MIKA 5:1 - PATHIEN LEKHABU THIENGTHO (BSI)

¹ Tuhin nang chuh kulh a ûmkimvel na hita a, a hawn in pangkhawm un; Israel puitu chuh mawlh in a bieng a zêp sak tau hi.

MIKA 5:1 ပူးပေါင်းရင်းမြစ်များ

SUNNA LA 3:30

A bieng chu amah bêngte kawmah a dawh a, gensiet na’n a dim hi,

JOB LEHKHABU THE BOOK OF JOB 16:10

Amau chun ka chungah a kam uh a kau a, Musit takin ka bieng ah ei bêng u a, Ka chung thu ah a kisam khawm u a.

2 KORINTH 11:20

Mi’n suok in hun nei leu le, hun ne zo hiel leu le. salin hun man leu le; amau kilimbawl leu le, na ngeichang uh bêng leu le, na dawh sek ngâl u a.

NASEPTE 23:2

Thiempu Lienpen Ananias chun, Paul kienga dingte kawm achun, a kam betsak un, a ti a.

JOHAN 19:3

tichun, a kawmah a hung u a, “Chibai, Judate leng!” ti’n a bêng u a.

JOHAN 18:22

Isu’n zie chuh a gen phetin, a kienga ding mimante khat chun a bêng a, “Thiempu lienpen tihin na dâwng ngam maw?” a ti a.

MATTHAI 26:67

Tichun, a maichang chuh chil a sietkhum u a, a zêp u a, chun, midang te chun a khut un a bêng u a.

ISAI 33:22

Lalpa chuh I vaihawmpau ahi a, Lalpa chuh dân ei piepa ahi a; Lalpa chuh I leng uh ahi a, amah chun ei hukdam ina.

DAN NIHNA 28:49

Gamla tak apat, kâwlmawng apat in, mupi kisukkhawh guola chan-gang, a pau le na hetloh uh nam chuh nang u hun do dingin Lalpa’n hun pui intin;

MATTHAI 27:30

Chil a sietkhum u a, a mawlh chuh a lâksak uh a, a luchang a khet sak u a.

MATTHAI 5:39

Ken chuh ka hilh na hiu hi: Na chung u a gilote chung achun phuba la kiu in. Kuon le, na bieng changlam u a bet u chun a lehlam le dawh un.

HABAKKUK 3:16

Ziehaw cheng hi ka zak in, ka kithing a; lau in ka kha a kitat hiel tai! Ka guh ahin muotna a lut a, Ka kalsuonte chuh a hâwi ta a! Ei dote chunga gawtna tung ding chuh thipkêi in ngak ing ka.

HABAKKUK 1:6

Nam lauh-um tak leh, um hiet hiet theilo, Babulon te chuh hun chawktho ka ting, tichun, gamdangte la dingin khawvel dâp suok hielin hung kizawt un au!

AMOS 2:3

Moab vaihawmte leh a mapuiteu cheng chuh amah tawh that vek ing ka,” ti’n.

JOEL 3:9

“Ziehi namte lak ah phuong unla: ‘Kido dingin kiguonggalh un; na gâl hatteu sam un la; na sepaihteu cheng khawm unla, chieh un!

EZEKIEL 24:2

“Mihing chapa, ni mit, tuni ni mit ngêi hi zikin; tuni ngeia hi Babulon lengpa chun Jerusalem a sim pat ziekin.

JEREMIA 25:9

ngaitiem u, mâllam a nam chengcheng chuh sam ding ka hi, Lalpa’n a tii. Ka suok Babulon leng Nebuknezar le sam ing ka ting, amanhaw chuh zie gam leh, a sunga mite leh, a kimvel a nam chengcheng hi do ding leh sumangthai vek dingin hun pui ing ka.

JEREMIA 4:7

Gammâng kulung apat chun sakeibaknei a hung pawt hi, nam te susie ding chuh. Amun apat chuh a hung pawt ta a, a hung lai tak ahi. Na gam suhawm ding leh na khawpite luoh loh a kawih dingin.

ISAI 10:6

Gâllâk la ding leh, thil lâksak ding leh khawlai buonthuok banga tawh dingin amah chuh Pathien zahlo nam do dingin sawl ing ka ting, ka lungnatna mite do dingin thu pie’ng ka.

ISAI 8:9

“Aw mipite haw, buoi chiei chuoi unla, kêksie zengzung un; gam gamla taka mi chengcheng te haw, bil dawh un, kigalvan un, kêksie zeng zung unla, kivêng unla, himahleh, keksie zengzung un.

2 LENGTE 24:2

Chun, Lalpa’n Kaldai te, Suria te, Moab te leh Amon suonte chu Jehoiakim do a, Juda gam susie ding chun a sawl ta a. A suok, thiemgaute manga a gen Lalpa thu guolin Juda gam susie dingin a sawl a.

1 LENGTE 22:24

Himahleh, Kenaanah chapa Zedekiah chun a hun naih a, Mikaiah bieng chuh a hun bêng a, “Lalpa thagau chun na kawma thu gen dingin khawilam ah ahim ei chieh san?” a ti a.

THILSIEMBUL 35:19

Tichun, Rachel chuh a thi a, Ephrath lampi achun a vui a, Ephrath chuh tu a Bethlehem kiti hi ahi.

THILSIEMBUL 49:10

Leng mawlh chuh Juda apat chun mang puo’n tin, Vaihawmna mawlh chule a kengkal apat in mang diek puo’n a; Shiloh hung masangsieh chun; chun, namtin in amah thu awi un au.

DAN NIHNA 33:27

Kumsawt Pathien chuh na kisêlna ahi a, Nuoi lam ah kumsawt bân haw chuh a um, Melmate chuh a hun nawhmang saka, ‘Sumangthai in,’ a tii.

VAIHAWMTE 17:7

Chun, Juda gama Bethlehem inkuon khata kipatin Levi chi tangval khat a um a, amah chuh khuolzin ahi.

THUCHINGTE 8:23

Kum tamtak chieh ta akhan siem in ka um ta a, lei a kisiem ma him in le.

ISAI 9:5

Sepaih galdote gâllâk leh, a puon uh thisan bek cheng chuh, meia hâlmang hita’n a.

EZEKIEL 21:32

Mei ah hun tik intin un; gamsung achun na thisan kibuon tin, hetzing hita puo’n a, kei, Lalpa hin ka gen ta ngâla, a tii’, ti’n,” a ti a.

DANIEL 9:25

Ziehi tiemteh inla, hethiem tei in: Jerusalem tundin kitna ding thupiek a hih apat Pathien in a tel ngêi, leng khat hung um tiengin Hapta sawmsagih bei in a. Zie hun sung chun Jerusalem khawlaite leh kulhte chuh siemphat hi’n tin, zie chuh hapta sawmgup le nih sung ding hi’n tin; himahleh zie hun sung chuh hun buoium lai tak hi’n a.