MIKA 2:12 - PATHIEN LEKHABU THIENGTHO (BSI)

¹² “Himahleh, aw Jakob na mite chuh a bawn un hun puikhawm kit ding ka hi. Belam hawn, a huong zuon bangin hun puikhawm ing ka. Ham hing laka belam a dima um bang mai in na gam u chuh mipi tamtak in sudim kit ing ka,” ti’n.

MIKA 2:12 ပူးပေါင်းရင်းမြစ်များ

EZEKIEL 36:37

Chun, Lalpa Pathien chun hiti hin a tii: “Zie hi le amau dinga hih dingin Israel inkuon chuh Kei kidawtsak ing ka; belam hawn bang hiela amau chuh supung dingin.

MIKA 7:18

Aw Lalpa, nang tawbang Pathien, a goluoh ding a mite, a suokcha sunte gitlohna ngaidam leh a sukkhelhnau subei dang a um puoi. A lungnat na chu kumlekhuo’n a vawp zing puoh a, zahngaihna chuh a kipahpih lam tak ahih ziekin.

MIKA 7:14

Lalpa, na mi telte a ding hin belampu leh mawlh hi’n la. Na go luoh gan guolte chuh na mawlh in veng in la; amau mai a gammâng leh huon gam lailung a chêngte chuh, malai nite guol khan Bashan leh Gilead gama hamhing mun haw achun kivâk u hen.

MIKA 5:7

Tichun, Jakob suonte a hing dawk sunte chuh, nam tamtak te a dingin Lalpa apat a sukhalhthak kitna dâitui kie leh, thai kung dâwngte chunga guohmal kie sieusieu bangin um un tin, mihingte chunga kinga lo in Pathien chungah kinga zaw’n au.

AMOS 1:12

Khutichun, Teman khawpi chunga chun mei sawl ing ka ting, Bozrah khuo kulh chengcheng chuh katum vek ina,” a ti a.

HOSEA 1:11

Tichun Juda mite leh Israel mipite chuh hung kizawm khawm kit untin; khatvei chuh a gam uh ahin hung paklun kit ding ahiu ui. Ahi, Jezreel ni chuh lopi ding ahi ngâl a.

EZEKIEL 37:21

A kawm u ah, Lalpa Pathien chun hiti hin a tii: Israel chate chuh a chiehnau namte lak apat chun ladawk ing ka ting, muntin apat in puikhawm ing ka ting, amau gam ngêi achun puilut ing ka.

EZEKIEL 34:31

“Chun, nang haw chuh ka belamte, ka gan tatna muna belamte chuh na hiu a; ka mite na hiu a, kei hi na Pathien u chuh ka hi, Lalpa Pathien chun a tii,” ti’n.

EZEKIEL 34:22

Zieziekchun, ka belam hawn chuh humbit ing ka ting, gamsa peh mai hita puou un tin; belamte leh belam te kal achun vaihawm ding ka hi.

EZEKIEL 34:11

Lalpa Pathien chun hiti hin a ti ngâla: “Ngaitiem u, kei, keimah ngêi hin ka belamte chuh hawl ing ka ting, hawl dawk ing ka.

JEREMIA 23:3

Tichun, ka ganguol umsunte chuh ka delhzak na gam haw apat chun pui khawm kit ing ka ting, a huong sung u ah hâwi khawm ing ka ting, gah nuom takin um un tin uh, hung pung un au!

ISAI 34:6

Kithawihna belam leh kel thisan guolin, a chemzâm chuh, a thisan u leh a thauteu chun dim ina. Lalpa’n zie kithawihna chuh Bozrah khawpi ah a lân a, zie chun, Edom gam achun kithahna huoisie tak a umsak ta a.

ISAI 27:12

Zie ni chuleh, Euphrates luipi apat in, Aigupta luipi tiengin, Lalpa’n buhchil in hun chil ina, Aw Israel mipite haw, khat khata puihkhawm a um ding na hiu.

ISAI 11:11

Zie ni a hungtun tieng chuleh, Lalpa’n a mite sukmangthai loh a na umsunte Asuria gam apat te, Aigupta gam apat te, Pathros gam apat te, Kush gam apat te, Elam gam apat te, Shinar gam apat te, Hamath khuo apat te, Tuisuohgiet tuikuol apat te chuh la kit dingin, a thilhih theihna khut hun zak kit ina.

JEREMIA 3:18

Zie nihaw achun Juda inkuon te chuh Israel inkuon te tawh umkhawm untin, mâllam apat in nanguh hun suonte kawmah goluoh dinga ka piek gam achun hung pawt khawm tan nau.”

THILSIEMBUL 36:33

Chun, Bela chuh a thi a Bozrah khuo a um Zerah chapa Jobab chun a thasang in vai a hawm ta a.

ISAI 5:17

Zie phat chuleh belam note chuh a tatna mun u a ta guolin ta dip dip un tin, belam thaute leh a no haw chun thilsie lak achun hampa pet un au.

MIKA 2:13

A kawt hawng pa chun amau haw dingin lampi hawn sak intin, zie chun lut hut hut un au. Khawpi kawt chuh hihsieu in tin, nuom takin lut un au! A lengpau chuh a masang u ah a chieh a, Lalpa’n a mau pui ding ahi a, amah chuh a kingaknau hiding ahi.

MIKA 4:8

Aw nang Zion chanu kulh dettak, gan guolte venna In sang, na kawma hung ding ahi; masang laia vaihawmna masa chuh hungkit ding ahi. Jerusalem chanu lal chuh!

MIKA 5:8

Jakob te laka a suokchate chu vang, gammânga sate laka sakeibaknei in tawbang leh belam hawn laka sakeibaknei vanglai bangin um ina: amah chun a chieh pai phawt chuh a tawh den a, a bawtthêk a, a panpih ding kuomah a um puou hi.

1 KHANGTHUBU 1:44

Chun, Bel chu a thi a, Bozrah khuo a Zerah chapa, Jobab chu a thasang in vaihawm in a pang ta a.

EZEKIEL 34:13

Chun, mite lak apat chun puidawk ing ka ting gam tin apat chun puikhawm ing ka ting, amau gam ngêi achun pui ing ka; Israel tâng chung haw, lui pang haw leh mi chênna mun chengcheng achun tat sak ing ka.

ZEPHANIA 3:20

Zie tieng chuleh hun puilut ing ka ting, hun puikhawm ing ka; Na muh ngêi u a saltanna apat ka hun puihkhawm kit tieng leh, leichung a mi cheng cheng te lak ah minthanna leh pahchakna hun siem sak ding ka hi ngâla,” Lalpa’n a tii.