MIKA 1:7 - PATHIEN LEKHABU THIENGTHO (BSI)

⁷ A milim siemkawmteu cheng chuh sukgawp vek hi’n tin; nawhchizawkna mante chuh hâltum vek hi’n tin, milim chengcheng chuh hihsie’ng ka ting; nawhchizuok mana a lâkkhâwm u chuh, nawhchizawk man mah in pang kit ina.

MIKA 1:7 ပူးပေါင်းရင်းမြစ်များ

2 KHANGTHUBU 31:1

Zie Chiehkân kut guolvakna a kichaih phet chun, Israel mipite chengcheng chu Juda gama khawpi tin achun a chieh u a, suong phuh te a susieu a, Asher pathien te kawma milim latte chu a phuk u a, milim hona mun leh maichâm te a suchim u a. Zie tawbangmah chun Juda gam khuo dang haw, Benjamin gamte, Ephraim gam te, leh Manasseh gam te a hih u a, tichun, mi chengcheng chu a khuo lam chiet u ah a vaikit tau a.

ISAI 2:18

Chun, milim pathiente chuh kichien takin mangthai ta’n au.

ISAI 23:17

Chun hiti hi hung hi’n tin, kum sawmsagih beih nung leh, Lalpa’n Tura chuh vehtha kit intin, tichun, a kiveina mun lui ah chieh kitin, lei chung a lalgam cheng kawm achun kizuokthang kit ta’n a.

ISAI 27:9

Zieziekchun, Jakob te manlohna chuh zie hin sawp thien hi’n tin, ziehi a gitloh nau gah ngen ahi, Asher leh nisa limte chuh thokit talo ding khawp in, maichâm suong chengcheng chuh phel lemlum a bawl ahiu ui. (Himahlele, milim pathien maichâmte chuh, leia suongnip banga suknel leh, gimlim hâlna maichâm ahim, Asher pathien lim melchiknate chuh suksiet a hih ma’n, Israel te gitlohna chuh ngaihdam hi puo’n a.)

EZEKIEL 6:6

Na chênna mun chengcheng u a khawpi haw chuh suksiet hi’n tin, na milim hona mun sang hawu chuh sukchim in um in au; na maichâm hawu chuh suksiet leh sukchim ahih theihna ding leh na milim hawu chuh khet gawp ahih u a sukbeih ahih theihna dingun leh na gimlim maichâm hawu chuh satthâk ahih u a, na thil siemkawm hawu chengcheng chuh a manthai theihna dingin.

HOSEA 2:12

A grep gui leh a theipi kung, Ziehaw hi ka deihchakte ei piek, ka lawh chuh ahi, a tih sekte chuh sukmangthai sak vek ding ka hi. Thalek gam suoh sak ka ting, gamsa ten ne zo un au.

HOSEA 2:14

Zieziekchun tuhin thalek gam ah puikit ing ka ting; zie tak achun lungsietna aw nem takin thêm ing ka.

HOSEA 2:5

A nuu chun nawhchi a zuok a; amau haw vawpnu chuh zahchâk-um takin a um a, “Ka an leh ka tui te, ka samul leh ka pat te, ka sathau leh ka dâwn dingte ei pie sek ka deihchakte chuh delhzui zel ing ka,” a ti sek a.

HOSEA 8:5

Aw Samari! na sana bâwngno lim ho chuh ka haw a; a chungu ah ka lungna mah mah hi. Bangtik taphet leh a thiengtho kit ta dei mawh?

HOSEA 8:6

Israel mi, khutthiemte chun milimte a siem uh a, himahleh, zie chuh Pathien a hi hiel puoh ngâl a. Samari khawpi a bâwngno limte chuh tuol a khetnel in um un au!

JOEL 3:3

Ka mite chungah phun a san u a, pasal naupangte chuh nawhchi man dingin a zuok u a, numei naupang chuh uain man dingin a zuok u a, ti a chu zu a dâwn u a, a kham theih na dingun.

THIEMPUDANTE 26:30

Chun, na munsang teu suchim ing ka ting, na nisa limteu, na gimlim hâl nau maichâmte chuh hihchim ing ka, chuleh, na luongteu chuh na milim pathien uh gawpsate chung achun paih ing ka. Ka lungnatna a tâwp khawk a tun tâk ziekin.

DAN NIHNA 23:18

Nawhchi man ahim, uicha man ahim chuh kitiemna sukpitin na dinga Lalpa Pathien In a na hun chawih ding ahi puoi; a khawi zaw chule Lalpa na Pathien u a ding a thil tenum ahi.

DAN NIHNA 9:21

Na gitlohna ziek u a na siem uh bâwngno lim chuh ka la a, mei in ka hâla, ka sugawp a, leivui bang hielin ka gawi nêl a; chun, a nêl chuh tâng apat a hung luong lui achun ka paih ta a.

THUPHUON 18:3

A mi deihchak nawpna zieka lungnatna uain chuh nam chengcheng in a dâwn ta ngâl uh a: leia lengte chun amah nawptalna ziek chun a hauhsak lawh tau hi” ti’n a kiko a.

THUPHUON 18:9

Chun, leia lengte, a kideihchakpih sekte leh, a nuomsak bawlpih sekte chun, a kang khu chuh a muh tiengu le chuh,

1 SAMUEL 5:4

A zing kit mataka a thawh phet u chun ngaitie, Lalpa bawm ma achun Dagon chuh a maia lei si’n a na puktha kei kit ta a Dagon luchang leh a khut bawm nih tawngtha chu kawtbul tuohtil achun a na um lem lum mai ta a. Dagon taksa mai chu a ngâwng leh khut bawngsa chun a na um ta mai a!