MATTHAI 8:9 - PATHIEN LEKHABU THIENGTHO (BSI)

⁹ Keile mi thunuoi a um ka hi a, ka nuoi ah sepaihte a um u a. Khat kawma chuh, ‘Chieh in,’ ka tih leh a chieh sek a; a dang kawma chuh, ‘Hung ah’ ka tih leh a hung sek hi; chuleh, ka suok kawma chuh, ‘Ziehi hih in’ ka tih leh a hih sek ngâla,” ti’n a dâwng a.

MATTHAI 8:9 ပူးပေါင်းရင်းမြစ်များ

TITA 2:9

Suokte chuh a puteu nuoia kitulut in, nielkalh lo in thil bangakai ah sukipak chiet uh henla; khutthem neilo in um u hen.

KOLOSSA 3:22

Suokte haw, taksa a na lawiupateu thu’n bangakai ah nung un la, mihiem sukipakte mai banga mit na sem lo in, Lalpa na zah ziek u a lungthim diktak pu’n hih zawu in.

LUKE 7:8

Keile ka chunga miliente nuoia um ka hi a, ka nuoi ah sepaihte ka nei a. Khat kawma chuh, ‘Chieh in,’ ka tih leh a chieh sek a, a dang kawmah, ‘Hung in,’ ka tih leh a hung sek hi, ka suok kawma le, ‘Zie hih in,’ ka tih leh a hih sek hi,” a ti a.

LUKE 4:39

Tichun, a chieh a, a kieng achun a dinga, khawsik chuh a gai a, tichun a hung pha ta a. Tichun, a hung tho dawk a, amau haw chuh a zenviel ta a.

SAM LEHKHABU THE PSALMS 148:8

Mei leh giel haw, vuk kie leh meipi haw, A thu zui sek huihpite haw:

SAM LEHKHABU THE PSALMS 119:91

Ziehaw chuh tuni hin na vaihawmte bangin a um zing u a; Thil chengcheng chu lah na sawntawlawi te ahi chiet u a.

MATTHAI 8:8

Sepaih za lawiupa chun, “Lalpa, ka in sung na lutna tak ahi puoi, thu mai gen leh chinle ka suokpa chuh dam zieng ina.

MATTHAI 8:10

Chun, Isu’n zie thu haw chuh a zak in mak a sa a, amah zui haw kawm achun, “Tihtakzet a ka hun hilh na hiu hi, Israel te lak ale hitibang taka taksanna nasa hi ka mu kha puoi.

MARK 1:27

Mipi chengcheng chun mak a sa mah mah tau a, “Ziehi bangti thil a? Ziehi bang kihilhna thak ahi? Thithabuok nasan le thunei takin thu a pie a, a thu a nun zel u hih,” ti’n a kidawng tuoh u a.

LUKE 9:1

Chun, Isu’n sinsak sawm le nih te chuh a sam khawm a, thitha chengcheng chunga thilhih-theihna leh thuneihna leh, natnate hihdam theihna a pie a.