MATTHAI 9:2 - PATHIEN LEKHABU THIENGTHO (BSI)

² Chun, ngaitie, zeng khat, zâlkhun a kuol san a kawmah a hun zawn u a, Isu’n a taksan zieu a muh in zeng kawm achun, “Ka cha, lungmuong takin um ah, na gitlohna ngaihdam ahi tai,” a ti a.

MATTHAI 9:2 ပူးပေါင်းရင်းမြစ်များ

MATTHAI 9:22

Tichun, Isu a kiheia, amah nu chuh a mu a, “Ka chanu, lungmuong takin um ah; na taksanna hi na dampih ahi,” a ti a. Tichun, numei chuh zie dâkkâl apat chun a hung dam ta a.

JAKOB 2:18

A hii, mi kuo ahim in, “Nangin taksanna na nei a, ken thilhih ka nei a; na taksanna chuh na thilhih tello in nei etsak ah, chun, ken ka thilhih in ka taksanna hun etsak ka,” ti maithei na hiu hi.

NASEPTE 19:12

Khutichun, a sapum apat, khawsa-ul thiekna puon bang, chenthuoh puon bang, damlote kawmah a chawi u a, tichun, a natnateu chuh nawhmang in a um zel ta a, chun, thitha haw le a sung u apat a pawtdawk sek u a.

JOHAN 21:5

Chun, Isu’n a kawm u ah, “Naute haw, bangmah man lo na hiu hi?” a ti a. Amau chun a kawmah, “Bangmah cha ka man puou!” a tiu a.

MATTHAI 8:10

Chun, Isu’n zie thu haw chuh a zak in mak a sa a, amah zui haw kawm achun, “Tihtakzet a ka hun hilh na hiu hi, Israel te lak ale hitibang taka taksanna nasa hi ka mu kha puoi.

MATTHAI 4:24

Tichun, Suria gam chengcheng ah a chanchin a thang ta a; tichun mi damlo chengcheng, damlohna leh natna tin cheng thuokte, thitha mat haw, phungzawl vei haw, zeng haw a kawmah a hun pui u a, a na hihdam a.

ROME 5:11

Khuti chauh chuh hilo in, kichamna, tu a ei muhsak pa, Krista vang chun Pathien ah I kipâk uh ahi.

NASEPTE 14:9

Zie pa chun Paul thugen a ngaitha sek a. Paul chun amah chuh a en zing a, damna dingin taksanna a nei hi tih a he a,

JOHAN 16:33

Zie thu haw hi na kawm u ah ka gen ta hi, keimah a na um ziek u a lungmuonna na neih theihna dingun. Khawvela hin dahum thuok in na um sek ui. Himahlele, kipâk takin um un, ken khawvel ka zo tai,” a ti a.

MATTHAI 9:6

Bang hitalele, lei chunga hin Mihiem Chapa’n gitloh ngaihdam theihna a nei hi tih na het theihna dingun,” a ti a. Khutichun, zeng kawm achun, “Tho inla, na puonphah la’n la, na In ah chieh ah,” a ti a.

MATTHAI 8:16

Chun, nitâk lam a hung hih phetin, a kawmah thitha mat haw tamtak a hun pui u a; chun, a thu’n thitha haw chuh a nawhdawk a, damlo chengcheng a sudam a.

ISAI 44:22

Na bawhsietna teu chuh meipi sah lieiluoi bangin ka mût mang ta a; ka kawmah hungkit un, nang haw hun Tandawkpa ka hi ngâl a,” ti’n.

JOHAN 2:25

A chanchinhawu chuh kuomah hilh a ngai puoi, amah ngêi in a lungthim u a um haw chuh a he ngâl a.

MARK 5:34

Isu’n a kawmah, “Ka chanu, na taksanna hi na dampih ahi, lungmuong takin chieh in la, na natna apat in dam den ta’n,” a ti a.

MARK 1:32

Chun, nitâk lam a ni a tum nung in, damlo chengcheng leh, thitha mat haw a kawmah a hun pui u a.

THUGENPA 9:7

Khawsa zel inla, kipâk takin na chângthâk ne’n la, uain dâwn in; na thilhih chengcheng chuh masang lai apat a khah Pathien in pha a sak sa ahi.

MATTHAI 6:12

Ka bat uh ei ngaidam in; Kei un le ka thil bateu ka ngaihdam tâk bang un.

MATTHAI 9:5

‘Na gitlohna haw ngaihdam ahi tai,’ tih leh ‘Tho in la, keng in chieh ta’n’ tih hi a khawi zaw a gen baihlam zaw?

MATTHAI 14:27

Himahlele, Isu’n amau haw chuh a na hopih zieng a, “Lungmuong takin um un; kei ka hi a puo, lau kiu in,” a ti a.

MARK 6:50

a muh phet u chun, a thavai mah mah tau a. Ziephet chun, Isu’n amau a hopih pai zieng a, a kawm u ah, “Lungmuong takin um un; kei ka hi, lau kiu,” a ti a.

MARK 10:49

Tichun, Isu a ding a, “Amah chuh va sam tiem u,” a ti a. Khutichun, mitdûkpa chuh a sam u a, a kawm achun, “Thamuong takin um inla, kipan ah; a hun sam hi,” a tiu a.

NASEPTE 23:11

Zie zan chun, Lalpa chuh Paul kieng ah a ding a, a kawmah, “Lungmuong takin um ah, Jerusalem khuo a ka thu na hetpih guol mah hin, Rome khuo ale na hetpih ding ahi,” a ti a.