MIKA 1:5 - PATHIEN LEKHABU THIENGTHO (BSI)

⁵ Ziehaw chengcheng hi Jakob inkawte Pathien do a a kiphinna ziek u leh, Israel inkawte gitlohna ziek ahi. Jakob inkawte bawhsietna chuh kuo ngawh ding ahi? Samari khawpi ngêi chuh hilo ahim? Juda milim hona chuh kuo mawhpuok ahim? Jerusalem hilo ahim?

MIKA 1:5 ပူးပေါင်းရင်းမြစ်များ

1 LENGTE 11:7

Khutichun Solomon chun Jerusalem suohlam tângah Moab te pathien kihdak-um tak Kemosh a ding leh, Amon suonte pathien kihdak-um tak Molek a dingin munsang a siem ta a.

1 LENGTE 13:32

Pathien thu a Bethel a maichâm leh, Samari gam khawpihaw a munsang in chengcheng kalh a a kiko khumna thu khah hung tung ngêi ngêi ding ahi ngâl a,” ti’n a gen a.

1 LENGTE 16:24

Chun Shemer a Samari tâng chu dangka talent nih in a chaw a, tâng achun In a sa a, a khawpi min ding chun zie tâng neipa Shemar minlo chun Samari a vawh ta a.

2 KHANGTHUBU 34:3

Chun, kum giet a lal kum in naupang cha a hih lai apat in a pu David Pathien a ho pan a; chun kum sawmlenih a lal kum in Juda gam leh Jerusalem a milim hona munte, Asher pathien limte, milim siemkawmte, milim sunkhawm te chu a thielngim a.

2 KHANGTHUBU 34:4

A mah puihna nuoi achun, a mite chun Baal hona maichâm te chu a khen gawp u a, a kawma gimlim hâlna te chu a susieu a. Asher limte leh milim dang cheng te chu le, a khên nêl u a, a nêl chu, a kawma kithawihna siem sekte thân chungah a theh u a.

ISAI 7:9

Chun, Ephraim luchang chuh Samari ahi a, Samari luchang chuh Remalia chapa phet ahi ngâla. Na ginchak nawp loh u chun, hihdet in um hiel puo’n lau va tih,” ti’n.

JEREMIA 2:17

Lalpa na Pathien chun lampi a a hun puih laia na taihmang san ziekin, zie chuh na chunga na tunsak hilo ahim?

JEREMIA 2:19

Na gitloh na ngêi chun hun thawk sak intin, na nungchawn sek na haw chun hun hilhgaih ina; ei kihchak na neilo a Lalpa na Pathien na taihsan hih thil gilo tak leh kha tak ahi, tih hi hun hedawk in muchien inla tih hi, Lalpa Sepaihte Lalpa kamsuok ahi.

JEREMIA 23:13

Samari thiemgaute lak ah thil kihdak-um ka mûi, Baal sâm in thu a gen uh a, Israel te a pui mang uh ahi.

JEREMIA 23:14

Jerusalem thiemgaute chunga le, thil zahhuoi tak ka mûi. Zawl a sai uh a, lepchieh in a khuosau a; thil gilo hihte khut chuh a suhat uh a, mite’n a nunsietnau a kisik loh lawh tau a, Kei dingin Sodom khuo a mite bang a hung hi vek tau hi! A khuo sunga mite cheng le Gomorah khuo mite bang a hung hi vek tau!

JEREMIA 4:18

Na umdan leh na thilhih teu chun ziehaw hi na chunga a tunsak ahi. Zie hih na sietna ding chuh ahi a, a na mah mah ngâla, na lungthim a sun hi.

JEREMIA 5:25

Na gitloh nau chun zie thil haw hi a nawhmang a, na gitlohteu chun na thilpha muh dinguh a dal hi.

JEREMIA 6:19

Aw leisiet a na ngaitha’n zie mite chung ahin sietna hun tun ding ka hi. A ngaihtuoh na hawu gah ngêi chuh, ka thute chuh a ngaihsak puou a; ka dân te chula a paih tha kei u a.

SUNNA LA 5:16

Ka luchang u apat lallukhuk a kie ta a; ka na gilo tau a ka chunguh a gik tai.

EZEKIEL 16:46

Chun, na suohpihnu, na u chuh Samari, na umnau apat mâllam a a chanute tawh cheng hi ahi a: na nau, na suohpihnu chula na umnau apat simlam a cheng, Sodom leh a chanute hi ahi a.

HOSEA 7:1

“Israel sukdam ka guot lai in Ephraim sietna a hung lang a. Samari nunsietna thilhih tawh, diklo takin thil ahih u a; a sung ah gucha a lut a, pawlam ah suommang te’n ana suom ngâl u a.

AMOS 6:1

Zion tânga nuomsa taka um heuh heuh te leh, Samari tânga bit taka umte leh, nam lienpen leh lopite, a kawm u a Israel inkawte a chiehna teu chung chuh a gik hi!

AMOS 7:9

Chun, Isak munsangte chuh hung hawm intin, Israel mun thiengthote chuh suksiet hung hi’n tin; chun, Jeroboam inkawte chuh chemzâm in do ing ka,” a ti a.

AMOS 8:14

Samari gitlohna sama kipautiem a, ‘Aw Dan, na pathien a hin zing bangin leh, Beerseba hindan dungzui in,’ tite haw! zie mite chule puk un tin, tho kit ta puo’n au,” ti’n.

MIKA 1:13

Nang haw Lakish a chengte haw, kangtalai chuh sakawl hât tawh sutuoh unla, Zion chanute dingin gitloh kipatna bulpi na hiu hi; Israel gitlohna chuh nangmau ah muh in a um ngâla.