MIKA 4:11 - PATHIEN LEKHABU THIENGTHO (BSI)

¹¹ Tuhin, nam tamtak a hun do dingin a kisam khawm u a, “Sukbuok in um hen la, I mit un Zion chunga sietna tung chuh mu hen” a tiu a.

MIKA 4:11 ပူးပေါင်းရင်းမြစ်များ

OBADIA 1:12

Himahleh, na suohpihte a vangsiet lai un a sietna chuh nuihsan ki’n la; Juda chate a manthai niu chun a chung u ah kipâk ki’n la, a gimtheih niu in le kisathei takin pau ki’n.

MIKA 7:10

Zie phat chuleh, ka melma, ka kawma, “Lalpa na Pathien chuh khawitaka um a?” ti a ei dawng te khan zie chuh muu in tin, zakcha ta’n au. Ka mitte chun amahnu chuh en intin, tuhin chuh khawlai buonthuok guola tawhden hita’n a.

JEREMIA 52:4

Chun, a vaihawm kum kuona achun hiti hi a hung hi a, tha sawm na, zie tha ni sawm ni chun Babulon leng Nebuknezar chuh a sepaihte chengcheng tawh Jerusalem do dingin a hung u a; panmun a khawh khum u a, a kimvel ah kulh a siem tau a.

SAM LEHKHABU THE PSALMS 129:5

Amau haw chuh zahhuoi sak leh vaihkit sak in um u hen, Zion mudahte haw chengcheng chuh.

ISAI 10:7

Himahlele, Asuria leng chun a lungthim in tup dang a na nei a. Nam tamtak, duoihasana tam lo hihsiet leh sukmangthai ding chuh a lungthim in a na tup gu zing a.

ISAI 17:12

Thilhihthei tak namte chuh tuipi gi leh, tui kinawk nasatak gi bangin, a buoi un, a sa vengvung u a.

ISAI 29:7

Tichun, Ariel hun do, nam chengcheng mipite, amah leh a kulh dote chengcheng leh amah sulungkham chengcheng mipite chuh, zan mang bang phetin leh zan a lunggel bang chauh in beimang un au.

EZEKIEL 26:3

“Lalpa Pathien chun hiti hin a tii: Ngaiin, Aw Tura, ka hun do ahi; tuisuohgiet a kinawk toh zung zung bang hielin na chunga hung dingin nam tamtak te chuh hun sawl ding ka hi.

SAM LEHKHABU THE PSALMS 83:5

Ahi, thukhat kisa’n a kidawp u a; Nang hun do na dingin thugawlh a bawl u a.

EZEKIEL 38:17

Chun, Lalpa Pathien chun hiti hin a tii: Malaia ka nasemte Israel thiemgau, zie laia kum tamtak sunga thu ana genlawk sek te’n amau do dinga ka hun puih ding thu ana gen sek u kha na him? ti’n,” a ti a.

ZEKARIA 12:3

Himahleh, zie hun chuh a hungtun tieng leh, Jerusalem chuh suongtum gik tak tawbang in siem ing ka ting, kuo namte hitaleh, a dawpkang guo taphawt chuh amau leh amau kisuliem un tin. Tichun, khawvel a nam chengte chu amah do dingin kipunkhawm un au.