MATTHAI 6:4 - PATHIEN LEKHABU THIENGTHO (BSI)

⁴ Na thilpiek u chuh a gûka hih a hihtheihna dingin, khutichun, na Pau, a gûka hun mu sek pa chun hun din ina.

MATTHAI 6:4 ပူးပေါင်းရင်းမြစ်များ

MATTHAI 6:18

Khutichun, mihiemte maa an ngawl a lang lo a, na Pau a gûka hun mu pa mit muh chauh a chuh na lat theihna dingun; tichun, na Pau a gûka hun mu sek pa chun hun din ina.

MATTHAI 6:6

Himahlele, nang haw chuh na paucham tieng u leh, na indan sunggil u ah lut un la, na kawtkhak inla, na pau a gûka um pa kawm achun paucham un, tichun, na pau a gûka hun mu sek pa chun hun din ina.

JEREMIA 17:10

Kei Lalpa hi, mitin a umdan dungzui leh, a nasep gah hawu bang zela pie dinga lunggil mudawkpa leh lungthim patep sek pa chuh ka hi.”

LUKE 14:14

Ziete haw chun ditna ding ahun neih loh ziekun, vangsak in um inla. Mi phate, thihna apat a a thawh kit niu chu leh Pathien in hun din kit ding ahi ngâl a,” a ti a.

SAM LEHKHABU THE PSALMS 44:21

Pathien in zie chuh mudawk lo ding maw? Amah chun lunggil a thuguk haw hi a hezing ngâla.

JEREMIA 23:24

Ka muh theih loh dinga mun thip a kisel thei a um dinga ahim? tih hi Lalpa kamsuok ahi. Lei leh van ahin ka dim hilo ahim? tih hi Lalpa kamsuok ahi.

LUKE 8:17

Phuon loh dinga îm bangmah a um puoh a, het loh ding leh lang lo dinga selguk le bangmah a um diek puoi.

1 SAMUEL 2:30

Zieziekchun, Lalpa Israel te Pathien chun, “Ken na inkawte leh na pa inkawte chu kumkhuo’n ka masang ah um inlau ka na ti ngut a,” a ti a; himahlele, tuhin Lalpa chun, “Um hiel puo’n lau; ei limbawlte chu limbawl ing ka ting ei musitte chu ka ngaihnepte hiding ahi ngâl u a.

JUDA 1:24

Tichun, na kipalpuk lohna dinguh a hun veng thei leh, amah lopina ângsung a nin beklo hiela, kipâk taka nanguh hun tun theipa,

HEBRAI 4:13

Thil kisiem, amah mitmuh a kilanglo bangmah a um puoi; I chanchin uh I tutna ding pau mitmuh achun, bangakai hi, ngawnchang leh kihawngsa a um ahi ngâl a.

MATTHAI 10:42

Chun, kuole zie mi neucha haw laka khat kawma hin ka sinsak ahih zieka tui dap khawn khat mai na pie le, tihtakzet a ka hilh na hiu hi, a kipahman u chu chan hiel puo’n au,” a ti a.

SAM LEHKHABU THE PSALMS 139:12

Thim nasan inle nang apat chuh bangmah a lieh puoh a, Mahleh zan hi sun tawbang in a vak zawi: Nang ding chun thim le vak hi kibang ahi.

THUPHUON 2:23

A nungzuite cheng chule that ing ka ting, tichun, kei hi mi tin ngaihtuohna he pa leh, en pa ka hi tih, sapchuom haw lawi chengcheng chun he ta’n au. Na lak uh a mitin, a thilhih dungzui chiet un dinthuk ing ka.

1 KORINTH 4:5

Zieziekchun, a hun tun masang in kuomah zedap kiu in. Vaihawmna tawpna chuh Lalpa hung tienga ngak ding ahi a; amah chun thima thil selgûk haw chuh vak ah hun la dawk intin, lunggil a tup haw chule hun sulang ina. Zie tieng chu leh, mitin in, Pathien apat a pahchakna a lawh ding bang chiet u chuh mu ta’n au.

SAM LEHKHABU THE PSALMS 17:3

Ka lunggil hi enchien inla, zan in nei hung vehtha leh chun le; Nei enchien a bangmah na mu puoh ngâla; Ka kam in gen khiel puo’n a ka ti chak kêi hi.

THUCHINGTE 25:22

Tichun, a luchang a mei-âm suon sak hin na tin; khutichun Lalpa’n kipahman hun pie ding ahi.

MATTHAI 6:3

Nangun vang thilpiek mi na piek tieng u leh, na khut changlam un a hih chuh na khut veilam in he kiheh