MATTHAI 7:11 - PATHIEN LEKHABU THIENGTHO (BSI)

¹¹ Khutichun, nang haw migilote’n bawn na chateu thilpha piek na dân na het u chun, na Pau van a um chun a ngente chuh thilpha pie zaw khawp lo ding maw?

MATTHAI 7:11 ပူးပေါင်းရင်းမြစ်များ

JAKOB 1:17

Thilpiek pha leh bukim chengcheng chuh, chunglam apat ahi. Pa vaka hung tha suk ahi a, amah achun lamdanna leh kiheina lim himhim a um thei puoi.

ROME 8:32

Amah chapa ngêi le sit lo a I bawn u a sika piepa chun. thil chengcheng le a thawn in ei pie tello ding ahi a ahim?

SAM LEHKHABU THE PSALMS 84:11

Lalpa Pathien chuh nisa leh phaw ahi ngâla: Amah chun deihsakna leh zahna pien tin: Diktaka umte kawm a chun thilpha mawng mawng it hiel puo’n a.

JOHAN 3:16

Pathien in khawvel a hehpih mah mah ziekin, a Chapa changkhat neih sun a pie a, kuole, amah gingcha taphawt chuh mangthai puou un tin; himahleh, kumkhuo hinna nei zawn au.

ISAI 49:15

Lalpa chun a dâwng a, “Numei in a cha nawichep lai chuh hengilh in, a sûla pieng a chapa chuh lainat lo in a hengilh thei dem? Amau chun vang hengilh thei maithei ahiu; himahleh, ken vang hun hengilh puo’ng ka.

SAM LEHKHABU THE PSALMS 86:15

Himahlele, Aw Lalpa, nang chuh lainatna a dim Pathien, mi lungsiet thei, Lungnieng, chitna leh thutak a dim na hi.

1 JOHAN 4:10

Ziehi ahi hehpihna chuh; eimau in Pathien I hehpih ui ti ka hi puoh a, ama’n ei uh ei hehpih a, I gitloh uh lutchamna hi dingin, a Chapa a hun sawl hi ti ka hi zaw ie.

SAM LEHKHABU THE PSALMS 86:5

Aw Lalpa nang chuh na pha a, na ngaidam seka, A hun sam tapoh chungah zahngaihna na hau ngâla:

THILSIEMBUL 8:21

Chun, Lalpa’n zie gimlim chuh a he a; Lalpa chun a lunggil in, “Lei hi mihiem ziekin hansie lawh kit ta puo’ng ka, mihiem lunggil ngaihtuohna haw chuh a naupan lai apat in a gilo ngâl a; tu a ka gawt bang hin thilhing tincheng le gawt kit ta puo’ng ka,

1 JOHAN 3:1

Ngaitiem u, Pa’n ei hehpihna a nasa na e! “Pathien chate,” ti a, ei minvawh tak uh hi; khutibang chuh I hi him ui. Zieziek hin khawvel in ei uh ei het loh uh ahi, amah chuh a het loh ziekun.

THILSIEMBUL 6:5

Chun, Lalpa chun, lei ahin mihiem nunsiet dân chuh huoisie tak ahi tih leh, a lunggil u a gitlohna ngaihtuoh zing zing ahiu hi tih a mu a.

MIKA 7:18

Aw Lalpa, nang tawbang Pathien, a goluoh ding a mite, a suokcha sunte gitlohna ngaidam leh a sukkhelhnau subei dang a um puoi. A lungnat na chu kumlekhuo’n a vawp zing puoh a, zahngaihna chuh a kipahpih lam tak ahih ziekin.

MALAKI 1:6

Chapa chun pa a zah sek a, suok chun a pu: “Kei hi Pa ka hih chun nei limbawlnau chuh khawitak a um ahi? Kei hi hotu ka hih chun, nei zahnau chuh khawitak a um ahi? Bangkim hihthei Lalpa’n a tii. Aw ka min musit thiempute haw, ‘Banga khan ahim ka hun muhsit uh?’ na tiu a.

SAM LEHKHABU THE PSALMS 85:12

Ahi, Lalpa chun thilpha pien tin; Ka gam u ahin a punna chuh hun suoh ina.

ROME 3:19

Khutichun, Dan in thil bang hitaleh a gen ta chuh, kam tin cheng a thip theihna ding leh khawvel pumpi Pathien masanga thiemloh a chan theihna dingin Dan thu thu a umte kawma a gen ahi tih I heu hi.

GALATI 3:22

Himahlele, Pathien Lehkhathu’n, khawvel pumpi chuh, gitloh thilhih theihna thu nuoi ah a um vek tau a; khutichun Isu Krista taksanna zieka thutiem chuh, a gingcha chengte kawma pieka um ahi, a ti ngâl a.

ROME 3:9

Ahih leh, amau haw sangin I pha chuom diek u a ahim? Naisai lo e; Judate leh Grikte chule gitloh suok a um ahiu ui tih ka sulang zaw ahi.

JEREMIA 33:14

Ngaitie, a ni a hung tung hi, Lalpa’n a tii; “Israel inkuonte chung châng leh Juda inkuonte chungchâng a thilpha bawl dinga ka tiem sa chuh tunsak ing ka.

2 SAMUEL 7:19

Aw Lalpa Pathien, ziehaw chu nang mitmuh chun thil neucha vang ahi na’n; himahlele na suok inkuon hung umdan ding chu kum tamtak sunga dingin na na gen ta a; Aw Lalpa Pathien, ziehaw hile mihingte hihdan ngeina mah ahi a.

HOSEA 14:2

Lalpa kawm lam achun vaikit unla, ziehi pauchamna na lat ding dân u chuh hi hen: “Ka gitlohnateu cheng ei ngaidam inla, ka hihphat taphawt u chuh pawm in; tichun, ka mûk hawu gahte chuh bâwngchal sik in hun pie’ng kau.

JEREMIA 17:9

“Lunggil hi thil chengcheng sanga thep hatpen, sie tâwp khawk a hi a; kuo a hethiem thei ding?

JOB LEHKHABU THE BOOK OF JOB 15:16

Mi kihdak-um leh buoksa, manlohna tui banga dâwn chuh kihdak a um zawsem na ding e.

ISAI 63:7

Lalpa zahngaihna nasep chuh geldawk ing ka ting; Lalpa zaidawhna thute leh pahchakna thute gen ing ka ting; A lungsietna bang zel leh, a zaidawhna nasat zie bang zela Israel inkuon chunga a phatna nasatak a vuk thu khale gen ing ka.

MATTHAI 7:10

Ahihloh leh, nga hun ngên taleh kuo a gûl pie ding?

MATTHAI 23:9

Chun, lei chunga hin kuomah, ‘Hepa’ ti kiu in, na Pau chuh khat chauh ahii van a um khuh.