MIKA 3:11 - PATHIEN LEKHABU THIENGTHO (BSI)

¹¹ Khawpi a lawiupate chuh gawlhgukna kinem in vai a hawm tau a. Thiempute chun lawh kinem in dân a sinsak u a; thiemgaute chun, dangka muh kinem in kilâkna thu a gen u a, a bawn u chun, Ka kawmah Lalpa a um hi, a ti chiet u a. “Ka chunga ah thil phalo hungtung puo’n a, Lalpa chuh ka kawm u ah a um ngâl a,” a ti tei tei u a.

MIKA 3:11 ပူးပေါင်းရင်းမြစ်များ

JEREMIA 6:13

A neupen apat a lienpen tieng in mitin chuh lawkna diklo in a huoiham u a; thiemgaute leh thiempute nasan chule, mitin in diklo takin a hih tau hi.

ISAI 1:23

Na miliente chuh mi kiphin nuom, guchate guolpha ahiu a; mi chengin gawlhgukna sum leh thilpiekte a lau a. Pa neilote a panpih sek puou a, meithaite thugente le a ngaihthak sak puou ui.

MIKA 3:5

Piek ding a neih lai u a “Muonna” thu tiem khum a, piek ding neilote kawma kidona thu phuong a gen lauhsak thiemgaute chun ka mite a thêm u a, a chungchâng thu Lalpa’n hiti hin a gen hi.

JEREMIA 7:4

Zie hi Lalpa In, Lalpa In, Lalpa In chuh zie hi ahi tih lepchieh thu chuh taksang kiu.

1 PETER 5:2

Na lak uh a Pathien belam hawn um chuh enkawl un; hih ding mawng a hih ziek hilo in, Pathien phasak lam dungzuia ut kawm zaw’n, lepna diklo deih ziek le hi diek lo in, sep utna lunggil nei kawm takin,

TITA 1:11

Ziehaw kam chuh hup sak ding ahi, lepna diklo deih ziekin, thu sinsak loh ding pi sinsak in, mi a inkuon kuon un a chawk chavai sek ngâl u a.

MIKA 7:3

Thil gilo hih chuh a thiem chiet u a. Miliente leh thutante chun gawlhgukna a ngek chiet tau ui. A milienteu chun a hinna’n thil phalo a utchak chuh a gendawk u a; tichun, thil a guonggalh khawm tau ui.

ISAI 48:2

Khawpi Thiengtho a mi, a min Bangakai hihthei Israel Pathien chunga ginna ngate ti’n na kisuong mah mah uh a.

JEREMIA 8:10

Zieziekchun, a ziteu chuh midang kawmah pie’ng ka ting, a lo hawu chule a hun luoh zo dingte khuta pie ding ka hi. A lienpen apat a a neupen tiengin mitin chuh awhchâk na’n a dim u a, thiemgaute leh thiempute tieng in mitin in lepchieh in na a sem ui.

1 SAMUEL 8:3

Himahlele a chapate’n vang a umdan a la puou a, sumlepai lam a delh u a, gawlhgukna haw a lau a, diklo takin vai a hâwm u a.

KISIMNA 16:15

Tichun Mosi chuh a lung a na a, Lalpa kawmah, “A thilpiekteu chuh pawm ki’n; a sabiltung hawu khat chale ka la puoh a, kuomah le diklo tak, in ka bawl diek puoi,” a ti a.

JUDA 1:11

A chunguh a gik hi! Kain lampi chuh a hawh uh a. Dangkasum duhchakna ziekin, thil diklo, Balaam in a sukkhelhna mah ah khan, amau leh amau a kibun lut uh a. Korah helna bawl bang khan a hel uh a, amah bang mah khan, sukmangthai in a um tau hi.

1 TIMOTHE 3:3

zungawl vei lo, thagumsuoh chîng lo, mi nunnem leh kinakpih ding hawl lo; dangka sum ngailul lo;

AMOS 9:10

‘Ka mite laka gilo chengcheng, phatlohna chun ei delhpha puo’n tin, dal le ei dal diek puo’n a,’ tite chuh chemzâm in thi zo vek un au,” a ti a.

HOSEA 4:18

A zu dâwn u chuh a kikhen u a, nawhchizuok in a kisiem u a; a lopinau sangin thil zahchâk um chuh a ngaina zawu a.

