MIKA 2:2 - PATHIEN LEKHABU THIENGTHO (BSI)

² Mi lo haw a awtchau a, a lâksak u a: In haw a awtchau a, a la mang zieng u a, mi leh a In teu leh, a go luoh ding teu natieng in a sugimthei uh ahi.

MIKA 2:2 ပူးပေါင်းရင်းမြစ်များ

ISAI 5:8

Gam lailung taka amau haw mai a um theihna ding u a, mun âwng mawng mawng a um lohna dinga In leh In kimata sa a, lo leh lo kizawp sakte chung chuh a gik hi!

AMOS 8:4

Ziehi ngaithau in, Aw tasamte tawhden a, gama gimtheite sumang nuomte haw!

JEREMIA 22:17

Himahlele, na huoihamna te, mi dik thisan suohna dingin leh bawl sietna leh pawngbawlna ding mai in, na mit leh na lunggil na mang zo ahi.

EZEKIEL 18:12

Gimthei leh tasamte a pawngbawl a, mi a buluh a, bat neite thil kawih a piek kit loh a, milim haw lam a ngat a, a ho a,

1 TIMOTHE 6:10

Dangka sum ngaihnat hi gitloh tincheng bul ahi ngâl a; ziehaw chuh a bangin a awtchau a, taksanna chuh a kiheimangsan u a, amau leh amau lungkhamna tamtakin a kisun khum zaw sek ui.

MATTHAI 23:13

“Himahlele, nang haw, Danthuzikte leh Pharisai gukhahte haw, na chunguh a gik hi! van gam chuh mi dingin na khâk u a,

MALAKI 3:5

Vaihawm dingin hung kit vak ding ka hi, dawithiemte, zawlsaite, lepchieh a kipautiemte chung leh, meithai leh chagah leh kithalakte lawh suchavai a, bawlsiete leh, gamdang mi nawhmangte leh, ei kihcha lote chung achun hetpihtu diktak hi ding ka hi, tih hi Bangkim hihthei Lalpa kamsuok ahi.

MIKA 3:9

Nang haw Jakob insung mapuitute leh Israel insung vaihawmte, vaihawmna dik deihlo a, dikna tin cheng lehbulhte haw; ziehi ngaitha dingin ka hun ngên hi!

EZEKIEL 22:12

Na sunga chun thisan suoh dingin gawlhgukna a lau a, a lawk leh a pung na la a, na invengte thil na pawng lak sak a, diklo takin na kisulawk a, kei nei hengilh ta ahi,” Lalpa Pathien chun a tii.

2 LENGTE 9:26

‘Thangni khan Naboth thisan leh a chapate thisan ka mu ngêi a puo! zie mun ngeia hin hun din ding ka hi,’ ti’n,” a ti a. “Zieziekchun, Joram luong hi paih dawk inla, Naboth lo ngei ah hun paih in, Lalpa thutiem a guitunna dingin,” ti’n Jehu chun a panpihpa chu thu a pie ta a.

PAWTDAWKNA 20:17

“Na vengte In na awhchâk ding ahi puoh a, na vengte zi na awhchâk ding ahi puoi, a suokpa ahim, a suoknu ahim, a bâwngchal ahim, a sabiltung ahim, na vengte a himhim chuh na awhchâk ding ahi puoi,” ti’n.

JOB LEHKHABU THE BOOK OF JOB 31:38

Ka gam chuh ei deihlo a kiko dawk ahih a, A changkuongte chuh a kah u a;

1 LENGTE 21:1

Chun, zie thil haw nung chun hiti hi ahi a, Jezreel mi Naboth chun grep huon a nei a, zie chuh Jezreel a Ahab In kawm cha a um ahi a.

EZEKIEL 8:17

Khutichun, amah chun ka kawmah, “Aw, mihing chapa, ziehi na mu? Thil tenum a hih uh, zie a a hih u hi Juda inkawte dingin thil maimai ahim? Gam sung chuh kipawngbawlna’n a sudim u a, ei sulungna dingin a hungkit u a, a nak uh theubawk in a huk u a.

EZEKIEL 22:13

“Zieziekchun, ngaiin, diklo taka na lawkna leh na sunga thisan kisuoh chuh ka khut ka bet khum hi.

EZEKIEL 33:26

Na chemzâmteu na muong u a, na invengteu zite tawh zawl na sai chiet u a. Khutisa sa achu maw gam chuh na chan ding uh?

EZEKIEL 46:18

Zielo chun le, lal in mipite gochan chuh a lâksak ngei ding ahi puoi. A chate kawma go a piek chuh, amah gochan laka ngêi hi ding ahi. Khutia chuh ka mite a gam uh lâksak a, a sukgimtheih lohna dingun,” a ti a.

AMOS 2:7

Mi chagahte chuh tuol tawh a tawhden u a, sukgimtheih a umte chuh a kimuhloh sak u a; pa leh a chapa chun suok numei khat a kuolkhawmpih u a, zie tawbang hin ka min thiengtho chuh a subuok u a.

MIKA 6:12

Na mi hausateu chuh pawngbawl na’n a dim u a, mi chagahte chuh diklo takin a guoi u a, a kamsung u a a lei u chuh thephat ahi!

ISAI 3:14

Lalpa’n upate leh a mite chunga lawiupate chuh vaihawmna ah a hun pui a, “Grep huon susie chuh nanguh na hiu a; na Inteu chuh mi chagahte apat na thil lâkteu chun a dim hi!

EZEKIEL 45:9

Lalpa Pathien chun hiti hin a gen a, “Nang haw, Israel leng chate leh vaihawmte, Na thagum suohnau leh pawngbawlnate chuh haihsan tau un. Thil dik leh, vaihawmna diktak chuh hih zawu un. Ka mite chuh a gam u apat nawhdawk kit ta kiu in, Lalpa’n, a tii.

AMOS 4:1

Nanguh, Bashan muna bâwngpi vak thau tawbangte haw! Samari tâng chunga um a, chagah nuoisieh a, tasamte tawhden a, a pasalteu kawma, Hun lau inla, dâwn hitiu tite haw, zie thu hi heu in: