MIKA 4:1 - PATHIEN LEKHABU THIENGTHO (BSI)

¹ Himahlele, ni nunung haw achun hiti hi hi’n tin; Lalpa In umna tâng chuh tâng lien chung haw achun sukdet in um intin, tâng neute chung haw achun le chawihsân in um ina: zie taka chun namtin chengte chuh chieh lut hut hut un au.

MIKA 4:1 ပူးပေါင်းရင်းမြစ်များ

THILSIEMBUL 49:1

Chun, Jakob in a chapate chuh a sama, hiti hin a gen a, “Tunung a na chung u a thil hungtung ding chuh ka hun hilh theihna dingin hung kikhawm un:

THILSIEMBUL 49:10

Leng mawlh chuh Juda apat chun mang puo’n tin, Vaihawmna mawlh chule a kengkal apat in mang diek puo’n a; Shiloh hung masangsieh chun; chun, namtin in amah thu awi un au.

SAM LEHKHABU THE PSALMS 110:3

Na tâng thiengtho a na mite ma na hun puih tieng leh: Thiengtho kilawmna a zinglam gilsung a kipatin, Na khangdawng dâichîm chu na kieng ah hung un au.

SAM LEHKHABU THE PSALMS 22:27

Kâwlmawng a mi chengcheng in le hezing untin, Lalpa lam ah kihei tan au: Nam tina chitin na masangah khun in hun ho un au.

SAM LEHKHABU THE PSALMS 48:1

Lalpa chuh a lopi a, nasa taka pahchak ding ahi. I Pathien uh khawpi ah, a tâng thiengtho achun

SAM LEHKHABU THE PSALMS 86:9

Aw Lalpa, na siem namtin cheng te chu hung untin, na masangah hung kûn untin; Tichun na min chu hun pakcha’n au.

ISAI 27:13

Zie ni chuleh, Asuria leh Aigupta gama nawhdawka umte sap khawm kitna dingin, pengkun lopi tak chuh mût untin, tichun, hung khawm un tin, Jerusalem a Tang Thiengtho achun Lalpa chuh ho ta’n au.

ISAI 43:6

Mâllam kawm achun, ‘Thahdawk un,’ ti’ng ka ting; sim lam kawm achun, ‘Hên ta kiu,’ ti’ng ka; Ka chapa chuh gamla tak apat in hun pui inla, ka chanute chuh kâwlmawng tâwp apat chun hun pui un, ti’ng ka.

ISAI 49:6

Lalpa’n ka kawmah, “Jakob namte tundin na ding leh Israel chate laka bitna a um kitna dinga suok a ka hun siem hi thil neucha ahi; Jentel te salhvak dingin le hun guot ing ka ting; khutia chuh ka hukdamna hih kâwlmawng tieng ale atun theih na dingin” a ti a.

ISAI 54:2

Na puon-In mun chuh keklien inla, na umna puon zak te chuh zak palh in, kilen ki’n la, a henna khaute chuh hih sau inla; a khuomte chuh sudet in.

ISAI 56:7

“Amau haw ngêi chuh ka tâng Thiengtho Zion achun pui ing ka ting, Ka pauchamna In achun kipâk takin um un au; hâlmanga a thillat teu leh, a kithawihnateu chuh, ka maichâm achun ana pawm ing ka; Ka In chuh mitin a dingin pauchamna In tih hi ding ahi ngâl a,” ti’n.

JEREMIA 16:19

“Aw Lalpa ka hatna leh ka kulhpi, lungkham ni a ka kihumbitna; kâwlmawng apat in namte hung u’ntin, kei uh ei suonte chun lepchieh thil panna bei; phatchuomna neilo tihloh chuh bangmah goluoh a nei puou hi,” hung ti’n au.

JEREMIA 26:18

“Moraseth mi Mika chun Juda leng Hezekia lal lai khan, Juda mi chengcheng te kawma chun, Sepaihte Lalpa chun hiti hin a tii: ‘Zion chuh lo guol a kaih hi’n tin, Jerusalem chuh thilsie kipaih khawm hi’n a. A In umna tâng chuh gamlak munsang tawbang hi’n a,’ ti’n a genlawk a.

