MATTHAI 8:11 - PATHIEN LEKHABU THIENGTHO (BSI)

¹¹ Ka hun hilh na hiu hi, suohlam leh tumlam apat in mi tamtak hung untin, van gama guolvakna achun Abraham te, Isak te leh Jakob te chu tawh chu khawm un au.

MATTHAI 8:11 ပူးပေါင်းရင်းမြစ်များ

EPHESI 3:6

Zie thuguk chuh ziehi ahi: Chanchin Pha ziekin, Krista achun Jentel te chuh go luohpihte ahiu a; sapum ka pihte leh, thutiem chanpihte ahi tau hi.

MALAKI 1:11

Ni suohna apat ni tumna tiengin Jentel te lak achun ka min chuh a lopi ngâla. Mun tin a a umnau chengah gimlimte ka kawma hâl in, kithawihna pawmtâkte a lân u a!

LUKE 12:37

A pu a hung phata, suok amah a na ngak zinga a muh te chuh mi hampha hi’n a; tihtakzet a ka hilh na hiu hi, amah chun a puon cheng det intin, amah chuh ankuong ah chut sak intin, a nau sep sak ina.

KOLOSSA 3:11

Zie tak achun Grik mi leh Juda mi, zektan leh tan loh, nam chuom te, Skuthia mite, suok leh suok lo tih a um ta puoi; Krista chuh bang cheng hi zaw’n, bangakaia le a um hi.

NASEPTE 11:18

Chun, zie thu haw chuh a zak phât un, thamuong takin a um tau a, “Khuti a hih le chuh, Pathien in Jentel te le hinna dinga lunghei a phalsak ahi ta chu,” ti’n Pathien a pakcha tau a.

NASEPTE 10:45

Chun, zektan haw laka gingchate, Peter hun zuite chun, Thagau Thiengtho piek chuh, Jentel te chung ale sunthak ahih ziekin mak a sa ten u a.

MATTHAI 24:31

Pêngkun gi nasatak tawh, chun, a van sawlchakte chuh lei ning li achun sawldawk in tin, tichun, a mi telte chuh kâwlmawng apat kâwlmawng tâwp tiengin lakhawm un au.

ISAI 59:19

Tichun, tumlam a chêngte chun Lalpa min chuh lau tau intin, suohlam a chengte chun a lopina chuh lau un un au. Amah chuh huih hattak leh tuipi hattak guolin hung ding ahi ngâla.

THUPHUON 7:6

Aser nam apat mi, singkhat leh sang nih, Naphtali nam apat mi, singkhat leh sang nih, Manasseh nam apat mi, singkhat leh sang nih,

2 THESSALONIKA 1:5

Ziehaw chuh, Pathien gama um hawia guot na hiu ui tih. Pathien vaihawmna dik kiphawtchienna ahi a, zie gam zieka chuh thuok na hi him ui.

1 KORINTH 15:20

Himahlele, Krista chuh, mithi lak apat kaihthawh in a um hi tih hi thudik ahi a; mithite thawh mapuipa a hung hi tai.

1 KORINTH 6:9

Ahih leh, mi diktatlo te chun Pathien gam luoh puo’n au tih helo na hiu hi? Nangmau kithem kiu inla, kideihchak nuomte ahim, milim hote ahim, zawlsaite ahim, mi hûkte ahim, tawkuohûk te ahim;

NASEPTE 14:27

Tichun, Antiokei khuo a tun nung u chun, Sapchuom mipite chuh a sam khawm u a, Pathien in amau haw manga thil a hih cheng chengte leh, Jentel te dinga taksanna kawt a hawn sak ziehaw chuh a gen u a.

NASEPTE 14:22

“Dahum tamtak thuokin, Pathien gam ah I lut ding him uh ahi,” ti’n, sinsakte haw lungthim a sudet u a, taksanna a chuh um zing dingin a tîl zel u a.

