MATTHAI 6:9 - PATHIEN LEKHABU THIENGTHO (BSI)

⁹ Khutichun, nang haw chuh hitibang hin paucham un: ‘Ka pau van a um, Na min zah in um henla,

MATTHAI 6:9 ပူးပေါင်းရင်းမြစ်များ

THUPHUON 4:11

“Nang, ka Lalpau leh ka Pathien uh, Lopina te, limbawlna te, thilhih theihna te, mu tâk na hi ie; Nangin thil bangkim na siem a, Na deih zieka um leh siem A hi ngâl u a,” a tiu a.

ROME 8:15

Lau a um kit dingin suok hihna thagau mu na hi puou a, cha hihna thagau mu na hi zaw ngâl u a; zie thagau zal chun “Abba, Hepa” ti’n I kiko sek uh ahi.

EZEKIEL 36:23

Ka min lopi tak, namte laka gensieta um, amau haw lak ngeia na gensiet u chuh hih thiengtho ding ka hi; khutichun, a mitmuh u a nangmau a hih thientho a ka um tieng chuleh Lalpa chuh ka hi tih he’n au, Lalpa Pathien chun a tii.

MALAKI 1:11

Ni suohna apat ni tumna tiengin Jentel te lak achun ka min chuh a lopi ngâla. Mun tin a a umnau chengah gimlimte ka kawma hâl in, kithawihna pawmtâkte a lân u a!

SAM LEHKHABU THE PSALMS 111:9

Amân a mite kieng ah tatna a hun sawl a; A thuthun chuh kumlekhuo a ding in a guot a. A min chuh a thiengtho in a zahum hi.

ISAI 64:8

Tuhin vang chuh aw Lalpa, nang chuh ka pau na hi a, kei u hi bellei ka hiu a; nang chuh keihaw ei dengpa na hi. Zieziekchun, ka bawn u hin na khutsuok ka hiu hi.

ISAI 57:15

“Chungnung pên Pathien lopi, chawihsân a um, kumlekhuo a hing zing Amin Thiengtho kiti chun hiti hin a gen hi: ‘Mun sang leh Mun Thiengtho achun ka chênga, kingainiemte leh lunggil kisik vulvul te hihhalh ding leh lungthim thasie te chuh suhalh dingin.’

GALATI 4:6

Chun, cha na hih tâk ziekun Pathien in a chapa Thagau chuh, “Abba, He pa!” ti a kiko in, I lunggil u ah a hun sawl ta a.

ISAI 6:3

Sepaihte Lalpa chuh “A Thiengtho ie, A Thiengtho ie, A Thiengtho ie! Lei chung pumpi hi a lopina’n a dim hi,” ti’n a kidâwng tuoh, a kidâwng tuoh u a.

THUPHUON 5:12

chun, aw ngeih tak in, “Belamno thahsa pa hih Thilhih theihna te, neihzawhna te, chitna te, Hatna te leh limbawlna te, lopina te, vangpiekna te mu tâk a hi ie,” a tiu a.

SAM LEHKHABU THE PSALMS 115:3

I Pathien u chuh van ah a um ngâl a: A ut taphawt a hih a.

NEHEMIA 9:5

Khutichun, Levi chi Jeshua leh Kadmiel te, Bani leh Hashabania te, Sherebia leh Hodija, Shebania leh Pethaia te chun: “Ding unla, Lalpa na Pathien u chuh kumsawt apat kumsawt chan in pakchau unla. Chun, limbawl na leh pahchak na chengcheng chungah na min lopi pahchak in um hen,” a tiu a.

MATTHAI 7:11

Khutichun, nang haw migilote’n bawn na chateu thilpha piek na dân na het u chun, na Pau van a um chun a ngente chuh thilpha pie zaw khawp lo ding maw?

ISAI 63:16

Abraham in kei uh ei na helo in, Israel in kei uh ei na limsak kimahleh, Aw Lalpa nang chuh ka pau na hi a, na min chuh malai apat a kei uh ei Tandawkpa na hi.

SAM LEHKHABU THE PSALMS 72:18

Lalpa Pathien, Israel Pathien chuh pahchak in um hen. Thilmak haw hih chu Amah maicha hi ahi.

MATTHAI 26:29

Himahlele, ka hilh na hiu hi, ka Pa gama nangmau haw tawh a thak ka dâwn ni a tun kit masangsieh, tu apat hin grep guia gah hi dâwn kit ta puo’ng ka,” a ti a.

MATTHAI 23:9

Chun, lei chunga hin kuomah, ‘Hepa’ ti kiu in, na Pau chuh khat chauh ahii van a um khuh.

MATTHAI 5:16

Zie tawbang chun na vak u chuh mi mitmuh in vak hen; khutichun, na nasep phat teu chuh muu untin, na Pau van a um chuh pakcha thei un au.

2 KHANGTHUBU 20:6

ngeih tak in a paucham a, “Aw Lalpa, ei suonteu Pathien, van a pata, khawvel a nam chengcheng te chunga vaihawm na hi a. Thilhihthei tak leh hattak na hi a, kuoma’n a hun do zo puou hi.

LUKE 15:18

Tho ing ka ting, ka pa kawmah chieh ing ka ting, a kawmah, ‘Hepa, van a mi chung leh, nangmah mitmuh in thil ka hihkhiel ie!

