MIKA 4:13 - PATHIEN LEKHABU THIENGTHO (BSI)

¹³ Aw Zion chanu tho in la, chil in, na ki chuh thik bangin siem ing ka ting, na kengbawm haw chuh sumeng guolin siem ding ka hi ngâla: chun, chi tamtak te chuh khen nêl in na tin, pawngbawlna zieka hauhsakna a neih teu cheng chuh khawvel pumpi Lalpa a ding in lân thiengtho in la.

MIKA 4:13 ပူးပေါင်းရင်းမြစ်များ

DANIEL 2:44

Chun, zie lengte nihaw achun lalgam hun tungdawk in tin, zie chuh sie ngei ta puo’n tin, a lalna le midang a ding a nutsieh hi puo’n a. Zie lalgam chengcheng hi hihgawp in, hih mang zaw’n tin, kumkhuo’n ding zing ina.

ISAI 23:18

A sum muhdawk leh a lawhte chuh Lalpa kienga piek thiengtho hi’n a; a lawk chuh khawlkhawm ahim, kawihkhâwm ahim hi diek puo’n a; a sum muhdawk chuh Lalpa masanga chêngte a ding ahi a, nieng taka a nek ding u leh, silhlechen hawih tak a neih theihna ding u a mat hi’n a.

ISAI 18:7

Zie tieng chuleh, khawvel pumpi’n a kihchak uh, vun nâm hethut leh, sang takte, nam thilhih thei tak leh hat tak te, tuipi’n a khenzak namte apat a Sepaihte Lalpa’n thillat a muh hun chuh hungtung intin; Sepaihte Lalpa hona mun, Zion tâng ngêi achun hung khawm un au.

1 KORINTH 16:2

Ni sagih ni masapen achun, mitin in, vangsakna a muh bang zelin, a na kikawih chuom chiet unla; kei ka hung tieng leh, tuoklawm dawl himhim a um lohna dingin.

ZEKARIA 6:5

Chun, vânsâwlchâk chun ka kawmah, “Ziehaw hi van apat a huihpi li hung pawt dawk, leisiet chengcheng Lalpa masang apat a hung pawt chuh ahiu hi,” a ti a.

ZEKARIA 4:14

Ziephet chun, amah chun, “Zie chuh mi nih, khawvel pumpi a Lalpa nasem dinga Pathien in a tel leh thau a nuhte chuh ahiu hi,” ti’n ei dâwng a.

JEREMIA 51:33

Sepaihte Lalpa, Israel Pathien chun hiti hin a tii: Babulon chanu chuh buhchil na phuol tawbang hi’n tin, chawmlo kalin buhchil hun a chunga hung tung ding ahi.

SAM LEHKHABU THE PSALMS 68:29

Jerusalem a na Ho-In ziekin Lalte haw chun kipahman chu nang kieng ah hun puo’n au.

JOSHUA 6:19

Chun, dangkaguote, sanate, sumeng leh thik belte vang chuh Lalpa chanvo ahi suok kêi hi; Lalpa sum in a kawih ding ahi,” a ti a.

ISAI 5:28

A thalteu chuh a hiem a, a thalpiteu cheng chuh kausa’n a um khepkhup a, a sakawl tinteu chuh meisuong bang mai ahi a, a kangtalai kengteu chule chinpei bang hiela hât ahi.

SAM LEHKHABU THE PSALMS 72:10

Tarshis gam leh tuikuol a leng te’n kipahman hun chawi in tin uh; Sheba leh Seba leng te’n thilpiek hun pien au.

DAN NIHNA 33:25

Na kawtkamna chuh kahpathik leh dakguo hi’n tin, Na damsung ni chengin thahat takin um zingin,” a ti a.

ISAI 21:10

Ka mi Israel te haw, buh guola thehzak in na um u a, himahlele tuhin, Israel Pathien, sepaihte Lalpa apat a ka chanchin pha het chuh na kawm u ah a hun phuong tai!

JEREMIA 51:20

“Nang chuh ka galdona khetbuk leh ka matchâk na hi seka, nang mah mang in namte chuh ka theh zaka, nang mah mang in lal gam haw chule ka susie a,

HOSEA 10:11

“Ephraim chuh bâwngla buhchil dinga kisazo tawbang, sinsak thiem sa ahi a: Himahleh, tuhin ken a ngâwng hawih tak chunga chun namkawl bât ing ka ting, Jakob chun a leitangte chuh sunel in a.

HABAKKUK 3:12

Thangtawm takin lei chung hi na hawhpai a, lungna takin namte na chilgawp a;

SAM LEHKHABU THE PSALMS 24:1

Lei leh a sunga um chengcheng hi Lalpa a ahii; Khawvel leh a sunga um cheng chengte tawh.

MIKA 5:7

Tichun, Jakob suonte a hing dawk sunte chuh, nam tamtak te a dingin Lalpa apat a sukhalhthak kitna dâitui kie leh, thai kung dâwngte chunga guohmal kie sieusieu bangin um un tin, mihingte chunga kinga lo in Pathien chungah kinga zaw’n au.

ZEKARIA 12:3

Himahleh, zie hun chuh a hungtun tieng leh, Jerusalem chuh suongtum gik tak tawbang in siem ing ka ting, kuo namte hitaleh, a dawpkang guo taphawt chuh amau leh amau kisuliem un tin. Tichun, khawvel a nam chengte chu amah do dingin kipunkhawm un au.

ZEKARIA 12:6

Zie ni chuleh Juda lalte chuh thing kitik kuong laka bel so vutvut bangin siem ing ka ting; buhpawl mei in a kâk bangin siem ing ka. Tichun, changlam leh veilam a cheng, namte cheng chuh kâng tum ina. Chun, Jerusalem mite chuh amau mun ngêi khawpi a chun bit takin um zing un au.