LUKE 16:22

Chun, tihi ahi a, mi chagahpa chuh a hung thi ta a, vânsâwlchâkte’n a pui u a, Abraham angsung ah a kawih tau a. Mi neizo chule a thi ta a; vuih in a um ta a.

MATTHAI 3:2

“Lunghei un, vangam chuh a nai tai,” tin.

DANIEL 2:44

Chun, zie lengte nihaw achun lalgam hun tungdawk in tin, zie chuh sie ngei ta puo’n tin, a lalna le midang a ding a nutsieh hi puo’n a. Zie lalgam chengcheng hi hihgawp in, hih mang zaw’n tin, kumkhuo’n ding zing ina.

JEREMIA 16:19

“Aw Lalpa ka hatna leh ka kulhpi, lungkham ni a ka kihumbitna; kâwlmawng apat in namte hung u’ntin, kei uh ei suonte chun lepchieh thil panna bei; phatchuomna neilo tihloh chuh bangmah goluoh a nei puou hi,” hung ti’n au.

ISAI 52:10

Lalpa’n namte mitmuh in a khut thiengtho chuh a hun zak dawk ta a, tichun kâwlmawng tawpa cheng te’n le a hukdamna chuh mu ta’n au.

ISAI 49:6

Lalpa’n ka kawmah, “Jakob namte tundin na ding leh Israel chate laka bitna a um kitna dinga suok a ka hun siem hi thil neucha ahi; Jentel te salhvak dingin le hun guot ing ka ting; khutia chuh ka hukdamna hih kâwlmawng tieng ale atun theih na dingin” a ti a.

ISAI 11:10

Chun, zie ni chuleh hiti hi hung hi’n tin, Jessai zung, mitin tiemtehna dinga ding chuh, amah ngêi chuh namtin in dawp tau intin; a chawlhna mun chuh lopi ina.

SAM LEHKHABU THE PSALMS 98:3

Israel inkuon te chunga a zaidawhna leh a muon um na a hezing zieng a: Kâwlmawng a micheng inle, ka Pathien uh hukdamna chuh a mu tau a.

SAM LEHKHABU THE PSALMS 22:27

Kâwlmawng a mi chengcheng in le hezing untin, Lalpa lam ah kihei tan au: Nam tina chitin na masangah khun in hun ho un au.

THILSIEMBUL 49:10

Leng mawlh chuh Juda apat chun mang puo’n tin, Vaihawmna mawlh chule a kengkal apat in mang diek puo’n a; Shiloh hung masangsieh chun; chun, namtin in amah thu awi un au.

THILSIEMBUL 28:14

Chun, na suonte chuh leia pîlnel zah hiu intin, suohlam leh tumlam leh simlam leh mâllam haw ahin hung kithehzak un tin: nang leh na suonte achun khawvel a namtin vangsak in um un au.

THILSIEMBUL 22:18

Ka thu na awih tâk ziekin na suonte achun khawvel a namtin vangsak in um in au tih kei ngêi kipautiem in ka gen tai, Lalpa’n a tii” a vak ti a.

THILSIEMBUL 12:3

Nang hun vangsakte chuh vangsak ing ka ting, hansie hun lawh ta chuh hansie lawh ing ka: chun, nang achun lei a nam cheng hi vangsak in um in au,” a ti a.

ISAI 49:12

Entie, ka mite chuh gamla tak apat in hung untin; mâllam leh thanglam apatte leh, simlam a Sinim gam apatte’n hung ding ahiu ui,” ti’n.

MATTHAI 8:10

Chun, Isu’n zie thu haw chuh a zak in mak a sa a, amah zui haw kawm achun, “Tihtakzet a ka hun hilh na hiu hi, Israel te lak ale hitibang taka taksanna nasa hi ka mu kha puoi.

MATTHAI 21:41

Amau haw chun a kawmah, “Zie mi gilote chuh dahum takin sumang intin, grep huon chuh, huonngak dangte, a gah lawh phat chenga a gah haw chuh amah kawma pie thei dingte khut ah thawh lawh dingin pie’n a,” a tiu a.