MIKA 1:1 - PATHIEN LEKHABU THIENGTHO (BSI)

¹ Juda leng Jotham leh Ahaz leh Hezekia te lal lai a Moresheth khawpi a um Mika kawm achun Lalpa’n Samari leh Jerusalem chungchang thu chuh a phuong ta a.

MIKA 1:1 ပူးပေါင်းရင်းမြစ်များ

2 LENGTE 15:32

Israel leng, Remalia chapa Pekah chun kum nih vai a hawm kum chun, Juda leng Uzziah chapa Jotham chun vai a hawm pan a.

2 LENGTE 15:5

Tichun, Lalpa’n, Uzziah chu phâk natna’n a hun gawt ta a, a thih ni tiengin a phâk den ta a. Amah In chuom ah a um zing ta a. Tichun, leng chapa Jotham chu, a gam u a mite vaihawm sak chun a pang ta a.

2 LENGTE 16:1

Remalia chapa Pekah chun, kum sawm leh kum sagih vai a hawm kum chun, Juda leng Jotham chapa Ahaz chun vai a hawm pan a;

2 LENGTE 18:1

Chun, Israel leng, Elah chapa Hosea’n kum thum vai a hawm kum chun, Juda leng, Ahaz chapa Hezekia chun vai a hawm pan a.

2 KHANGTHUBU 28:1

Chun, Ahaz chu kum sawmnih a hih in leng in a pang a, Jerusalem ah kum sawmlegup vai a hawm hi.

2 KHANGTHUBU 29:1

Chun, leng Hezekia chuh kum sawmnih leh nga a upa a hih in a lal pan a; Jerusalem ah kum sawmnih leh kum kuo a lal a: a nu min chu Ahijah, Zekaria chanu ahi.

ISAI 1:1

Amoz chapa Isai in Juda leng Uzziah, Jotham, Ahaz leh Hezekia te vaihawm laia, Judate leh Jerusalem chungchâng thu a kilâkna a muh chuh:

ISAI 1:2

“Aw vante, ngaithau un la, aw leichung na bil dawh in! Lalpa chun thu a gen hi. Chate chuh ka vaka, ka seilet saka, himahleh ka chungah a kiphin tau ui.

ISAI 7:1

Chun, Juda leng Uzziah chapa, Jotham chapa Ahaz lal lai chun, kidona a hung um a. Suria leng Rezin leh Israel leng Remalia chapa Pekah chun Jerusalem a do u a, himahlele, a zo thei puou hi.

ISAI 7:9

Chun, Ephraim luchang chuh Samari ahi a, Samari luchang chuh Remalia chapa phet ahi ngâla. Na ginchak nawp loh u chun, hihdet in um hiel puo’n lau va tih,” ti’n.

JEREMIA 26:18

“Moraseth mi Mika chun Juda leng Hezekia lal lai khan, Juda mi chengcheng te kawma chun, Sepaihte Lalpa chun hiti hin a tii: ‘Zion chuh lo guol a kaih hi’n tin, Jerusalem chuh thilsie kipaih khawm hi’n a. A In umna tâng chuh gamlak munsang tawbang hi’n a,’ ti’n a genlawk a.

HOSEA 1:1

Juda leng Uzziah te, Jotham te, Ahaz te leh Hezekia te, Jehoash chapa Jeroboam Israel te chunga leng ahih laia Beeri chapa Hosea kawma Lalpa thu hungtung chuh ziehi ahi.

HOSEA 4:15

“Israel, nang chun nawhchizuok chîng mah leh chin, Juda vang chuh gilo kihen; Gilgal ah Pathien ho ki’n la, Bethel ale va chieh to diek kiu unla, ‘Lalpa a hin zing bang hin,’ ti’n le kipautiem diek kiu in.

HOSEA 8:14

“Israel chun a Siempa a hengilh a, tichun, leng In haw a kisak a, chun, Juda chun khawpi kulh nei tampi a sa a; himahleh, a khawpite chung achun mei sawl ing ka ting, a leng inteu chuh mei in katum zo ina”. ti’n.

AMOS 1:1

Juda Leng Uzia vaihawm lai leh, Israel Leng Joash chapa Jeroboam vaihawm laia, leiling um ma kum nihna a chun, Tekoa muna ganguol vengte laka Amos in Israel te chungchâng thu a muh chuh:

AMOS 6:1

Zion tânga nuomsa taka um heuh heuh te leh, Samari tânga bit taka umte leh, nam lienpen leh lopite, a kawm u a Israel inkawte a chiehna teu chung chuh a gik hi!

MIKA 1:5

Ziehaw chengcheng hi Jakob inkawte Pathien do a a kiphinna ziek u leh, Israel inkawte gitlohna ziek ahi. Jakob inkawte bawhsietna chuh kuo ngawh ding ahi? Samari khawpi ngêi chuh hilo ahim? Juda milim hona chuh kuo mawhpuok ahim? Jerusalem hilo ahim?

MIKA 3:9

Nang haw Jakob insung mapuitute leh Israel insung vaihawmte, vaihawmna dik deihlo a, dikna tin cheng lehbulhte haw; ziehi ngaitha dingin ka hun ngên hi!

HABAKKUK 1:1

Thiemgau Habakkuk in puokgik a muh chuh:

2 PETER 1:21

Hilhlawkna thu himhim hi, mihiemte deihna a pawt ahi puoh a, Pathien mi thiengtho te’n Thagau Thiengtho puihhuoi bang zela ahun gen sek uh ahi zawi.