JEREMIA 3:17

Zie tieng chuleh Jerusalem chuh Lalpa lalchutphah min vawh untin, zie chun nam chengcheng chuh Lalpa min in Jerusalem achun hung khawm untin, a lunggil uh lung khauh na bang chun chieh ta puo’n au.

JEREMIA 31:12

Zion tângsip achun lasa’n hung un tin, Lalpa phatna achun kipâk untin: buhte, uain te, sathau te, anchehlohing, belam leh gan guol note ka piek achun kipâk un au. A hinnau chuh huon tui pha mun bang hi’n tin, kumlekhuo’n lungkham kit ta puo’n au.

JEREMIA 48:47

Himahleh, ni nunung haw achun Moab chuh suok apat hun puidawk ding ka hi, Lalpa’n a tii. Hiti chan hi Moab chunga vaihawmna hi’n a.

EZEKIEL 38:16

Meipi’n gam a khuh mepmup bang hiel hin ka mi Israel te chungah hung in na tin; hiti hi hung hi’n tin, ni nunung haw achun ka gam do dingin hun pui ing ka ting, namte chun ei hen au, Aw Gog, a mitmuh u a nangmah a hih thientho a ka um tieng chu leh.

EZEKIEL 40:2

Kilâkna achun Pathien in Israel gam ah ei pui a, tâng sang tak ah ei kawih ta a. Ka masang zawn achun in tampi, khawpi lim tawbang hi ka mu a.

EZEKIEL 43:12

Chun, Ho-In a dân ding chuh ziehi ahi: gamsung pumpi a tângsip cheng chuh Mun Thiengtho ding ahi,” ti’n.

DANIEL 10:14

Tunung a na mite chunga thil hungtung ding hun hetsak dinga hung ka hi. Tunung a thil hung tung ding thu a kilâkna chuh ziehi ahi,” tin.

DANIEL 2:28

Mahleh thil kiselte phuong theipa Pathien chuh van ah a um a, leng Nebuknezar hi tunung a thil hung um dingte a hetsak ahi hi. Na mang leh na kuol laia na muh kilâknate chuh ziehaw hi ahi:

DANIEL 2:35

Tichun, thikte, bellei te, sumeng te, dangkaguote leh sanate chuh a bawnin a gawp dimdem ta a, nipi laia phuol a buhsi kithit bang mai in a um ta a. Huih in ziehaw chuh a tawkmang ta a, a umnau mun himhim het ahi ta puoi. Himahleh suong, milim delh khum pên chuh tâng lienpi a hung suok a, tichun lei pumpi hi a dim ta a.

DANIEL 2:44

Chun, zie lengte nihaw achun lalgam hun tungdawk in tin, zie chuh sie ngei ta puo’n tin, a lalna le midang a ding a nutsieh hi puo’n a. Zie lalgam chengcheng hi hihgawp in, hih mang zaw’n tin, kumkhuo’n ding zing ina.

DANIEL 7:14

A kawm achun thuneihnate, lopinate, leh leng thilhih theihnate chuh piek ahi a, mitin te, namtin te, leh pautin te chun a na sep sak un au. A thuneihna chuh kumlekhuo’n um in tin, bei ngei talo ding ahi a, lalgam chun tawp ni neita puo’n a.

DANIEL 7:18

Himahleh, Chungnung pên pa mithiengtho te chun lalgam chuh chang untin, kumsawt kumsawt in chang den ta’n au,” ti’n.

DANIEL 7:22

Ziephet chun, kumlekhuo a hing zing pa chuh a hung a, vaihawmna chuh Chungnung pên pa mi thiengthote kawma piek a hih thu leh, Pathien mite chun lalgam thuneihna a chan hun uh a hungtunna thu chuh a phuong ta a.

DANIEL 7:27

Tichun, lei chunga lalgam chengcheng thuneihna leh lopina chuh, Chungnung pên pa Pathien mite kawma chuh piek hi ta’n a. A lalgam chuh tâwp ta puo’n tin, lei chunga vaihawmte chengcheng in a nau sep sak un tin, a thuu zawp ta’n au.” ti’n.