ISAI 56:11

Ahi, uicha chuh a gawlsan a, ahun tai tih himhim a nei puou a; zie chuh belampu hetna neilote chuh ahiu a. amau lampi chiet ah a kihei u a; abawn un, amau lawkna ding chiet a kingaihtuoh ui.

MATTHAI 3:9

Abraham ei suonpau ahi tin kisuong kiu in; Pathien in zie suonghaw hile Abraham suon a suoh sak thei hi tih ka hun hilh na hiu hi.

MALAKI 1:10

“A thâwn mai a ka maichâm a chuh mei a kidet lohna dingin, na lak u a khat hin, Ho-In kawtkhak hi khâk zaw mai leh ka ut hi. Na chung u ah kipahna himhim ka nei puoh a, na khut u apat in thillat chule pawm diek puo’ng ka, Lalpa Bangkim hihthei chun a tii. Na chungu ah ka kipâk puoh a, ka kawma na thillat teu le pawm lo ding ka hi, Lalpa’n a tii.

ZEPHANIA 3:3

A milienteu chuh sakeibaknei kitum bangin a um u a, a vaihawmteu chuh ngei gilkiel tak, duh-âm tak, zingkal tienga le a saguh peh taihsan nuom lo bang ahiu hi.

EZEKIEL 22:27

A sunga a hotute chuh, Ngei gawlsan a sapeh bawttel zieng tawbanga thisan suoh leh lawkna diklo muhna dinga mi hinna sumangthai zieng tawbang ahiu.

EZEKIEL 22:12

Na sunga chun thisan suoh dingin gawlhgukna a lau a, a lawk leh a pung na la a, na invengte thil na pawng lak sak a, diklo takin na kisulawk a, kei nei hengilh ta ahi,” Lalpa Pathien chun a tii.

THUCHINGTE 17:23

Vaihawm diklo chun gawlhgukna a la a, thudik a vaihawmna a susie sek hi.

ISAI 5:23

Gawlhgukna sum a nek zieka migilo thiemchan sak seka, hihkhelh neilote dikna lâksak sekte haw ngêi chu tawh.

JEREMIA 23:17

Lalpa thu musitte kawm achun, Nanga dingin pha’na, a ti sek ui, amau deih lam lochal taka hih hâm hâmte kawm achun, Thil phalo bangmah na chungah hungtung puo’n a,” a tiu a.

JEREMIA 26:7

Chun, thiempute, thiemgaute leh mipite chun Lalpa in a Jeremia’n zie thu a gen chuh a zau a.

EZEKIEL 34:2

“Mihing chapa, Israel belampute chungah genlawk inla, genlawk inla, a kawm u ah, ‘Lalpa Pathien chun belampute kawm achun hiti hin a tii: Israel belampu, amau leh amau kivâk chauh haw chung chuh agik ie! Belampu chun belam hawn chuh a vak dinguh hilo ahim?

HOSEA 4:8

Ka mite thil diklo hih apat chun na kisuhausau a, a gitlohnau a chun a lungthim uh a kawih zinga.

AMOS 5:14

Na hin theihna dingun, phatlohna hawl lo in, thilpha hawl unla, tichun, na gen bangun, Lalpa sepaihte haw Pathien chuh na kawm u ah um ina.

MALAKI 2:9

Zieziekchun, ka lampite hawh na umloh bang u leh, na sinsak nau a khenchuom na neih bang zel un, mi chengcheng muhsit leh niem taka hun siem ding ka hi,” ti’n.

KISIMNA 22:7

Moab upate leh Midian upate chuh phunsân man ding chawi in a pawt tau a; Balaam kawm chuh a va tung u a; Balak thu vaithak chuh a hilh u a.

JEREMIA 5:12

Lalpa chuh lepchieh hih sak in, “Bangmah hih thei puo’n a, sietna le I chung u ah hung tung diek puo’n tin, chemzâm ahim kiel ahim le thuok lo ding I hiu hi.

ZEPHANIA 3:4

A thiemgauteu chuh mi ngaihsam leh, mi ginumlo ahiu a, a thiemputeu mun thiengtho chuh a subuok u a; Pathien dân chuh amau haw phatchuomna dingin, aleh-amak in a sang kâwi viel u a.