MIKA 4:8 - PATHIEN LEKHABU THIENGTHO (BSI)

⁸ Aw nang Zion chanu kulh dettak, gan guolte venna In sang, na kawma hung ding ahi; masang laia vaihawmna masa chuh hungkit ding ahi. Jerusalem chanu lal chuh!

MIKA 4:8 ပူးပေါင်းရင်းမြစ်များ

ISAI 1:26

Chun, na sunga vaihawmte chuh a tûnga a um bang u khan umsak kit ing ka ting, na sunga lemguotte chule a masapen a a um bang u khan umsak kit ing ka ting, zie zawh chuleh Jerusalem chuh, ‘Dikna khawpi, khawpi ginum’ tih hung hi kit ina.”

ZEKARIA 9:10

Chun, “Ephraim apat in kidona kangtalai chuh lamang ing ka ting, Jerusalem apat in kidona sakawlte chuh lamang ing ka; Kidonaa thalpi kimangte chuh suksiet in um ina. Amah chun namte lak ah chamna siem intin; Tuipi apat tuipi chanin, gam cheng achun vaihawm ina. Euphrates luipi apat in, lei mawng tâwp tiengin,” ti’n.

THUPHUON 22:5

Zie tak achun zan um ta puo’n tin, thaumei vak leh nisa ngai ta puo’n tin uh; Lalpa Pathien chun amau salhvak ding ahi ngâla; tichun, kumkhuotuong in vaihawm ta’n au.

ZEKARIA 9:12

Nanguh, tu a kinepna nei saltângte haw, vaikit un, na kulhpiu lam achun vaikit un! Tuhin, ka hun hilh na hiu ui, a lehnih in hun pie kit ding ka hi tih ka phuong hi.

OBADIA 1:21

Chun, Zion tâng achun hukdampate hung pawtdawk intin, Esau tâng chuh vaihawm sak intin, tichun, gam chuh Lalpa a hi ta’n a.”

THILSIEMBUL 35:21

Chun, Israel chuh a chieh zel a, Migdol Eder khel achun puon-In a zak ta a.

EPHESI 1:21

Krista chun, van muna vaihawmte, thuneihna chengcheng te, hatna te, lalna chengcheng leh min chengcheng chungah, tuhun mai hilo in, hun hungtung kit ding ale, vai a hawm ngâl a.

MARK 12:1

Chun, Isu’n tehkal thu’n a kawm u ah thu a gen a: “Mi kuo ahim in huon a bawl a, pal in a um kimvela, grep thâwkna ding khuk a lai a, venna insang a sa a. Tichun, huon enkawlte kawmah thawhlawh dingin a pie a, tichun, gam gamla tak ah a chieh ta a.

DANIEL 2:44

Chun, zie lengte nihaw achun lalgam hun tungdawk in tin, zie chuh sie ngei ta puo’n tin, a lalna le midang a ding a nutsieh hi puo’n a. Zie lalgam chengcheng hi hihgawp in, hih mang zaw’n tin, kumkhuo’n ding zing ina.

2 SAMUEL 5:7

Himahlele David chun Zion chu a la ta a, zie chu “David khawpi” ti a het ahi tai.

KISIMNA 24:19

Israel namte chuh sukchimit vek in um un au.”

MATTHAI 21:33

“Tehkal thu dang ngai un, mi kuo ahim, gam nei khat a um a, zie pa chun grep huon a bawl a pal in a ûmkimvel a; grep thâwkna khûk a lai a, in sang a sa a, tichun a ngakte kawmah thawh lawh dingin a pie a, gam chuom ah a chieh ta a.

DANIEL 7:18

Himahleh, Chungnung pên pa mithiengtho te chun lalgam chuh chang untin, kumsawt kumsawt in chang den ta’n au,” ti’n.

ISAI 5:2

A lei a laichuop a, suonghaw chuh a hawm ngim a; grep kek phapente a phut a, huon lailung achun venbuk a sa a, zie chun grep thawkna khuk le a lai a grep tak gah dingin a kinem a, himahleh, grep lêm ngen a hung gah zaw ta a.

ISAI 10:32

Tuni ngêi hin Nob khawpi ah melmate a um u a; Zion tâng, Jerusalem tângvum chuh khut a thin khum u a.

SAM LEHKHABU THE PSALMS 48:3

A leng In haw achun Pathien in kulhsang ahih a kihetsak a.

SAM LEHKHABU THE PSALMS 61:3

Nang chuh ka kihumbitna na hi a, Melmate laka gâlven insang dettak na hi ngâla.

MIKA 2:12

“Himahleh, aw Jakob na mite chuh a bawn un hun puikhawm kit ding ka hi. Belam hawn, a huong zuon bangin hun puikhawm ing ka. Ham hing laka belam a dima um bang mai in na gam u chuh mipi tamtak in sudim kit ing ka,” ti’n.

NEHEMIA 3:25

Chun, Uzai chapa Palal chun kulhbang kâwi patna zawn leh suongkul kawm leng In chungnung zaw apat a dawk chuom In sang zawn chuh a siempha a; aban chuh Parosh chapa Pedaia’n a siempha a.

SAM LEHKHABU THE PSALMS 24:7

Aw kulhkawtkhak te haw, na luchang hawu kha dawm sang unla; Nang uh kawtkhak lunte haw kikhai sang un: Tichun lopi na LAL chuh a hung lut theih na dingin.

SOLOMON LA 4:4

Na ngâwng chuh David kulhsang a bang hi, gâlvan kawihna a siem chi; phaw sangkhat a kikhai hi, zie taka chun, gâl hatte phaw haw ngêi chuh.

ZEKARIA 9:9

Aw Zion chanute haw! lawp un, lawp un nang haw, Jerusalem chanute lâwpin kiko dawk un! En un, na leng chuh na kawmah a hung hi! Amah chuh guolzo leh guol chungchuong in! Kingainiem takin sabiltung chungah a chu a, sabiltungno chung ngêi achun.