

Zieziekchun, naunei ding nu chun chapa a hin masang sieh chuh, Lalpa a mite chuh melmate khuta pie’n, kiheimangsan ina. Tichun, a suohpih dangte cheng chuh Israel gam achun vaikit un au.

MIKA 7:18

Aw Lalpa, nang tawbang Pathien, a goluoh ding a mite, a suokcha sunte gitlohna ngaidam leh a sukkhelhnau subei dang a um puoi. A lungnat na chu kumlekhuo’n a vawp zing puoh a, zahngaihna chuh a kipahpih lam tak ahih ziekin.

ZEKARIA 11:6

(“Lei chunga chêngte hi lainat lo ding ka hi ngâl a, Lalpa’n a tii; chun, ngaitiem u! mi cheng chuh a invengpa khut leh, a lengpa khuta chu pie ding ka hi: tichun, gam chuh susieu intin, a khut u apat in hukdawk puo’ng ka,”)

MALAKI 4:3

Mi nunsie chuh nuoisieh ta’n na tin uh, Ka hun guot achun na kengnuoi u a leivui tawbang hiding ahi ngâl u a, Bangkim hihthei Lalpa chun a tii.

ZEKARIA 14:18

Chuleh, Aigupta gama inkuon va chieh to lo taphawtte chung achun le guoh zu diek puo’n tin; chun, Bawkcha Kut mang dinga chieh to lo namte chunga Lalpa’n a gawtna hipi chuh a chung u ah tung ina.