MATTHAI 9:18 - PATHIEN LEKHABU THIENGTHO (BSI)

¹⁸ Zie thu haw chuh a kawm u a a gen lai takin, ngaitie, vaihawmtu khat a kawmah a hung a, a chibai a, “Ka chanu tu tak khan a thi a, himahlele hung in la, a chungah na khut hung nga leh chin hung hing kit ina,” a ti a.

MATTHAI 9:18 ပူးပေါင်းရင်းမြစ်များ

MATTHAI 8:2

Chun, ngaitie, a kawmah phâk khat a hung a, “Lalpa, na nawp leh nei hih thiengtho thei hi,” tin a masang ah a khupdin a.

LUKE 13:14

Isu’n Chawlhni a mi a sukdam ziek chun, kikhawpna In lawiupa chuh a lungna ta a, mipite chuh a hopih a, a kawm u ah, “Mihiemte nasepna dingin ni gup sung a um a puo; zie sung chun hung unla, kisukdam sak un,” a ti a.

JOHAN 11:32

Tichun, Mari chuh Isu kawm chuh a va tung a, a muh phetin a keng bul ah a khupbawk a, a kawmah, “Lalpa, taka hi um hileh chin, ka suohpihpa thi lo ding hi ven!” a ti a.

MATTHAI 9:24

“Pawtdawk un, chapangnu chuh a thi puoi, a ipmu ahi zawi,” a ti a. Ziephet chun, amau haw chun amah chuh a nuihsan mai tau a.

2 LENGTE 5:11

Himahlele, Naaman chu lungna takin a chieh kit ta a, “Ken lah, amah ngêi chu ka kawmah hung pawt in tin, hung ding in tin; Lalpa a Pathien kawmah paucham in tin, ka phâkna chung hi a khut in mai viel in tin, phâk hi a hun sukdam ding ahim ka ti a.

NASEPTE 13:15

Chun, Mosi Dan Lehkhabu leh Thiemgaute Lehkhabu a sim zawh un, kikhawpna In lawiupate’n a kawm u ah mi a sawl u a, “Suohpihte, mihaw tîlkhohna ding thu bang ahim na neih u chun gen un,” a tiu a.

JOHAN 11:25

Chun, Isu’n a kawmah, “Kei hi thawh kitna leh hinna chuh ka hii. Kuole, ei gingcha chuh, thi mahlele hing ina;

LUKE 18:18

Chun Judate lawiupa kuo ahim khatin Isu kawmah, “Sinsakpa pha, kumkhuo a hinna ka chan na dingin banga ka hih ding?” ti’n a dâwng a.

LUKE 7:2

Chun, sepaih zalawiupa khat hi a suok deihtak a dam puoh a, a thi vang vang a.

MATTHAI 28:17

Chun, amah a muh phet u chun, a chibai u a; kimkhat chun chuh a ginglah u a.

MATTHAI 17:14

Chun, mipite kawm a hung tun kit phet in, mi khat a kawmah a hung a, a ângah khupdin in,

MATTHAI 15:25

Himahlele, numei chuh a hung a, “Lalpa, ei panpih tang uo,” ti’n a chibai a.

MATTHAI 14:33

Tichun, kuong a umte chun, “Pathien Chapa na hi takzet na hi,” tin amah a chibai u a.

MATTHAI 20:20

Zie lai chun Zebedai zi chuh a chapate hun pui in Isu kawmah a hung u a, a masang ah a khupdin a, thil banga him a ngên a.

MATTHAI 8:25

Sinsakte chuh a kawmah a chieh u a, a phawng u a, “Lalpa, ei hukbit ah, mangthai ding ka hiu hi uo,” a tiu a.

MATTHAI 9:17

Kuoma’n uain thak savun uain pêng luia le a khum ngei puou hi; khutilochun savun pêng haw chu puokcheh in, uain chu kibuo zo in tin, savun pêng haw chu sie’na. Zieziekchun uain thak chuh savun uain pêng thak haw achun a thun zaw sek ui, tichun, phatak in a um gêl gêl sek ui,” a ti a.

MATTHAI 9:19

Tichun, Isu chuh a kipan a a zui ta a, a sinsakte’n le a zui u a.

NASEPTE 28:8

Publias pa chuh, khawsik leh santên in a na kuol zing a. Paul chuh a kawmah a va lut a, a paucham saka, a chungah a khut a nga a, a sudam ta a.