HOSEA 3:5

Zie tieng chu leh Israel chate chuh hung kisik untin, Lalpa a Pathien uh hun hawl untin; a leng uh David kawm achun kihei kit un tin, Tichun ni nunung lam achun Lalpa leh a phatna chuh lau kawmin zuon un au.

MIKA 3:12

Zieziekchun, nang haw ziekin Zion chuh lo lei guola kalh hi’n tin; Jerusalem chuh thilsie kawihkhâwm guolin um ina. Chun, Ho-In umna tâng chuh gammâng hungsuok ina.

ZEKARIA 14:10

Gam chengcheng chuh Geba apat a Jerusalem simlam Rimmon tiengin siem guol hung hi’n a. Tichun, Jerusalem chuh a vela gamte chung achun chawihsân hung hi’n tin; Benjamin kawtkhak apat a tumasang a a na umna sa, a ning kawtkhak tieng chun. Chuleh, Hananel insang apat a leng uain thawkna khuk tiengin a mun chuh luoh ina.

ZEKARIA 2:11

Zie hun tieng chuleh, namtin in Lalpa lam hun zuon tau un tin; a mite hung hi ta’n au. Na laku ah cheng ing ka ting, tichun, na kawm u ahin amah ngêi in ei sawl ahi tih he ta’n la.

ZEKARIA 8:3

Lalpa chun hiti hin a tii, ka khawpi thiengtho, Zion lam ah hung kihei kit ka ting, Jerusalem lailung achun cheng ing ka, tichun, Jerusalem chuh THUTAK KHAWPI, ti a het hi’n tin, Lalpa tâng chuh, Tang thiengtho tih hi ta’n a.

MALAKI 1:11

Ni suohna apat ni tumna tiengin Jentel te lak achun ka min chuh a lopi ngâla. Mun tin a a umnau chengah gimlimte ka kawma hâl in, kithawihna pawmtâkte a lân u a!

NASEPTE 2:17

‘Pathien in, Ni nunung haw achun hiti hi hi’n tin, Mi chengcheng chungah ka thagau sungtha’ng ka ting; Tichun, na chapateu, na chanuteu in ka thu gen un tin uh; Na tangvalteu in kilâkna muu un tin uh, Na teksieteu in mang in mat un tin;

HEBRAI 1:2

Himahleh, tuhun tâwp ahin, eihaw kawmah a Chapa achun thu a gen tai. Amah achun Pathien in vannuoi pumpi hi a siem a, amah mawng chuh thil bangakai nei dingin Pathien in a teldawk nawn a.

2 PETER 3:3

A masapen in, ziehi heu in, ni nunung achun, mi, a hinnau amau deih banga puih manga umte hung kilang ding ahiu hi. Ziete haw chun hun nuihsan un tin uh,

THUPHUON 11:15

Chun vânsâwlchâk sagihna chun a pengkun chuh a vak mût a, tichun, van apat in aw ngeih tak in, “Khawvel gam hih I Lalpau leh Krista gam a hung hi tai, amah chun kumkhuotuong in vaihawm ina!” a hun ti a.

THUPHUON 15:4

Aw Lalpa kuo a na min zah lo a, Pakcha lo ding? Nang mai a Thiengtho na hii; Na thilhih diktatte chuh a kiphuon tâk ziekin, Namtin cheng chuh hung in, Nang hun ho un au,” tih hi a sau a.

THUPHUON 20:4

Chun, lalchutphah haw chuh ka mu a, a chungah mi a chuu a, a kawmuh achun vaihawmna a pieu a. Chuleh, Isu thu hettuoksakna thu zieka leh, Pathien thu zieka ngâwng kitante thagau leh sahang leh a lim ho lo a, a chalpâng uh ahim, a khut uh a him a, tiemtehna nei lote thagau chule ka mu a. Ziete haw chuh a hung hing tau a, kum sangkhat a dingin Krista tawh vaihawm in a um tau hi.