MIKA 4:7 - PATHIEN LEKHABU THIENGTHO (BSI)

⁷ Tichun, kêngbâi chuh suohchak sak ing ka ting, gamla taka nawhmang a umte chuh nam lopitak a siem ding ka hi.

MIKA 4:7 ပူးပေါင်းရင်းမြစ်များ

LUKE 1:33

Jakob suonte chungah kumkhuotuong in lal intin, a gam in tâwp ni nei ta puo’n a,” a ti a.

MIKA 7:18

Aw Lalpa, nang tawbang Pathien, a goluoh ding a mite, a suokcha sunte gitlohna ngaidam leh a sukkhelhnau subei dang a um puoi. A lungnat na chu kumlekhuo’n a vawp zing puoh a, zahngaihna chuh a kipahpih lam tak ahih ziekin.

MIKA 2:12

“Himahleh, aw Jakob na mite chuh a bawn un hun puikhawm kit ding ka hi. Belam hawn, a huong zuon bangin hun puikhawm ing ka. Ham hing laka belam a dima um bang mai in na gam u chuh mipi tamtak in sudim kit ing ka,” ti’n.

DANIEL 7:14

A kawm achun thuneihnate, lopinate, leh leng thilhih theihnate chuh piek ahi a, mitin te, namtin te, leh pautin te chun a na sep sak un au. A thuneihna chuh kumlekhuo’n um in tin, bei ngei talo ding ahi a, lalgam chun tawp ni neita puo’n a.

ISAI 24:23

Zie tieng chuleh, tha chuh hung thim intin, nisa le vak diek ta puo’n a, Sepaihte Lalpa chuh Zion tâng leh Jerusalem achun leng a um ding ahi ngâla; tichun, a upate masang a chun a lopina latsak ding ahi ngâla.

THUPHUON 11:15

Chun vânsâwlchâk sagihna chun a pengkun chuh a vak mût a, tichun, van apat in aw ngeih tak in, “Khawvel gam hih I Lalpau leh Krista gam a hung hi tai, amah chun kumkhuotuong in vaihawm ina!” a hun ti a.

MIKA 5:3

Zieziekchun, naunei ding nu chun chapa a hin masang sieh chuh, Lalpa a mite chuh melmate khuta pie’n, kiheimangsan ina. Tichun, a suohpih dangte cheng chuh Israel gam achun vaikit un au.

JOEL 3:17

Khutichun, Lalpa na Pathien uh, tâng thiengtho Zion a cheng ka hi tih hun he ta’n lau: Jerusalem chuh khawpi thiengtho hi’n tin; malzin kuoma’n a sung tawh ngei ta puo’n au.

HOSEA 1:10

Himahlele, Israel chate chuh tuisuohgiet pîlnel banga tamin simsenloh leh teh theih loh a tam hung hin au. Tichun, Pathien in a kawm u ah, “Ka mite na hi puou hi,” a tihna mun ngêi a chun “Pathien hing chate na hiu ui tih ni hungtung in a,” ti’n.

DANIEL 7:27

Tichun, lei chunga lalgam chengcheng thuneihna leh lopina chuh, Chungnung pên pa Pathien mite kawma chuh piek hi ta’n a. A lalgam chuh tâwp ta puo’n tin, lei chunga vaihawmte chengcheng in a nau sep sak un tin, a thuu zawp ta’n au.” ti’n.

ISAI 66:8

Zie tawbang thil chuh mi’n a he khau a ahim? Zie tawbang thil mu kha chuh kuo a uma ahim? Gam chuh ni khat thu’n a kisiem zieng thei em? Namte chuh mitphetkal mai in a pieng thei em? Zion chuh a nauhanat nat leh chapa hing zieng ding ahi ngâla.

ISAI 60:22

Na lak uh a nam neupen le nam lopi tak hung hiu in tin, nam tawmchah le nam hattak hun hi’n au. Kei Lalpa chuh ka hi a, ahun hun in kin takin hih ing ka,” ti’n.

ISAI 6:13

A sunga mite hi sawm laka khat a um lai chanin sukmangthai zawhin um un tin! himahlele, dawl thing leh gangpi thing a kiphuk nunga a bulsum a um zing bangin, chi thiengtho chuh a bul a na um zing ina,” ti’n.

SAM LEHKHABU THE PSALMS 2:6

“Kei mah mawng in ka tâng thiengtho Zion achun, Ka leng siem chuh ka chut sak tai” a ti a.

ISAI 16:5

Zie tieng chuleh David suonte khat chuh leng in hung pang intin, a mite chuh ginum tak leh, lungsietna’n vai hun hawmsak ina. Thil dik chuh kintakin hih intin, diktatna hih a a um leh um loh chuh, phatak in entup ina.

DANIEL 2:44

Chun, zie lengte nihaw achun lalgam hun tungdawk in tin, zie chuh sie ngei ta puo’n tin, a lalna le midang a ding a nutsieh hi puo’n a. Zie lalgam chengcheng hi hihgawp in, hih mang zaw’n tin, kumkhuo’n ding zing ina.

DANIEL 4:34

Chun, zie nite chuh a hung tawp phet chun, kei Nebuknezar in van lam ka vak en to a, tichun ka lungthim ngeina chuh ka hun pu kit ta a. Chungnung pên Pathien chuh ka pakcha a, limbawlna leh lopina chuh kumlekhuo a Hing zing pa kawm achun ka pie ta a. “Amah chun kumlekhuo’n vaihawm intin, a gam in tâwp tik ni nei puo’n a.

JOEL 2:32

Chun, tihi hi’n tin, kuole, Lalpa min sam tapohte chuh hukdam hin au: Lalpa’n a gen bang khan, ‘Zion tâng leh Jerusalem a khenkhat chuh suokchau un tin; ka telte chauh chuh hing dawk un au,’ ” ti’n.

ZEPHANIA 3:13

Israel mi, a suokcha te chun, kuomah diklo takin bawl puou un tin; lepchieh gen ta puou un tin, mi thep le guo diek ta puo’n au. Kiphathei tak leh bit takin um un tin; kuoma’n sulau ta puo’n au” ti’n.

EZEKIEL 43:7

Ka kawmah, “Mihing chapa, zie mun hih ka lalchutphah umna mun, ka kêngpêk ngakna, Israel chate laka kumlekhuo a ka chênna ding mun a hi: Ka min thiengtho chuh Israel inkawte’n ahim, a lengteu in ahim pathien dangte hona’n leh a lengteu luong vuihna a mang in, subuok ta puo’n au.

OBADIA 1:21

Chun, Zion tâng achun hukdampate hung pawtdawk intin, Esau tâng chuh vaihawm sak intin, tichun, gam chuh Lalpa a hi ta’n a.”

MIKA 2:13

A kawt hawng pa chun amau haw dingin lampi hawn sak intin, zie chun lut hut hut un au. Khawpi kawt chuh hihsieu in tin, nuom takin lut un au! A lengpau chuh a masang u ah a chieh a, Lalpa’n a mau pui ding ahi a, amah chuh a kingaknau hiding ahi.

ZEPHANIA 3:20

Zie tieng chuleh hun puilut ing ka ting, hun puikhawm ing ka; Na muh ngêi u a saltanna apat ka hun puihkhawm kit tieng leh, leichung a mi cheng cheng te lak ah minthanna leh pahchakna hun siem sak ding ka hi ngâla,” Lalpa’n a tii.