MATTHAI 7:7 - PATHIEN LEKHABU THIENGTHO (BSI)

⁷ “Ngên un, tichun piek in um unlau; hawl un, tichun mu’n lau; kiu un, tichun hawn sak in um unlau;

MATTHAI 7:7 ပူးပေါင်းရင်းမြစ်များ

MATTHAI 21:22

Chuleh, bangakai, gingcha kawma na nget tâk phawt u chuh mu’n lau,” ti’n a dâwng a.

1 JOHAN 3:22

Khutichun, a thupiekte I zawp ziekuh leh, amah kipahlam tak I hih sek ziekun, I nget takphawt uh chuh a kawm apat I mu sek ui.

JOHAN 15:7

Nanguh keimah a na um zing u a, ka thu le nangmau a a um zing chun, na deih chenguh ngên un, nang u dingin hihin um ina.

MARK 11:24

Zieziek hin ka hun hilh na hiu hi: Bang ahim khat ngên a na paucham tieng u leh, na nget u chuh a mu sa’n kingai un; tichun, na nget tâk u chuh piek in um un lau.

JEREMIA 33:3

“Ei sam in la, hun dâwng ing ka, thil lopi leh thil kisel na hêtkhâk loh chuh hun hetsak ing ka.

MATTHAI 6:33

A gam leh a diktatna hawl masa zawu un; tichun, ziehaw chengcheng chuh piek behlap a um ding na hiu hi.

MATTHAI 7:8

kuole a ngên ta chuh piek in um untin, a hawl ta chun mun au, a kiu ta chule hawn sak in um un au.

JOHAN 15:16

Nangun nei tel puou a, ken ka hun tel zawk na hiu ui; chieh a, sawttak a um zing dinga tamtak a va gah dingin ka hun guot na hi ngâl u a. Khutichun, ka min a Pa kawma na nget tak uh hun pie zel ina.

HEBRAI 11:6

Himahlele, taksanna lo in Pathien lungtuok mi hih guol ei puoi; Pathien kawma hung ta chun, amah chuh a um hi tih leh, taima taka amah hawlte kawma kipahman pie nuom mi ahii tih, ginchak ding ahi.

THUCHINGTE 8:17

Ei lungsiet taphawt chuh ka lungsiet a, gunchuh taka ei hawl taphawt chun ei mudawk ngêi in au.

SAM LEHKHABU THE PSALMS 10:17

Lalpa, kingainiem te ngetna na ngaitha a: A lungthim uh kisak sak in na tin, A bil un le zak sak in na tin,

JOHAN 4:10

Isu’n a dâwng a, a kawmah, “Pathien thilpiek leh dâwn ding nei pie’n ti a na kawma ngên pa hi he leh chin, nangin a kawma ngên zaw ding na hi a, tichun, ama’n hin tui hun pie zaw ding hi a,” a ti a.

MATTHAI 18:19

“Tihtakzet a ka hilh na hiu hi, lei chunga hin na laku a mi nih a thil ngetna thuu a a kithuguol u chun. ka Pa van a um in amau dingin hih sak ina.

AMOS 5:4

Lalpa chun Israel insung mite kawma chun hiti hin a ti ngâl a, “Ei hawl unla, hing unlau:

JAKOB 5:15

Tichun, taksanna zieka pauchamna chun damlo chuh hihdam intin, Lalpa’n amah chuh dam sak kit intin; chun, gitlohna a na hihte chuh, ngaihdam sak hi’n a.

SAM LEHKHABU THE PSALMS 27:8

“Ka mel hawl un,” ti a na gen lai khan; ka lunggil chun na kieng ah, “Lalpa na mel hawl ing ka,” ka ti a.

LUKE 18:1

Chun, Isu’n a sinsakte chuh, lungthuoi lo in a paucham zing dinguh ahi tih hilhna dingin a kawm u ah tehkal thu a gen a:

MATTHAI 7:11

Khutichun, nang haw migilote’n bawn na chateu thilpha piek na dân na het u chun, na Pau van a um chun a ngente chuh thilpha pie zaw khawp lo ding maw?

SAM LEHKHABU THE PSALMS 50:15

Chun, lungkham ni leh ei sam inla; Hun humbit ing ka, khutichun nangin nei limbawl ding hi chin a,” a ti a.

SOLOMON LA 3:2

Tho ing ka ting, khawpi kawtthêl haw achun vakviel ing ka ting, hawl zel ing ka, ka tha’n a hehpih chuh: ka hawl viela, mahleh ka mu zo puoi; ka sama, mahleh ei dâwng puoi.

ROME 2:7

Thilpha bawl hâmhâm a, lopina leh limbawlna leh, manthai theih lohna hawlte kawm achun Pathien in kumsawt hinna pie’n tin,

SAM LEHKHABU THE PSALMS 119:12

Aw Lalpa, pahchak in um in; Na thuguot haw chuh ei sinsak inla.

SAM LEHKHABU THE PSALMS 86:5

Aw Lalpa nang chuh na pha a, na ngaidam seka, A hun sam tapoh chungah zahngaihna na hau ngâla:

SAM LEHKHABU THE PSALMS 70:4

A hun hawl haw chengcheng chu nangmah a chun kipâk tak leh lawp takin um u hen la; Na hukdamna ngainate chun, “Pathien chuh limbawl in um hen,” ti zing u hen.

SAM LEHKHABU THE PSALMS 69:32

Tawhdena umte chun zie chu muu henla, kipâk u hen: Nanguh Pathien hawlte haw, na lunggil u chu sukthak in um hen.

1 LENGTE 3:5

Chun, Gibeon khuo achun Lalpa chu zan in Solomon kawmah a mang in a hung kilak a; Pathien chun, “Banga ka hun piek ding, ngên in?” a ti a.

SAM LEHKHABU THE PSALMS 10:4

Migilosalo chun “Kisaktheih melpu’n Pathien a hawl puoh a,” a ti sek, A ngaihtuoh na chengcheng chuh, Pathien a um puoi, tih ngen cha ahi.

ROME 3:11

Kuomah hethiem himhim a um puou. Kuomah Pathien hawl himhim a um puou hi.

LUKE 13:25

In neipa chuh hung tho intin, kawt chuh khâk intin: tichun, nang haw’n pawlama dingin kawtkhak na kiuh u a, ‘Lalpa. Lalpa, kawt ei hawn sak ah,’ na tih tieng u leh, ama’n hun dâwng intin, ‘Khawi lam mi na hih uh ka hun he kha puoi!’ ti’na.

SAM LEHKHABU THE PSALMS 34:4

Lalpa chuh ka hawla, chun, amah chun ei dâwng a, Ka lauh na cheng apat chun ei humbit ta a.

SAM LEHKHABU THE PSALMS 37:4

Lalpa chung achun le kipâk zelin; Tichun na lunggil deihlam haw chuh hun pien a.

ISAI 30:19

Zieziekchun, nang haw Jerusalem a cheng, Zion mipite chuh kap kit ta puo’n lau. Lalpa chuh mi lungsiet thei tak ahi a, panpihna ngên a na kiko tieng u leh hun dâwng ina.

THILSIEMBUL 26:32

Chun, zie ni mah mah chun Isak suokte chuh a hung u a, a tuisutdawk laih chanchin uh a hung gen u a, a kawmah, “Tui ka mu tau hi,” a tiu a.