MIKA 5:7 - PATHIEN LEKHABU THIENGTHO (BSI)

⁷ Tichun, Jakob suonte a hing dawk sunte chuh, nam tamtak te a dingin Lalpa apat a sukhalhthak kitna dâitui kie leh, thai kung dâwngte chunga guohmal kie sieusieu bangin um un tin, mihingte chunga kinga lo in Pathien chungah kinga zaw’n au.

MIKA 5:7 ပူးပေါင်းရင်းမြစ်များ

MIKA 5:3

Zieziekchun, naunei ding nu chun chapa a hin masang sieh chuh, Lalpa a mite chuh melmate khuta pie’n, kiheimangsan ina. Tichun, a suohpih dangte cheng chuh Israel gam achun vaikit un au.

ISAI 44:3

“Dangchâk na gam achun tui hun pie’ng ka ting, gamgaw achun luicha luon sak ing ka. Na tu leh chateu chung achun ka thagau sung tha’ng ka ting; na suonteu chunga le ka vangsakna sungtha’ng ka.

DAN NIHNA 32:2

Guohtui bangin ka thu zu’na, dâitui bangin ka thugen chuh vatha hen; Ham hing dip dep chunga guoh bang leh, nah hing chunga guohmal phi’n bang in.

HOSEA 14:5

Israel a ding chun van dâichîm tawbang hi’ng ka ting, lili bangin vul un tin, Lebanon tânga thing bangin det takin zung khawh un tin;

SAM LEHKHABU THE PSALMS 72:6

Amah chuh hampa ki-âttan chunga guoh zu bang hi’n tin: Lei chunga guohmal châk bang hi’n a.

ROME 10:20

Chuleh, Isai inle hangsan takin, “Ei hawl lote muhin ka um a, Ei dâwp lote kawmah hetsak in ka um hi,” a ti a.

ZEKARIA 14:8

Zie ni chuh a hungtun tieng leh hiti hi hi’n tin, Jerusalem apat in tui hing hung luong dawk intin, a kimkhat chuh suohlam Tuipi ah lut intin, a kim khat chuh tumlam Tuipi ah luong lut ina. Nipi leh phalbi lai in le kum tungin luong zing ina.

HOSEA 6:3

Lalpa hetna chuh delh zel hitiu, hêi tingun,Lalpa chuh het guo tai tiu. Zingkal a khuo hung vak zel tawbang leh, guoh tui in lei a chapchêk bang hin matheilo in I kawm u ah hung in a.”

JEREMIA 14:22

Nam dangte pathien lak ah guoh zuk sak thei a um u? Ahihleh, van in guohpi a zuk sak thei hi? Zie thil haw chengcheng hi nang hih hilo ahi? Nang achun ka kinepnau ka nga ngâl u a.

SAM LEHKHABU THE PSALMS 110:3

Na tâng thiengtho a na mite ma na hun puih tieng leh: Thiengtho kilawmna a zinglam gilsung a kipatin, Na khangdawng dâichîm chu na kieng ah hung un au.

1 KORINTH 3:6

Ken ka phut a, Apollos chun tui in a vak a, himahlele, a khansak chuh Pathien ahi.

ROME 11:12

Tichun, a puknau bawn, vannuoi sukhauhsakna ahih a, a kiemnau le, Jentel te neihzawhna a hih chun, a bukimnau chuh a neihzawhna ahi na lâwm lâwm ding e.

ROME 9:30

Banga I gen naklai ding u leh? Jentel te diktatna delh lote chun, diktatna mu tau hi, taksanna zieka diktatna ngêi chuh.

NASEPTE 16:9

Zie zan chun, Paul in kilâkna thil muh a nei a, zie tak achun mi khat in, “Makedonia gam ah hung kai inla, kei uh ei hung panpih ah,” ti a, hah nget a ngên in a mu a.

NASEPTE 13:46

Chun, Paul leh Barnabas chun hangsan takin a gen dawk u a, “Pathien thu hi nangmau haw kawma gen masak ding him ahi; himahlele, na nawlh kit u a, kumkhuo a hing hâwi lo a na guot tâk nung un, heu in, Jentel te lam nga tang kau.

NASEPTE 11:15

Chun, thu ka gen tûng lai in, Thagau Thiengtho, ka chung u a a hungtun tûnglai guol mah khan, a chungu ah a hungtung ta a.

MATTHAI 28:19

Khutichun, chieh un la, namtina mi sinsak in siem un la, Pa leh Chapa leh Thagau thiengtho min chun baptist un la;

MIKA 2:12

“Himahleh, aw Jakob na mite chuh a bawn un hun puikhawm kit ding ka hi. Belam hawn, a huong zuon bangin hun puikhawm ing ka. Ham hing laka belam a dima um bang mai in na gam u chuh mipi tamtak in sudim kit ing ka,” ti’n.

AMOS 5:15

Gitlohna chuh hawu unla, phatna ngainau unla, kulh kawt ah dikna chuh tung dingun: Joseph te inkuon a mi, a na damsunte chunga chun Lalpa Sepaihte haw Pathien chun lungsietna nei ding ahi ngâl a.

