MIKA 5:5 - PATHIEN LEKHABU THIENGTHO (BSI)

⁵ Chun, ziehi I kichamna dinguh hi’n a; Asuria ten I gam uh a hun do u a, I lal In hawu a hung tawh tieng leh amah do dingin belampu sagih leh mi lopi tak tak giet kiteldawk hitiu.

MIKA 5:5 ပူးပေါင်းရင်းမြစ်များ

LUKE 2:14

“Chungnung pên ah Pathien lopi takin um hen la, Lei chunga a kipahna mah mah mihiemte kawmah cham thu leng hen!” a tiu a.

ZEKARIA 10:3

Belampute chung achun ka lungna mah mah a, amau haw chuh gawt ding ka hi, Sepaihte Lalpa chun a gan guol Juda insung chuh a hung entha a. Kidona sakawl hattak tak guolin siem ding ahi ngâl a.

JOHAN 14:27

“Lungmuonna ka hun nutsieh na hiu hi; keimah lungmuonna ka hun piek na hiu hi; khawvel in a hun piek guolin ka hun piek na hi puou hi.

ZEKARIA 9:10

Chun, “Ephraim apat in kidona kangtalai chuh lamang ing ka ting, Jerusalem apat in kidona sakawlte chuh lamang ing ka; Kidonaa thalpi kimangte chuh suksiet in um ina. Amah chun namte lak ah chamna siem intin; Tuipi apat tuipi chanin, gam cheng achun vaihawm ina. Euphrates luipi apat in, lei mawng tâwp tiengin,” ti’n.

THUGENPA 11:2

Na thil neih te chuh mun sagih ahim mun giet ahim ah hawmzak in, leichung ahin bang tawbang sietna hungtung ding ahim tih na he puoh ngâla.

JOB LEHKHABU THE BOOK OF JOB 5:19

Buoina gup ah hun hukdawk intin, Ahi, sagih ah, thil phalo mawng mawng in hun sukha ta puo’n a.

THUPHUON 19:14

Vana sepaihte chun patngat puon ngim tak, vam tak silh in, sakawl kâng chunghaw a chuh chu’n a zui uh a.

THUPHUON 17:14

Ziete haw chun Belamno chuh do un tin; himahleh Belamno chun, a telte, leh amah nungzui ginumte chu tawh amau chuh zo unau; amah chuh Lalte Lal leh, Lengte Leng a hih ziekin,” ti’n.

JOHAN 16:33

Zie thu haw hi na kawm u ah ka gen ta hi, keimah a na um ziek u a lungmuonna na neih theihna dingun. Khawvela hin dahum thuok in na um sek ui. Himahlele, kipâk takin um un, ken khawvel ka zo tai,” a ti a.

ZEKARIA 12:6

Zie ni chuleh Juda lalte chuh thing kitik kuong laka bel so vutvut bangin siem ing ka ting; buhpawl mei in a kâk bangin siem ing ka. Tichun, changlam leh veilam a cheng, namte cheng chuh kâng tum ina. Chun, Jerusalem mite chuh amau mun ngêi khawpi a chun bit takin um zing un au.

ZEKARIA 9:13

Juda chuh thalpi bangin mang ka ting; Ephraim chuh thalchang bangin mang ing ka. Aw Zion, na chate chuh Grikte chate chungah chawktho ing ka ting, mihat chemzâm bangin siem ing ka” ti’n.

AMOS 1:6

Lalpa chun hiti hin a tii, “Gaza khuo a mite chuh, a bawhsietnau thum ziekin ahi, li ziekin ka gawtna chuh suhai puo’ng ka; Nam pumpi chuh suok banga Edom mite kawma a zuok ziekun.

AMOS 1:3

Lalpa chun hiti hin a tii; “Damaska khuo bawhsietna thum te ziekin ahi, li ziekin, a gawtna chuh suhai puo’ng ka; Gilead gam chuh buh gawihna thik haw a chuh a gawt ziekin.

JEREMIA 33:15

Zie ni haw leh zie hun achun, diktatna Bâk David apat in seldawk sak ing ka ting, zie gam achun diktak leh diktat takin vaihawm ta’n a.

ISAI 65:8

Lalpa chun hiti hin a tii, “Grep tui chuh a gah apat kithawk dawk ahi a, susie kiu in, zie chun vangsakna a um hi” a tih guol un. Ka suokte ziekin sumangthai vek puo’ng ka ting; a bawn un sumangthai lo ding ka hi.

ISAI 59:19

Tichun, tumlam a chêngte chun Lalpa min chuh lau tau intin, suohlam a chengte chun a lopina chuh lau un un au. Amah chuh huih hattak leh tuipi hattak guolin hung ding ahi ngâla.

ISAI 44:28

Kura kawm achun, ‘Amah chuh belam chin a ei chingpa ahi a; amah chun hih ding ka tih cheng chuh hih buting ina,’ tipa leh Jerusalem chungchâng a ‘Tundin a um kit ding na hi,’ tih leh Temple chungchâng a ‘Na suongphumte lem thak a um kit ding ahi,’ tipa chuh ka hi,” ti’n a gen ta a.

ISAI 7:14

Zieziekchun, Lalpa ngêi chun melchikna hun pie’n tin, ngaitiem u, nungak thiengtho chuh gai intin chapa hing intin, a min dingin Immanuel sa’n au.

THUCHINGTE 30:29

Thil thum, a umdan u a lopi tak a um u a, thil li kituok taka chiehkhawm a um ui.

THUCHINGTE 30:18

Mak ka sak mah mah thil thum a um a, E! thil li ka hêtchet theih loh a um hi.

SAM LEHKHABU THE PSALMS 72:7

Mi diktat chuh a damlai in duoh hut hut hen la; Thapi a beih masang sieh in thamuong takin um hen.

THUCHINGTE 6:16

Lalpa’n a zakdah tak thil gup a um a, ahi, thil sagih amah a dinga kihdak um ahi.

ISAI 14:25

Ka gama chun Asuria mite chuh hihsie’ng ka ting, ka tânghaw achun chil diek ing ka. Zie nung chuleh, Asuria te namkawl chuh amau haw apat bei ta’n tin, a puokgik puok sak u chuh amau haw apat chuh bei ta’n a.

ZEKARIA 10:11

Sukgimtheihna tuipi a pal tieng u leh, Tuipi kinawk chuh zêp ing ka ting; Nile luipi thuk tak chuh kang ina. Asuria chapona chuh sukniem hi’n tin, Aigupta gam leng thilhih theihna chuh mang kêi ina.