MATTHAI 7:13 - PATHIEN LEKHABU THIENGTHO (BSI)

¹³ “Kawt chîp a chun lut un, manthaina a chiehna kawt chuh a zan a lampi le a za ngâl a; zie lama lut chuh tam le a tam ui.

MATTHAI 7:13 ပူးပေါင်းရင်းမြစ်များ

THUCHINGTE 16:25

Mihing a dinga lampi dik hileh kilawm tak a um a, himahleh a tawpna chuh thihna ahi.

JOHAN 14:6

Isu’n a kawmah, “Keimah hi lampi leh Thutak leh Hinna ka hii; keimah a chieh lo chuh, kuomah Pa kawm a tung ngei puou.

JOHAN 10:9

Kei kawtkhak chuh ka hi. Kuole, keimah a lut ta chuh, humbit in um intin, lut in pawt intin, nek ding le kimuh ina.

ISAI 55:7

Migilo chun a umdan chuh haihsan hen la, mi diktatlo inle a ngaihtuohna chuh haihsan henla; Lalpa I Pathien kawm uh ah vaikit hen, tichun, amah chun lungsiet intin; a na ngaidam mah mah ding ahi ngâla.

THUCHINGTE 9:6

Nang haw mingawl te haw, mingawngte lampi chuh taihsan unla, hing un. Hetthiemna lampi chuh zui zawu in” ti’n.

GALATI 5:24

Chun, Krista Isu a umte chun, phehlevo chuh, a gitloh ngaihtuohna leh a utchakna pum in a khêndên tau hi.

MATTHAI 3:2

“Lunghei un, vangam chuh a nai tai,” tin.

MATTHAI 3:8

Na gitlohnateu na haihsan ui tih het theihna ding thilte chuh hih un.

2 KORINTH 6:17

Zieziekchun, “A lak uh apat hung pawt unla. A chuom in um un. Thil buok himhim le tham kiu.” Lalpa’n a tii. khutichun, “Nanguh hun lawp ing ka ting,

MATTHAI 23:13

“Himahlele, nang haw, Danthuzikte leh Pharisai gukhahte haw, na chunguh a gik hi! van gam chuh mi dingin na khâk u a,

THUPHUON 20:15

Kuo min hitaleh, Hinna Lehkhabu a kizik a muh loh phawt u chuh, meidil achun a paih lut tau hi.

PHILIPPI 3:19

Ziehaw tawpna chuh gawtmun a hi a, a pathien u chuh a gilpiu ahi. A lopina hawu chule a zahhuoinau a hi a, zie khawvel thilte mai hi a lunggulh sek ngâl ui.

2 KORINTH 4:4

Zie khawvel pathien hin a lungthim teu a sukdûk ziekin, a gingcha puou hi. Krista lopina, Pathien batpih ngêi, Chanchin Pha eng chun amau haw a salh theih lohna dingin a siem sek hi.

NASEPTE 3:19

Khutichun, na gitloh hawu ngaihdam a hih theihna dingin, lunghei unla, hung kihei kit un, khutichun, Lalpa kawm apat halh phat hungtung thei ina.

THUPHUON 20:3

Tichun, kum sangkhat sunga dingin thampikuo-âwng achun a paih lut a, a khâk khum a; kum sangkhat chuh a hung kivel kit masang sieh, namtin a thep kit lohna dingin a châlmat khum ta a. Zie nung chuleh, chawmkhat sung a dingin thahdawk takdih ding a hii.

1 JOHAN 5:19

Khawvel pumpi hi zie Migilo vaihawmna nuoi a chuh um hi himahleh, Pathien a I hiu hi tih I he ngâl uh a.

MATTHAI 25:46

Tichun ziehaw chuh kumkhuo gawtna ah chieh un tin, mi diktatte vang chuh kumkhuo hinna ah chieh un au,” a ti a.

MATTHAI 25:41

“Zie zawh chu leh, a veilam a mite kawm achun, ‘Hansie dawlte haw, kumkhuo mei, Diabol leh a sawlchakte dinga a guot sak uh achun nei chieh mangsan un.

THILSIEMBUL 6:12

Chun, Pathien in lei hi a en a, ngaitie a sie zo tai tih a mu a, leichung a hinna nei chengcheng umdan chuh a thanhuoi tâk ziekin.

THUPHUON 13:8

Tichun, lei chunga um chengcheng, lei kisiem tunga thahsa Belamno Hinna Lehkhabu a min zik loh taphawtte chun, Pathien ho tawbang in ho un au.

ROME 9:22

Khuotuohna bel, lopi dinga a na guonggalh khawlte chung achun;

LUKE 14:33

Khutibang mah chun, nang u lak ah, kuole, a neih chengcheng taihsan lo taphawt chuh, ka nungzui hi thei puo’n a.

ISAI 1:9

Sepaihte Lalpa chun sukmangthai mâwk tawmcha a na nutsieh sak lo hile chuh, Sodom guolin ana um tai ting un, Gomorra tawbang khah hita ding I hiu hi.

THUPHUON 12:9

Chun, Dragon lien tak, gulpi têk, Diabol leh Setan a tih uh, khawvel pumpi thempa chuh a paih tha tau a. Tichun, amah leh a sawlchakte chuh leia paihthâk khawm in a um tau hi.

THILSIEMBUL 6:5

Chun, Lalpa chun, lei ahin mihiem nunsiet dân chuh huoisie tak ahi tih leh, a lunggil u a gitlohna ngaihtuoh zing zing ahiu hi tih a mu a.

LUKE 9:33

Chun, ziete chun Isu a taihsan ding kuon u chun, Peter in Isu kawmah, “Sinsakpa, kei u dingin taka I um u hi a phai; bâwkcha thum khawh ka tingun, nanga dingin khat, Mosi dingin khat, Elija dingin khat.” a ti a. A thugen chuh bang a hih le a he taktak puoi.

THUCHINGTE 7:27

Amahnu In chuh Sheol zawtna lampi a hi a, thihna phuol a lut ahi.

ISAI 35:8

Zie chun lam tuongpi kithun intin, zie chuh, “THIENTHONA LAMPI,” ti’n au. Mi gilote chuh zie chun chieh puou un tin, himahleh, Pathien mite a ding hi zaw’n a; khuolzin te leh mi ngawlte nasan le zie chun gammâng puo’n au.

MATTHAI 7:14

Hinna a chiehna kawt chuh a chîp a, a lampi le a tiek a, a mute le tawmcha ahiu hi.