MIKA 3:7 - PATHIEN LEKHABU THIENGTHO (BSI)

⁷ Tunung thu ding genlawkte chuh a lawhsap ziekun, zakchau un tin. Pathien in dawnna a piek loh ziekin, a bawn un sukzahhuoi in um un au!

MIKA 3:7 ပူးပေါင်းရင်းမြစ်များ

ZEKARIA 13:4

Zie ni a hungtun tieng chuleh hiti hi hi’n tin, thiemgau chun kilâkna a muh te ahim, thiemgau guola na a septe chuh zahchâkpih ta’n tin, mi thepna dingin puonâk chuol mul te le âk ta puo’n au!

ISAI 44:25

Kei hi mi lepchieh te subuoi a, phunsân thiemte sungawl a; aksi apat a thil genlawkte bangmahlo chansak pa ka hi. Miching te thugen haw ka hih dika, a chitnau chuh ngawlna ahi tih ka latsak ta a.

AMOS 8:11

Lalpa Pathien chun, “Ngaitiem u, nite chuh hungtung pai ding ahi! zie nihaw a chun gam chunga chun kiel sawl ing ka ting, an duh a kielna hilo in, dangchâk na, tui duh a dangchâk na hilo in, Lalpa thu hetna lama kielna hi zaw’na.

EZEKIEL 24:17

Agukcha’n mau inla, mithi sûnna himhim chuh nei ki’n; na diel kawp inla, na kengtawbek but inla, na mûk tuom ki’n la, lusûnte an le ne ki’n,” a ti a.

1 SAMUEL 28:6

Chun, Saul in Lalpa a dawng a, ahih ziekin Lalpa chun mang ahim, Urim ahim, thiemgau ahim mang in a dâwng ta himhim puoh a.

THIEMPUDANTE 13:45

Phâk hivei chuh a puonhaw bawhthek hi’n tin, a sam met loh in kawih intin, a mûk chunglam tuom intin, “Thienglo, thienglo,” ti a a kiko ding ahi.

MIKA 7:16

Namte chun zie chuh muu un tin, a hâtnau chuh zahchâkpih un tin, a khut un a mûk uh him un tin, a beng uh ngawng ina.

EZEKIEL 24:22

Ka hih tawbang hin hih inlau; na mûk uh tuom puo’n na tin un, ahun lusûnpih te an le ne hiel puo’n lau.

SAM LEHKHABU THE PSALMS 74:9

Ka tiemtehnau haw le ka mu ta puou a; Thiemgau mawng mawng a um ta puou a; A sawt ding chin he mawng mawng ka lak u ah ka um ta puou hi.

1 SAMUEL 28:15

Chun, Samuel chun a kawmah, “Bang zieka ei sam dawk buoi na him?” a ti a. Chun, Saul chun a dâwng a, “Ka lung a zing bêka ahi: Philistia te chun ei do u a, Pathien in la ei kiheimang san ta a, thiemgau ahim, mang lam ahim in le ei dawng ta himhim puoh a; zieziekchun, ka hih ding ei hilh dinga ka hun sap na hi” a ti a.

1 SAMUEL 14:37

Chun, Saul chun “Philistia te ka va do ding um? Israel te khut ah na pie die?” ti’n Pathien a dawng a. Himahlele, zie ni chun a dawng puoh a.

1 SAMUEL 9:9

(Tuma lam chun Israel gam ah Pathien thil dawt nawp a neih tieng u leh, “Hung tie, mutheipa kawmah chieh hiti,” a kiti sek uh a: tulai a Thiemgau a tih sek u hih tuma lam chun Mutheipa a tih sek uh ahi).

PAWTDAWKNA 9:11

Tichun, uilut ziek chun mitvaidawi thiemte chun Mosi chuh a el zo ta puou a, mitvaidawi thiemte leh Aigupta mite chengcheng chun uilut chuh a vei suok kêi ngâl u a.

MIKA 3:4

Zie tieng chuleh Lalpa sam un tin, himahleh, amau dâwng puo’n tin: ahi, zie tieng chuleh a thilhih u a a hih phatloh zieu bang zelin amau apat in a mai sel ina.

JEREMIA 18:18

Tichun, amau chun, “Hung tiem u, Jeremia hi mat ahih theihna ding ngaihtuoh hitiu, thiempute lak apat dân thu bei ding ahi puoh ngâl a, mipil apat in lemguotna, chun, zawlnei apat in thu bei diek puo’n a. Hung tiem u, gensie sausau hitiu, a thu himhim ngaihsak hiel puoi tiu,” a kitiu a.