MATTHAI 8:4 - PATHIEN LEKHABU THIENGTHO (BSI)

⁴ Tichun, Isu’n a kawmah, “Kuomah hilh lo dingin chingthei ah; amahvang chuh chieh in la, thiempu kawmah va ki-etsak in la; Mosi’n thilpiek ding a tih haw kha va pie’n, mipite’n a hetchetna dingun,” a ti a.

MATTHAI 8:4 ပူးပေါင်းရင်းမြစ်များ

LUKE 17:14

Chun, Isu’n amau haw chuh a muh phetin, a kawm u ah, “Thiempute kawmah va ki-etsak tau u,” a ti a. Chun, tihi ahi a, a chieh lai u chun, a hung thieng vek tau a.

LUKE 5:14

Isu’n a kawmah, “Kuomah hilh ki’n, amahvang chuh, chieh inla, mi chengin na dam tai tih a hetna dingun thiempu va ki-etsak inla, Mosi thupiek guolin kithawihna va lân in,” ti’n thu a pie a.

MARK 7:36

Chun, Isu’n mipite chuh kuomah hilh lo dingin thu a pie a; himahleh, a hah khap phawt leh, a hah phuon zaw diek tau a.

MATTHAI 9:30

Isu’n a kawm u ah, “Chingthei unla, kuomah hetsak kiu in,” ti’n a khap chakkêi a.

MARK 6:11

Khutichun, kuole a hun na lawp lo ahim, na thuu ngaitha lo ahim chuh, zie apat chuh na pawt tieng u leh, amau haw hetsak masakna dingin, na kengtawu a leivui chuh tat thau in,” a ti a.

MARK 5:43

Himahlele, Isu’n kuomah hetsak lo dingin a khâm chak a; amahnu chuh bang ahim khat nek ding pie dingin thu a pie a.

MATTHAI 17:9

Chun, tâng apat chuh a hung suk lai un, Isu’n a kawm u ah, “Mihiem chapa hi mithi lak apat a thawhkit masang sieh na thil muh u kha kuomah hilh kiu,” tin thu a pie a.

MATTHAI 10:18

Kei ziekin gam vaihawmte leh lengte masanga thutan sak ding leh amau haw kawm leh Jentel te kawma Chanchin pha gen dingin hun pui un au.

MATTHAI 6:1

“Na thilpha hihteu mihiemte muh a hih lo dingin chingthei un; khutilochun na Pau van a um kawm apat kipahman nei puo’n lau.

MATTHAI 5:17

“Dan thu ahim, thiemgaute thu ahim sumangthai dinga hung ka hih gingcha kiu; sumangthai dinga hung ka hi puoh a, subukim dinga hung ka hi zawi.

ISAI 42:21

Lalpa chuh mi hukdam kal ngaklah Pathien a hi a, zieziekchun, a dante leh a thu sinsakte a chawisâng sek hi; a mite le ziehaw limbawl ding chun a deih hi.

JOHAN 8:50

Keimah kilimbawlna ding hawl ka hi puoh a, a hawl leh a ngaihtuoh chuh mi khat a um hi.

JOHAN 7:18

Kuole, amah phuok kawm thugen chuh, amah lopina ding kihawl ahiu hi. Himahlele, a sawl pa lopina ding hawlte vang chuh mi diktak ahi a; amah achun diklohna him a um puoi.

JOHAN 5:41

“Mihiem pahchakna hawl kei puoi.

LUKE 21:13

Chun, zie chuh nang haw dingin, tiemtehna hi’n a.

MARK 8:30

Chun, amah chun a kawm u ah, “Ka chanchin kuomah hilh kiu in,” ti’n a kham chak kêi a.

MATTHAI 16:20

Zie zawh chun Isu chun a sinsakte chuh Krista ahi tih kuomah hetsak lo dingin a kham chakkêi a.

MATTHAI 3:15

Himahleh Isu’n a kawmah, “Tu’n lemsa hâm ah, zie tawbang diktatna chengcheng hih muolsuoh hi ei u dingin thil kilawm ahi ngâl a,” ti’n a dâwng a. Khutichun lem a sa ta a.

MARK 13:9

“Himahleh, chingthei u; vaihawmte hun matsak un tin, chun, kikhawpna In ah zêp hi’n na tin uh; kei ziekin vaihawmte leh lalte ma ah Chanchin pha hetsakna dingin puih hi ding na hi ngâl u a.

THIEMPUDANTE 13:49

Eng hing ahim, san thim ahim a um chun, phâk natna hik zak ahi a, thiempu kawma etsak tei ding ahi.

MARK 3:12

Isu chun, thitha buok vawpte chuh a chanchin phuon loh ding ti’n a kham chak zel a.

MARK 9:9

Tichun, tâng apat a a hung suk lai un, Mihiem Chapa mithi lak apat a thawhkit masieh a thil muh u chuh kuomah hilh loh ding a ti chak kêi a.

LUKE 4:41

Chuleh, thithate’n le, “Pathien Chapa na hii,” ti a kiko in mi tamtak sung apat in a hung pawt tau a. Isu’n thitha haw chuh a gai a, Krista ahi tih a het ziekun a pau dinguh a za nuom puoi.

LUKE 8:56

Chun, a nu leh a pa chun mak a sa mah mah tau a, himahlele, Isu’n a thilhih chuh kuomah hilh lo ding a ti chak kêi a.

LUKE 9:21

Chun, Isu’n zie thu chuh kuomah kawma gen loh ding a ti chak kêi a.