MIKA 2:1 - PATHIEN LEKHABU THIENGTHO (BSI)

¹ A zâlkhun chunga nunsietna suongtuohte leh, thil phalo ngaihtuoh dawkte chuh a chunguh a gik hi, zingkal khuo a hung vak vak leh zie chuh a bawl pai zieng u a. amau haw khut thilhih theihna a um a hih ziekin.

MIKA 2:1 ပူးပေါင်းရင်းမြစ်များ

SAM LEHKHABU THE PSALMS 36:4

A zâlkhun achun thil gilo a suongtuoh seka, Lampi phalo a chun a chieh hâmhâm a; gitloh na chuh a kihdak puoi.

ISAI 32:7

Mi gukhah chu phalo tak ahi a, mi chagahte chu zuou thu a hihsie ding in, thil gilo a sawmdawk u a, chagahte le a diknau ale a nang chak kêi sek hi.

NAHUM 1:11

Nang apat in mi khat, Lalpa kalh a thil gilo ngaihtuoh, Lalpa ngêi phielgu a um hi.

ROME 1:30

kimukphunna leh, kithepna leh, nunchan phatlohnate’n a hung dim tau a. Thuningkhel leh, mi gensiet hatna leh, Pathien zakdah lam leh, kilek leh, kiletsakna leh, mi-uong leh, thil gilo thak bawl dawk leh, nu le pa thu ngailo leh;

JEREMIA 18:18

Tichun, amau chun, “Hung tiem u, Jeremia hi mat ahih theihna ding ngaihtuoh hitiu, thiempute lak apat dân thu bei ding ahi puoh ngâl a, mipil apat in lemguotna, chun, zawlnei apat in thu bei diek puo’n a. Hung tiem u, gensie sausau hitiu, a thu himhim ngaihsak hiel puoi tiu,” a kitiu a.

ISAI 59:3

Na khutteu chuh thisan a sukbuok in a um a, na khutzungteu chule manlohna a sukbuok in a um a; na mûk teu chun lepchieh a gen a, na lei u chu gitlohna thugen in a phun mulmul sek hi.

THUCHINGTE 4:16

Thil pawi a khawih loh u chun a ipmu thei puoh ngâl u a, mi kuo ahim a suknat loh u chun a ipmu thei puou hi.

THUCHINGTE 3:27

Na khuta thilpha hih theihna na neih lai chan, Midang te a ding a thilpha hih kidâm ki’n.

THILSIEMBUL 31:29

Hun susie thei ka hi a puo: himahlele na pa Pathien in thangni zan khan, ‘Jakob kawma a sie, apha bangmah gen lo dingin chingthei in,’ ti’n ei hopih ahi.

NASEPTE 23:12

Chun, ni a suok phetin, Judate khenkhat chuh a kikhawm u a, Paul a thah masangsieh uh, bangmah ne leh dâwn lo dingin a kihâksiel u a.

JOHAN 19:11

Isu’n a, dâwng a, “Pathien apat a thuneihna piek na hih loh chun, ka chungah hih theih himhim nei puo’n la, zieziekchun, na khuta ei piepa khan gitloh a puo zaw diek hi,” a ti a.

DAN NIHNA 28:32

Na chanuteu na chapateu chuh na muhna tak u ah namdangte suok a um dingin piek hi’n tin un, amau ngaiin ni cheng leh, a thawn in, a hungna ding lam uh mit chau hielin thil zing sek inlau; ziehaw dalna ding chun bangmah hih theih nei puo’n lau.

NASEPTE 23:15

Zieziekchun, nangun le, vaihawmte tawh, a thu dik zaw deuha ngaihtuoh guo bangin, na kawm u a pui tha dingin sepaih lawiupa lienpen kawmah thu va thak un. Chun, na kawmuh a hung tun ma’n, kei uh hi amah that dingin ka kisazo zing uh ahi,” a tiu a.

THUCHINGTE 12:2

Mi pha chun Lalpa deihsakna chang intin, himahleh, ngaihtuohna gilo pute vang chuh thiemloh chansak in a.

LUKE 20:19

Chun, zie lai tak chun dân thuzikte leh thiempu liente chun, tehkal thu chuh amau haw kawknaa a gen ahi tih a het ziekun Isu chuh zie mun achun mat a guou a, himahlele, mipite chuh a lau u a.

MARK 15:1

Chun, zingkal matak in, thiempu lien chun, dân thuzikte leh upate leh, vaihawm pawl chengcheng chuh kin takin a kimuhpih a, thil a guonggalh tau a. Isu chuh a kân u a, a puidawk u a, Pilate kawmah a pie dawk tau a.