ZEKARIA 14:9

Khutichun, Lalpa chuh lei chung pumpi a Lal hung hi ta’n tin; zie ni chuleh mitin in Pathien khat ho un tin, tichun, Min khat chauh a het in um ta’n a.

1 LENGTE 8:43

Nangin na umna van apat in na ngaitha’n la, nam dang mi chun a hun nget bang u chu a na hihsak in; na mi Israel te bangmah a khawvel a namtin in na min a het u a, a hun kihchak u a, zie In ka sak hin na min pu ahi tih a hun het theihna dingun.

HABAKKUK 2:14

Himahleh, tuipi a tui a dim bangin, Lalpa lopi zie hetna chun leichung hi luoh dim vek ding ahi.

EZEKIEL 38:23

Chun, ka lopi zie leh ka thientho zie sulang ing ka ting, chun, nam tamtak te mitmuh ah kisulang ing ka, chun, kei hi Lalpa chuh ka hi tih he ta’n au.

1 KHANGTHUBU 17:24

Na min chu nasa takin kithang hen la, mipite, chun, ‘Lalpa Bangakai hihthei chu Israel te chunga Pathien ahi,’ kumkhuo’n tiu hen. Hun hungtung zel dinga le, ka vaihawmna chu humbit in.

2 SAMUEL 7:26

Chun, ‘Sepaihte haw Lalpa chu Israel te Pathien ahi a,’ ti’n na min chu kumlekhuo a limbawl in um hen; tichun na suok David inkawte chu na masangah hihdet in um in au.

1 PETER 1:17

Chun, zah chuom nei lo a, mitin, a nasep bang chiet uh a ngaihtuoh sek pa chuh Pa na sak uh chun, zie leisiet a na châm sung chenguh hin le, zah zing zieng un.

1 TIMOTHE 6:16

Amah chauh chuh thi thei lo, kuoma’n naih theih loh hiel vak achun a cheng a. Kuoma’n a mah chuh a mu kha puoh a; muh le a mu thei lo ahiu hi. Amah kawm achun kumsawt a limbawlna leh thilhih theihna chuh um hen! Amen.

LUKE 15:21

Chun, a chapa chun a kawmah, ‘Hepa, van mitmuh leh, nangmah mitmuh in thil ka hihkhiel ie! Na chapa a vawh hawi le ka hi ta puoi,’ a ti a.

LUKE 2:14

“Chungnung pên ah Pathien lopi takin um hen la, Lei chunga a kipahna mah mah mihiemte kawmah cham thu leng hen!” a tiu a.

ISAI 66:1

Lalpa chun, “Van ka chutphah ahi a, lei ka keng ngakna ahi: In bang tawbang a nei sak sak dinguh? Ka chawlhna mun ding chuh khawitak ahi?

MATTHAI 6:14

“Mi a sukkhelhnau na ngaihdam u chun, na Pau van a um inle hun ngaidam ina.

MATTHAI 6:6

Himahlele, nang haw chuh na paucham tieng u leh, na indan sunggil u ah lut un la, na kawtkhak inla, na pau a gûka um pa kawm achun paucham un, tichun, na pau a gûka hun mu sek pa chun hun din ina.

MATTHAI 5:48

Khutichun, na Pau van a um a phat bukim guolin na phat bukim dinguh ahi.

THIEMPUDANTE 10:3

Ziephet chun, Mosi’n Aron kawmah, “Ziehi Lalpa’n ana gen kha ahi, ‘Kuole, ei naih taphawt te kawm achun thiengtho in kilang ing ka ting, tichun, mipite masang achun limbawl a um ding ka hi,’” a ti a. Himahleh, Aron chuh thipkêi in a um a.

GALATI 1:1

Paul, sawlchak, mihiemte sawl dawk hilo in, mihiem zâla le hilo; Isu Krista leh mithi lak apat a kaithopa, Pathien zâla hi zawpa leh;

JOHAN 20:17

Isu’n a kawmah, “Ei tu kih, tu tieng hin le ka Pa kawma kal to nailo ka hi. Himahlele, ka suohpihte kawmah va chieh inla, a kawm u ah, ‘Ka Pa, na Pau, ka Pathien leh na Pathien uh kawma kal to ding ka hi,’ a tii, va tih,” a ti a.

MATTHAI 26:42

Tichun, Isu chuh a nihvei na ah a chieh kit a, a paucham kit a, “Aw hepa, ka dâwn loh a zie khawn hi kichawn mang theilo a hih chun, nang thu thu hi heh,” a ti a.

ISAI 37:20

Tuhin, aw Lalpa Pathien, Asuria te khut apat hin ei hukdawk tei in, khutia chuh, khawvel a nam chengcheng in, nangmah mai hi Pathien na hi tih a het theihna dingun,” a ti a.

ROME 1:7

Pathien deihtak, mi thiengtho hidinga sap Rome khuo a um cheng chengte kawmah: Pathien I Pau leh Lal Isu Krista apat chun hehpihna leh lungmuonna na kawm u ah um hen.

MATTHAI 10:29

Vasie nih paisa khatin a kikhawng sek hilo ahim? Himahlele a lak u a khatchale na Pau thu lo in tuol ah ta puo’n a.