MIKA 4:4 - PATHIEN LEKHABU THIENGTHO (BSI)

⁴ Mitin chuh amau grep nuoi hawu leh a theipi kung nuoi hawu achun thamuong takin cheng untin; kuoma’n sulau puo’n au: Bangkim hihthei Lalpa kam chun a gen ta ngâl a.

MIKA 4:4 ပူးပေါင်းရင်းမြစ်များ

ZEKARIA 3:10

Zie ni a hungtun tieng chuleh, na lak u a mitin in, na invengteu chiet, ‘Ka grep huonteu leh, theipi ûmkimvel sunga muonna leh bitna hung matpih dingin hung un,’ ti’n chiel chiet ta’n lau,” Lalpa’n a tii.

1 LENGTE 4:25

Tichun Solomon damsung cheng chun Judate leh Israel te chu Dan apat Beer-sheba tiengin mitin amau grep gui bul leh amau theipi bul achun lungmuong takin a um chiet u a.

EZEKIEL 39:26

Kuomah, a sulau umlo a, a gam a bit taka a chen tiengu lele, a bawhsietnau chengcheng, ka chunga a bawhsietna teu leh a zahhuoinau chuh hezing ta puo’n au.

ISAI 1:20

Himahlele, na nawp loh uh a, na kiphin u chun, chemzâm in hun that zo un au; kei Lalpa chun zie chuh ka gen ahi tai,” a ti a.

ISAI 54:14

Diktatna a phuhdet hi’n na tin; Sukgimtheihna leh lauhna apat chun bit takin um in na tin; tizatna chuh gamla tak ah um ta’n tin, hun naih talo ding ahi.

EZEKIEL 34:28

Nam dangte nawh viel dingin um ta puon tin un, gamsate nêk zawh mai le hita puo’n au; bit takin cheng zaw ta’n tin un, kuoma’n sulau ngei ta puo’n au.

ISAI 58:14

Lalpa chung achun kipâk in na tin, leichung a munsang haw achun hun chuon sak ing ka ting; na pu Jakob gochan thil in hun vak ing ka, Lalpa’n zie thu hi a gen ahi.

ISAI 40:5

Tichun, Lalpa lopina chuh suklat hi’n tin, mi chengcheng in zie chuh mu chiet un au; Lalpa kam ngêi in zie chuh a gen ta ngâl a,” a ti a.

EZEKIEL 38:11

Khutichun, kulh neilo khuo haw gam chuh buluh ing ka ting, mi bit taka um hiet, hiet a bawn u a kulh nei lo a cheng, kulh kawtkhak leh a kamna thik neilote chuh do ing ka ting,” na lungthim gûkin ti’n la.

EZEKIEL 34:25

Chun, amau tawh kichamna thuthun siem ing ka ting, gamsung apat chun gamsa haw chuh subei ing ka, thalek ale bit takin cheng intin un, gammâng nuoi ale bit takin ip tan au.

ISAI 26:16

Aw Lalpa, a lungdawn lai un a hun hawl u a, na mite chuh na thunun tieng leh na masang ah a paucham sek ui;

THIEMPUDANTE 26:6

“Chun, gamsung chuh gâlmuong takin umsak ing ka ting, kuol hiet hiet un na tin, kuoma’n hun sulau puo’n a; gamsa gilohaw chuh zie gam apat hin nawhmang ing ka ting; chemzâm in na gam uh ah vaihawm ta puo’n a.

JOB LEHKHABU THE BOOK OF JOB 11:19

Kuol in na tin, kuoma’n hun sulau puo’n tin; Mi tamtakin nang chuh hun deihsak un au.

SAM LEHKHABU THE PSALMS 72:3

Tang lien haw chun na mite dingin hauhsakna hun suoh u henla, tâng neu haw hin diktatna’n, Mihaw kawmah thamuonna hun tun un au.

ISAI 17:2

Asuria khawpi chuh taihsan in a um tai. Belam hawnte umna mun ding mai hi ta’n tin, ziehaw chuh bawk un tin, kuoma’n delh dawk puo’n a.

ISAI 22:25

Zie ni a hungtun tieng chuleh, thikkilh dettaka kikhen chuh hung lawng intin, satthak a um in, kie tha’n tin, a chunga thil gik um chengcheng chuh sukmangthai in um ta’n a”; Lalpa’n zie chuh a gen ta ngâla.

ISAI 36:16

Hezekia thu chuh ngaitha kiu in; Asuria Leng chun hiti hin a gen ngâl a, hung kipieu inla, kichamna siem in ka kawma hin hung suk un. Chun, ka hunga, mitin in amau grep gui chiet apat leh mitin in nangmau theipi kung apat in ne chiet un la, mitin in nangmau tuikhuk dâwn chiet un.

JEREMIA 30:10

“Zieziekchun, aw ka suok Jakob, lau hiel ki’n, aw Israel mipite haw, tiza hiel kiu in, Lalpa’n a tii. Ngaiin, gamla tak apat in hun hukdawk ing ka ting, na suonlepak teu chuh a saltannau apat, Jakob ngêi chuh vaikit intin, kichawldam ta’n tin, kuoma’n sulau kit ta puo’n au.

1 LENGTE 5:5

Chun, ngaitie, Lalpa’n ka pa David kawmah, ‘Na chapa na thasanga na lalchutphah a hung chu ding pa chun ka min a dingin In chu hun san a,’ ti a a na gen tâk sa bang khan, Lalpa ka Pathien a dingin in chu sak ka guo a.

THUCHINGTE 3:25

Mi gilote chunga sietna hungtung phut guola, na chunga hung tung ding chuh lau ta puo’n la.

ISAI 32:17

Tichun, diktatna gah chuh kichamna hi’n tin, chun, diktatna apat chun muonna leh kumlekhuo a taksan umna um zing ta’n a.

JEREMIA 23:4

Amau haw ngaihsak ding belampu kawih sak ing ka ting, lau kit ta puou un tin, lungkham diek ta puou un tin uh, a mangthai himhim le um diek ta puo’n au, tih hi Lalpa kamsuok ahi.”

MIKA 5:3

Zieziekchun, naunei ding nu chun chapa a hin masang sieh chuh, Lalpa a mite chuh melmate khuta pie’n, kiheimangsan ina. Tichun, a suohpih dangte cheng chuh Israel gam achun vaikit un au.

ZEPHANIA 3:13

Israel mi, a suokcha te chun, kuomah diklo takin bawl puou un tin; lepchieh gen ta puou un tin, mi thep le guo diek ta puo’n au. Kiphathei tak leh bit takin um un tin; kuoma’n sulau ta puo’n au” ti’n.