MIKA 5:4 - PATHIEN LEKHABU THIENGTHO (BSI)

⁴ Amah a hung tieng chuleh, Lalpa apat a hatna leh, Lalpa Pathien lopina ngêi chun, a mite vaihawm sak ina. Lei chung pumpi a mi chengcheng in a lopina chuh a het tâk ziekun, amau chuh bit takin um zing un tin; amah chu lei tâwp chanin lopi ding ahi ngâla.

MIKA 5:4 ပူးပေါင်းရင်းမြစ်များ

MIKA 7:14

Lalpa, na mi telte a ding hin belampu leh mawlh hi’n la. Na go luoh gan guolte chuh na mawlh in veng in la; amau mai a gammâng leh huon gam lailung a chêngte chuh, malai nite guol khan Bashan leh Gilead gama hamhing mun haw achun kivâk u hen.

LUKE 1:32

Amah chuh milien hung hi’n tin, Chungnung pên Pa Chapa ti’n au. Lalpa Pathien in a kawmah a suonpau David chutphah chuh pie’n tin,

THUPHUON 11:15

Chun vânsâwlchâk sagihna chun a pengkun chuh a vak mût a, tichun, van apat in aw ngeih tak in, “Khawvel gam hih I Lalpau leh Krista gam a hung hi tai, amah chun kumkhuotuong in vaihawm ina!” a hun ti a.

1 PETER 1:5

Hun nunung a lang ding ginna a hukdamna chuh mu dingin; taksanna ziekin, Pathien thilhih theihna a ven chuh na hiu hi.

JUDA 1:1

Juda, Isu Krista sawntawlawi leh, Jakob suohpihpa apat, Pathien hehpih; Isu Krista dinga sukthientho, sapa umte kawm achun:

EPHESI 1:3

I Lalpau Isu Krista leh Pa chuh pahchak in um hen! Amah chun, vanmun haw akhun Krista achun thagau lam vang sakna tincheng tawh vang ei pie a.

JOHAN 20:17

Isu’n a kawmah, “Ei tu kih, tu tieng hin le ka Pa kawma kal to nailo ka hi. Himahlele, ka suohpihte kawmah va chieh inla, a kawm u ah, ‘Ka Pa, na Pau, ka Pathien leh na Pathien uh kawma kal to ding ka hi,’ a tii, va tih,” a ti a.

JOHAN 10:38

Amahvang chuh, sem ka hih chun, kei ei gingcha kileu chin le, nasephaw bêk hi gingchau in; Pa, keimah ah a um hi tih leh, Kei, Pa ah ka um hi tih na het u a, na ginchak theih na dingun,” ti’n a dâwng a.

MATTHAI 25:31

“Mihiem Chapa hi leng guola a vânsâwlchâkte tawh a lopina a kithuoma a hung tieng leh, a lopina chutphah chungah chu’n tin, a ma achun namtin kikhawm un au.

MATTHAI 16:18

Chun, nang Peter, Peter na hi tih ka hun hilh na hi; zie suongpi chunga hin ka sapchuomte sa dawk ing ka ting, mithi khuo kulh kawtkhakhaw chun zie chuh nek zo puo’n au

MATTHAI 2:6

‘Nang, Bethlehem, Judai gama um, Juda khawpi laka hin na neupen hiel puoi! Nang apat in vaipuo khat hung pawt ding ahi ngâl a; Ka mi Israel te ching ding pa chuh,’ tih hi” a tiu a.

ZEKARIA 9:10

Chun, “Ephraim apat in kidona kangtalai chuh lamang ing ka ting, Jerusalem apat in kidona sakawlte chuh lamang ing ka; Kidonaa thalpi kimangte chuh suksiet in um ina. Amah chun namte lak ah chamna siem intin; Tuipi apat tuipi chanin, gam cheng achun vaihawm ina. Euphrates luipi apat in, lei mawng tâwp tiengin,” ti’n.

ISAI 52:13

Ngaitie, “Ka suokpa chun chingthei takin hih intin; amah chuh nasa taka limbawl leh chawihsân in um in tin, sang taka hung um ding ahi.

ISAI 49:5

Chun, a nasem dinga sûl apat a ei siem Lalpa chun, Jakob te a kawma puikit ding leh Israel chate chuh a kawma puikhawm ding ahi a, Lalpa mitmuh a limbawla ka um theih na dingin, Lalpa chuh ka hatna bulpi ahi ngâla.

SAM LEHKHABU THE PSALMS 145:12

Mihiem chate kienga a thilhih lopi tak haw leh, A lalgam hawihna lopi zie hetsak dingin.

SAM LEHKHABU THE PSALMS 98:3

Israel inkuon te chunga a zaidawhna leh a muon um na a hezing zieng a: Kâwlmawng a micheng inle, ka Pathien uh hukdamna chuh a mu tau a.

SAM LEHKHABU THE PSALMS 93:1

Lalpa chuh lal in a chu a, a lopina’n a kivan a; Lalpa chuh a kithuom a, hatna’n a tai ah a kigak ta a. Ahi, khawvel hile a kilin theih lohna dingin a hih det a.

SAM LEHKHABU THE PSALMS 72:19

Amin lopi tak chu kumlekhuo’n pahchak in um henla, Lei chung pumpi hi a lopina’n luoh suok hen. Amen, Amen.

SAM LEHKHABU THE PSALMS 72:8

Amah chun tuisuohgiet apat tuisuohgiet dang tiengin-vaihawm in a, Luipi apat kâwlmawng tieng in le.

SAM LEHKHABU THE PSALMS 22:27

Kâwlmawng a mi chengcheng in le hezing untin, Lalpa lam ah kihei tan au: Nam tina chitin na masangah khun in hun ho un au.

PAWTDAWKNA 23:21

Amah zai ngak unla, a thugen chuh zawp un; a chungah kiphin kiu in: zie a helte chuh hun ngaidam nuom lo ding ahi ngâl a; amah achun ka min a um ngâla.

ISAI 52:10

Lalpa’n namte mitmuh in a khut thiengtho chuh a hun zak dawk ta a, tichun kâwlmawng tawpa cheng te’n le a hukdamna chuh mu ta’n au.

ISAI 45:22

Khawvela ning tin apat ka kawmah hung unla, hukdam in um un. Kei hi Pathien ka hi a, a dang himhim a um puoi.

ZEKARIA 13:7

“Aw chemzâm, kipan inla, ka belampu leh ka na seppih pa chuh do ah! Belampu chuh zêp inla, belam hawn chuh dalh u hen. A note chung achun ka khut tha ding ka hi.

MALAKI 1:5

Na mit ngei un zie hi muu in na tin, “Israel gamgi khel natieng ale Lalpa chuh a limbawl in um hen,” hun ti’n au.

ISAI 8:7

Ngaitie, Lalpa chun, Luipi tui khauh takte leh tamtak, Asuria Leng leh a thahatna chengcheng chuh Juda chungah luon sak ka ting, tichun, Euphrates luipi lien, a lui panga let zui zui bangin hung um ina.