JOEL 2:32

Chun, tihi hi’n tin, kuole, Lalpa min sam tapohte chuh hukdam hin au: Lalpa’n a gen bang khan, ‘Zion tâng leh Jerusalem a khenkhat chuh suokchau un tin; ka telte chauh chuh hing dawk un au,’ ” ti’n.

EZEKIEL 47:1

Tichun, Ho-In kawtkhak achun ei leh puihkit a, chun, ngaitie, Ho-In kawtkhak bul nuoi apat chun, suohlam zuon in tui a hung luong dawk a; ho-In chuh suohlam nga ahi ngâla, tichun, tui chuh maichâm simlam a Ho-In sik changlam apat chun a hung luong tha a.

ISAI 66:19

Chun, a lak u ah tiemtehna siem ing ka ting, tichun, a lak u a gawtna a suokcha namte Tarshis te, Pul te, thalpi luoi zing Lud namte kawmah Tubal leh Javan te ka minthan dân za khalo leh ka lopina mu khalo tuikuol gamla taka umte kawmah sawl ing ka ting; amau chun Jentel te kawmah ka lopina phuongzak un au.

ISAI 55:10

“Vuk leh guoh tui van apat in a hung kie a; lei a chap chek seka, tichun, chitheh pa kawmah buhchi a pie a; a nete kawmah nek ding a piek theih na dingin tui a buok a, thaichi a kehsak a, a sel sak sek hi.

ISAI 32:15

Himahleh, khatvei chuh, Pathien in a Thagau chuh hun sungtha kit intin, gam chulnung chuh lei pha hung chang kit intin, Lote chun gah hun suoh kit ina.

VAIHAWMTE 6:36

Chun, Gideon in Pathien kawmah, “Na gen bang ngêi a kei khut a Israel chate hukdawk ding na hih chun,

NASEPTE 9:15

Himahlele, Lalpa chun a kawmah, “Chieh mai ah, Jentel te, lengte, Israel suonte kawma ka min puok lutna dinga ka bel guot ahi a puo!

ZEPHANIA 3:13

Israel mi, a suokcha te chun, kuomah diklo takin bawl puou un tin; lepchieh gen ta puou un tin, mi thep le guo diek ta puo’n au. Kiphathei tak leh bit takin um un tin; kuoma’n sulau ta puo’n au” ti’n.

MIKA 5:8

Jakob te laka a suokchate chu vang, gammânga sate laka sakeibaknei in tawbang leh belam hawn laka sakeibaknei vanglai bangin um ina: amah chun a chieh pai phawt chuh a tawh den a, a bawtthêk a, a panpih ding kuomah a um puou hi.

EZEKIEL 14:22

Ahihziekin, ngaitie, puih dawka um ding, a suokcha sun haw chuh, chanute le chapate le, a sunga chun nutsieh in um in au; matheilo in na kawm u ah hung pawt intin un, a umdan u leh a thilhih hawu phatloh zie chuh mun na tin uh, Jerusalem chunga sietna ka tunsak chuh hethiem ta’n lau, ka na tun saksa chengcheng haw le,

2 SAMUEL 17:12

Khutichun David chu I tuok khakna nau ah leia dâitui kie bang mai in bawh hiting un; chun, amah leh a kawma mi um chengcheng te chu khatchale suohchak sak puoi tiu.

SAM LEHKHABU THE PSALMS 133:3

Hermon dâichîm, Zion tângte a kie sek bang hi ahi: Zie tak achun Lalpa’n vangsakna te a pie a, kumsawt a hinna ding chuh.

THUCHINGTE 19:12

Leng lungnatna chuh sakeibaknei kitum tawbang a hi a, a deihsakna chuh hampa chunga dâitui kie tawbang ahi.

DANIEL 11:32

A thuthun uh haihsante chuh leng in amah lama pang dingin kamthiem in zawl intin, himahleh Pathien thu zawpte vang chun amah chu do un au,

MIKA 4:7

Tichun, kêngbâi chuh suohchak sak ing ka ting, gamla taka nawhmang a umte chuh nam lopitak a siem ding ka hi.

MIKA 7:18

Aw Lalpa, nang tawbang Pathien, a goluoh ding a mite, a suokcha sunte gitlohna ngaidam leh a sukkhelhnau subei dang a um puoi. A lungnat na chu kumlekhuo’n a vawp zing puoh a, zahngaihna chuh a kipahpih lam tak ahih ziekin.

EZEKIEL 5:5

Lalpa Pathien chun hiti hin a tii: “Zie hi Jerusalem khuo chuh ahi a: namte lailung achun ka kawih a, a kimvel ah gam haw chuh a um u a;

MIKA 4:13

Aw Zion chanu tho in la, chil in, na ki chuh thik bangin siem ing ka ting, na kengbawm haw chuh sumeng guolin siem ding ka hi ngâla: chun, chi tamtak te chuh khen nêl in na tin, pawngbawlna zieka hauhsakna a neih teu cheng chuh khawvel pumpi Lalpa a ding in lân thiengtho in la.

ZEKARIA 9:13

Juda chuh thalpi bangin mang ka ting; Ephraim chuh thalchang bangin mang ing ka. Aw Zion, na chate chuh Grikte chate chungah chawktho ing ka ting, mihat chemzâm bangin siem ing ka” ti’n.