MIKA 2:3 - PATHIEN LEKHABU THIENGTHO (BSI)

³ Zieziekchun, Lalpa’n hiti hin a tii: Ngaitie! zie inkuon chunga hin thil phalo ka ngaihtuoh ahi, zie apat chun suokcha puo’n na tin uh, uong takin le chieh diek ta puo’n lau, hun phalo hi ding ahi ngâl a.

MIKA 2:3 ပူးပေါင်းရင်းမြစ်များ

AMOS 5:13

Khutichun, mipil vang chuh zie tawbang hun ah chun thip hiet hiet in a; hun phalo ahih ziek in.

JEREMIA 8:3

Chun, zie inkuon gilo tak apat a suokcha sunte, ka nawhdawk na muna um chengte chun hin sangin thih tel zaw’n au tih hi Lalpa kamsuok ahi.”

JEREMIA 18:11

Zieziekchun Juda mite leh Jerusalem a chêngte kawm achun, Lalpa’n hiti hin a tii; Ngaitiem u, na chung u ah thil phalo ka gel a, na chunguh ah thil ka guonggalh a, tuhin mitin in a umdan phalo teu taihsan u hen la, na umdan u leh na thilhih teu siemphau in, va ti phawt in.

JAKOB 2:13

Mi chunga zahngaihna tel lo a hihte chuh, zahngaihna tel lo a vaihawm sak in um ina; himahleh, zahngaihna chuh vaihawmna chung achun a guolzo sek hi.

SUNNA LA 5:5

Namkawl puok sak in ka um u a, ka chau u a, chawlhngak himhim ka nei puou hi.

SUNNA LA 2:17

Lalpa’n hih dinga a na tihsa chu a hih ta a; Tumasang a ei na vaulawk bangin, lungsietna beiin ei susie vek ta a. Lungsietna a nei ta puoh a, na melmate chu na chungah a kipah saka, na melmate ki chu a dawmsang tai.

EPHESI 5:16

Ni khuo haw hi a phatloh ziekin, phat kizenpetcha hi kichâwk zel un.

ROME 16:4

Nei hun chibai sak un. Kei mai hilo in, Jentel sapchuom haw lawi chengcheng in le, a kawm u achun kipahthu a gen ui.

MIKA 2:1

A zâlkhun chunga nunsietna suongtuohte leh, thil phalo ngaihtuoh dawkte chuh a chunguh a gik hi, zingkal khuo a hung vak vak leh zie chuh a bawl pai zieng u a. amau haw khut thilhih theihna a um a hih ziekin.

AMOS 2:14

Chun, taih hatte chuh suokcha diek puou un tin; mihatte hatna bei intin, sepaih inle amah hinna hukdawk thei diek puo’n a.

DANIEL 4:37

“Tichun, kei Nebuknezar hin van Lengpa chuh ka pakcha ta a, ka chawisâng a, ka limbawl a; a thilhih chengte chuh a dik in a lampite chuh a kitûp ngâl a: kuole chapo taka thilhihte chuh a suniem thei ahi,” ka ti a!

SUNNA LA 1:14

Ka sukkhelh nate chengcheng a melchik a: a bawnin a kankhawm ta a. Ka ngâwng ah a hun bât a, tichun ka chautha ta a. ka do zawh loh ding melmate khut achun. Lalpa’n ei pie ta a.

JEREMIA 43:2

Hoshai chapa Azaria leh Karea chapa Johanan leh mi chapo haw chun Jeremia chuh a hopih u a, a kawmah, “Lepchieh na gen hi, Lalpa ka Pathien un, Aigupta gama cheng dinga na chieh dinguh ahi puoi, ti a gen dingin a hun sawl puoi.

JEREMIA 36:23

Chun, tihi ahung hi a, Jehudi chun pêk thum ahim pêk li ahim a sim zawh chun, lengpa chun a la a, chemcha’n a âttan: a, thukkhuk achun a paih lut a, lehkhabuziel chuh a kâktum masieh thukkhuk achun a hâl tai.

JEREMIA 34:17

Zieziekchun Lalpa chun hiti hin a tii: mitin in amah suohpih leh amah invengte kawma zalenna thu phuong ding in ka thu na awi puou a; ngaitiem u. ken na kawm u ah zalenna thu ka phuong hi Lalpa’n a tii; chemzâm te, hipi te, kiel te hin leichung a lalgam haw cheng lak ah nawh viel viel dingin hun um sak ding ka hi.

JEREMIA 27:12

Chun, Juda leng Zedekiah kawma chun zie thu haw cheng chuh ka gen a: “Babulon leng namkawl chuh puou unla, amah leh a mite na sem unla, tichun hing unlau.

ISAI 5:19

“Hung kinawh hen la, a hih ding chuh hih hen la; vak kimu ngâl leh aw! Israel Mi Thiengtho chuh I het theih na dingun, a thil guonggalh chuh hun hih zo kin leh,” tite haw na chunguh a gik hi.

ISAI 3:16

Lalpa chun, Zion chanute chuh kilek takin a um u a, dâk vul vul in a chieh u a, utcha taka mitsik-ât dieu dieu kawmin kal a suon gi tut tut u a.

DAN NIHNA 28:48

nang u hun do dinga Lalpa’n a hun sawl ding na melmateu na chuh gilkiel leh dangchâk pum in, ngawnchang leh thil chengcheng tasam kawmin sem in na tin un; a hun sukmangthai masangsieh un na ngâwng u ah kahpathik namkawl hun puoksak in au.

AMOS 3:1

Aw Israel chate haw, Aigupta gam apat ka puih dawk inkawte haw! Lalpa’n nanguh kalhna thu a gen hi ngaithau un:

AMOS 3:2

“Nang haw mai hi khawvel a nam chengcheng laka ka het na hiu a: zieziekchun, na manlohna teu chengcheng ziekin hun gawt ding ka hi,” ti’n.

ISAI 29:20

Minunsie te chuh um ta puou in tin, mi musitte chule sukmangthai in um un tin, thil phalo hih dinga chânggu zingte chule satthak hita’n au.