EZEKIEL 11:2

Chun, amah chun ka kawmah, “Mihing chapa ziete hi zie khawpi sunga gitloh na hun puodawk te chuh ahiu hi;

ESTHER 9:25

Himahlele, Esther in leng kawmah zie thu chuh a tun a, Juda te a phielgukna chuh amah lu chung ah chu’n tin a mah leh a chapa te chuh khaihlupna a khaihlup ding ahi tih lehkha’n thu a phuong ta a.

ESTHER 5:14

Khutichun, a zi Zeresh leh a guolte chengcheng chun, “Tawng sawmnga a sangin khaihlupna siem sak inla; chun, Mordekai chuh khaihlup ding in zing leh leng hilh inla; guolvakna achun leng kawm achun kipâk takin chieh mai in,” a tiu a. Zie chuh Haman chun pha a sa a, khaihlupna chuh a siem sak ta a.

ESTHER 3:8

Haman chun leng Ahasuer kawmah, “Na gambung tin ahin bang nam ahim nam dang tawh kibanglo, kichuombawl a um thang zeng zung u a; a danteu chuh nam dangte dân tawh a kibanglo mah mah a; leng dân hile a zawm puou a, Zieziekchun khutibang umsak chuh leng deihlam le ahi diek puoh ngâla;

JOB LEHKHABU THE BOOK OF JOB 24:14

Gimthei leh tasamte chuh that dingin, tuolthatte chuh phalvak in a tho u a, Zan leh gucha guolin a gu zel u a.

THUCHINGTE 14:22

Thil phalo guonggalhte chuh thil sukhiel hilo ahiu em? Thil pha guonggalh te chun ginumna leh taksan umna mu’n au.

ISAI 29:20

Minunsie te chuh um ta puou in tin, mi musitte chule sukmangthai in um un tin, thil phalo hih dinga chânggu zingte chule satthak hita’n au.

EZEKIEL 33:26

Na chemzâmteu na muong u a, na invengteu zite tawh zawl na sai chiet u a. Khutisa sa achu maw gam chuh na chan ding uh?

EZEKIEL 38:10

Chun, Lalpa Pathien chun hiti hin a tii: Zie ni chu leh hiti hi hi’n tin, na lunggil ah thil hung lut in tin, thil phalo hih guon na tin;

EZEKIEL 46:18

Zielo chun le, lal in mipite gochan chuh a lâksak ngei ding ahi puoi. A chate kawma go a piek chuh, amah gochan laka ngêi hi ding ahi. Khutia chuh ka mite a gam uh lâksak a, a sukgimtheih lohna dingun,” a ti a.

MIKA 6:12

Na mi hausateu chuh pawngbawl na’n a dim u a, mi chagahte chuh diklo takin a guoi u a, a kamsung u a a lei u chuh thephat ahi!

ZEKARIA 7:10

Meithai leh pa neilote, malzin leh mi gimtheite chuh bawlsie kiu in. Kuomah cha’n a lunggil un, a suohpih teu sietna ding chuh ngaihtuoh kiu in,” ti’n.

1 LENGTE 21:7

Chun, a zi Jezebel chun a kawmah, “Israel gam leng hi hilo na him? Tho inla, an ne’n la, lunggil kipâk takin um in, Jezreel mi Naboth grep huon chu ken hun pie’ng ka,” a ti a.

JOB LEHKHABU THE BOOK OF JOB 15:35

Thil gilo a ngaihtuoh u a, Gitlohna a hun puodawk u a, A lungthim u chuh mi thêm dingin a kisazo zing hi.

SAM LEHKHABU THE PSALMS 36:5

Aw Lalpa na chitna chun van a sukha a; Na muon-um na chun chung vandum khu a suna.

SAM LEHKHABU THE PSALMS 58:3

Minunsie te chuh a nuu sunga kipan mawng mawng inle a chieh khiel u a, Pathien apat a khen in a um u a: A suok u akipat in zuou thugen a gen sek ui.

ISAI 3:14

Lalpa’n upate leh a mite chunga lawiupate chuh vaihawmna ah a hun pui a, “Grep huon susie chuh nanguh na hiu a; na Inteu chuh mi chagahte apat na thil lâkteu chun a dim hi!

ISAI 5:8

Gam lailung taka amau haw mai a um theihna ding u a, mun âwng mawng mawng a um lohna dinga In leh In kimata sa a, lo leh lo kizawp sakte chung chuh a gik hi!