MIKA 3:6 - PATHIEN LEKHABU THIENGTHO (BSI)

⁶ “Nang thiemgau, na nite bei ding ahi tai! na chungah nisa tum ding ei tai! Ka mite na puihkhelh ziekin, thiemgaute’n kilâkna a muh uh chuh mu ta puo’n na tin, bangmah genlawk theih nei diek ta puo’n la,” ti’n.

MIKA 3:6 ပူးပေါင်းရင်းမြစ်များ

SAM LEHKHABU THE PSALMS 74:9

Ka tiemtehnau haw le ka mu ta puou a; Thiemgau mawng mawng a um ta puou a; A sawt ding chin he mawng mawng ka lak u ah ka um ta puou hi.

ISAI 29:10

Lalpa chun, ihmut suokna thagau chuh na chunguh ah a sung tha a, na thiemgaute chuh mipite mit ahiu a, himahlele, nanguh thil mulawk theite, na mit uh ahun sukdûk sak ta a.

ISAI 59:10

Mitdûk guolin bang I zut u a, mit bei guolin I kimai thawh u a; zan a vak guolin sun chang lai takin I kisuipai u a; mithite tawbang in mun thip ah I um ui.

JEREMIA 13:16

Lalpa na Pathien u chuh limbawl unla, thim a hun tunsak ma a mielzul a tâng chung haw a na keng uh na suih mau hin, vak na kinep lai tak un thim a hung tunsak a, thim sah tak mai chuh siem ding ahi.

JEREMIA 15:9

Cha sagih hing nu chuh a chau ta a, a thagau a thah ta a; sun ahih lai in nisa chuh a tum ta a. A zahhuoi in a min a sie a. Chun, a dang cheng chuh a melmateu in chemzâma a thah dingun pie’ng ka,” tih hi Lalpa kamsuok ahi,

JEREMIA 18:18

Tichun, amau chun, “Hung tiem u, Jeremia hi mat ahih theihna ding ngaihtuoh hitiu, thiempute lak apat dân thu bei ding ahi puoh ngâl a, mipil apat in lemguotna, chun, zawlnei apat in thu bei diek puo’n a. Hung tiem u, gensie sausau hitiu, a thu himhim ngaihsak hiel puoi tiu,” a kitiu a.

EZEKIEL 13:9

Ka khut hin kilâkna diklo mu haw leh genlawkna lepchieh gen haw chuh nang intin, ka mite kikhawp khâwmna ah tel puo’n tin un, Israel inkuonte min zikna ah zikin um hiel puo’n au; khutichun Lalpa Pathien chuh ka hi tih hun hen lau.

EZEKIEL 7:26

Sietna chunga siet zawksemna, thuthang chunga thuthang phalo zawsem hung um intin, thiemgau kawmah kilâkna hawl intin un; himahleh, dân chuh thiempu apat in bei intin, upate apat in tatna genna um hiel puo’n a.

AMOS 8:11

Lalpa Pathien chun, “Ngaitiem u, nite chuh hungtung pai ding ahi! zie nihaw a chun gam chunga chun kiel sawl ing ka ting, an duh a kielna hilo in, dangchâk na, tui duh a dangchâk na hilo in, Lalpa thu hetna lama kielna hi zaw’na.

MIKA 2:6

“Ka kawm u ah thu gen ki’n, himahleh, thu a gen u a; ziehaw chanchin chu gen himhim ki’n! Pathien in ei sumuolpho lo ding ahi ngâla!