MIKA 3:5 - PATHIEN LEKHABU THIENGTHO (BSI)

⁵ Piek ding a neih lai u a “Muonna” thu tiem khum a, piek ding neilote kawma kidona thu phuong a gen lauhsak thiemgaute chun ka mite a thêm u a, a chungchâng thu Lalpa’n hiti hin a gen hi.

MIKA 3:5 ပူးပေါင်းရင်းမြစ်များ

JEREMIA 6:14

Amau chun ka mite liemna chuh ngaihsam takin, ‘Muonna, Muonna,’ ti’n a gen u a, thamuonna a um hiel puoh ngâla.

JEREMIA 23:32

Lalpa chun, Ngaitiem u! mang lepchieh maimai gen a, hilh a, a lepchieh thuteu leh, a uonna thuteu maimai zieka ka mite puimang thiemgaute chuh ka do ahi, Lalpa’n a tii! Sawl la ka sawl puoh a, thu la ka pie diek puoi; zieziekchun, zie mipite hin phatchuompih diek puo’n a,” tih hi Lalpa kamsuok ahi.

ROME 16:18

Khutibang mite chuh, I Lalpau Krista nasem ahi puou a, amau haw gilpi ding sem ahi zaw sek ui. Tichun, a kamphatnau leh, a kam thiem un mi chinglote lungthim chuh a thempai sek u a.

MATTHAI 15:14

Amau haw chuh limsak kiu in, mitdûk lamkai ahiu hi. Zieziekchun, mitdûk in mitdûk mah a puih chun kawkhûk ah kie khawm un au.” ti’n a dâwng a.

MATTHAI 7:15

“Thiemgau lêmte lak achun chingthei un, ziete chuh belam vun silh in na kawm u ah a hung sek u a, a sunggil lam u chulah ngei gawlham tak tawbang ahi ngâl u a.

MALAKI 2:8

“Himahleh, lampi dik apat chun na petmang tau a. Na thu sinsakteu chun mi tampi a kisuihpaih sak zaw ta a. Levi te thuthun chuh na bawh sie tau hi, Lalpa’n a tii.

MIKA 3:11

Khawpi a lawiupate chuh gawlhgukna kinem in vai a hawm tau a. Thiempute chun lawh kinem in dân a sinsak u a; thiemgaute chun, dangka muh kinem in kilâkna thu a gen u a, a bawn u chun, Ka kawmah Lalpa a um hi, a ti chiet u a. “Ka chunga ah thil phalo hungtung puo’n a, Lalpa chuh ka kawm u ah a um ngâl a,” a ti tei tei u a.

MIKA 2:11

‘Uain leh zu luong ina,’ ti a zuou gen thiemgau vakvielte chuh zie mite thiemgau hi dinga kilawm phet ahiu hi.

JEREMIA 23:27

Amau haw chun a invengteu kawma a mang uh gen in, ka mite chuh ka min a hetngilh sak guou a, a pileputeu in Baal zieka ka min a hetngilh sek bang uh khan!

ISAI 3:12

Ka mipite haw, a sugimtheite chuh naupang te ahiu a, a chung u a vaihawmte chuh numeite ahiu hi. Aw ka mipite haw na lawiupateu chun a hun puikhiel tau a, na chiehna ding u lampi na he thei ta puou hi.

JOEL 3:9

“Ziehi namte lak ah phuong unla: ‘Kido dingin kiguonggalh un; na gâl hatteu sam un la; na sepaihteu cheng khawm unla, chieh un!

THUCHINGTE 28:21

Mi deihchuom neih hi a pha puoh a, gawlhgukna neucha ziekin mi’n thil diklo a hih sek ui.

JEREMIA 6:4

Amah do dingin kisau inla, kipan un, sun chang lai tak in do hitiu. I chunguh a gik na e! ni a kihei ta a, nitâk lam lim le a hung sau tai.

SUNNA LA 2:14

Na thiemgaute kilâkna muh chu nanga dingin athawn leh ngawlhuoi thil ahi a. Nangmah hun siempha kit dingin na gitlohnate a sulang puou hi. Nanga dingin puokgik leh puihmang na diklote a hun muhsak ui.

EZEKIEL 13:9

Ka khut hin kilâkna diklo mu haw leh genlawkna lepchieh gen haw chuh nang intin, ka mite kikhawp khâwmna ah tel puo’n tin un, Israel inkuonte min zikna ah zikin um hiel puo’n au; khutichun Lalpa Pathien chuh ka hi tih hun hen lau.

HOSEA 4:5

Sun lai takin kisuipai in na tin, nang ngêi le thiempute tawh zan leh kipuk khawm unlau. Na nu Israel chu le sumangthai ding ka hi.