MATTHAI 6:1 - PATHIEN LEKHABU THIENGTHO (BSI)

¹ “Na thilpha hihteu mihiemte muh a hih lo dingin chingthei un; khutilochun na Pau van a um kawm apat kipahman nei puo’n lau.

MATTHAI 6:1 ပူးပေါင်းရင်းမြစ်များ

MATTHAI 23:5

A thilhih chengcheng u chuh mihiemte muh dinga a hih sek uh ahi. A thilbuhteu leh kawpteu chuh a pêk a hih lien sek u a, a puonmawng uh a hih bawk lien u a,

JOHAN 12:43

Pathien kipahpih a um sangin mihingte pahchak a um a ut zaw ngâl u a.

HEBRAI 6:10

Na nasep u leh, a min zieka hehpihna na latsak sek uh, mithiengthote na zenvielnau, tu tieng a le na hih zing uh chuh hengilh dingin Pathien chuh mi diktatlo a hi puoh ngâl a.

LUKE 16:15

Ziephet chun, Isu’n a kawm u ah, “Mipi dangte mit muh a thiem kichan mai mai na hiu hi, himahleh, Pathien in na lungthim uh a he ngâl a. Mihingte’n a ngaihlul mah mah uh thilte chuh, Pathien mitmuh in bangmahlo ahi.

GALATI 6:12

Phehlevo pawlam kisukhawihna hawl ta chun, zektan dingin a hun sawl hâm hâm sek uh ahi. Zie chuh bangmah dang ziek ahi puoh a; Krista kross zieka sukgimtheihna a thuok lawh lohna ding ziek chauh uh ahi.

JOHAN 5:44

Nang haw, kilimbawl tuoh lawpte haw! Pathien tak a pawt, limbawlna chuh na hawl ngâl puou a; bangti’n nei gingcha thei ding u?

EZEKIEL 33:31

Chun, ahawn in na kawmah hung intin un, ka mite bang mai in na ma ah chu’n tin un, na thu chuh ngaitha’n tin un, ahihziekin hih taktak diek puo’n au: a kam un hehpihna nasatak nei guolin kilang intin un, ahihziekin, a lunggil un amau lawkna ding chauh delh zaw chiet in au.

2 JOHAN 1:8

I sep dawksa chenguh khah, mansak lo a, kipahman chuh a bukima I muh theih zawkna dingun, kivêng phau in.

MARK 8:15

Isu’n a kawm u ah, “Pharisaite chawl leh Herod chawl apat kivêng un la, chingthei un,” ti’n thu a pie a.

MATTHAI 6:16

“An na ngawlh tiengu lele mi, migukhahte guolin nguoi mel pu kiu; amau haw chun mite muh a anngawl a hih uh a kilat theihna ding in a mel uh a hih zatchuom sek ui. Tihtakzet a ka hilh na hiu hi, a kipahman u chuh a mu zo tau hi.

MATTHAI 16:6

Isu’n a kawm u ah, “Pharisaite leh Sadukaite chawl laka chun kivêng unla, chingthei un,” a ti a.

LUKE 12:15

Chun, a bawn u a kawm achun, “Chingthei unla, awhchâkna himhim laka chun kivengphau un; sum hauh hi mihiemte hin lawh pên ahi puoh ngâl a,” a ti a.

MATTHAI 5:48

Khutichun, na Pau van a um a phat bukim guolin na phat bukim dinguh ahi.

MATTHAI 5:16

Zie tawbang chun na vak u chuh mi mitmuh in vak hen; khutichun, na nasep phat teu chuh muu untin, na Pau van a um chuh pakcha thei un au.

LUKE 11:35

Khutichun, na sunga vak chuh thim a na hi khâi mawh, chingthei ah.

SAM LEHKHABU THE PSALMS 112:9

Huongphal takin a hawmzak u a, chagahte kawmah a pieu a, A diktatnau chuh kumlekhuo’n a um hi: A lopinau chuh zah taka dawpsa’n in a um hi.

LUKE 12:1

Khutia mipi sang tamtak, kinawk lullul khawp hiela a hung kikhawp phat u chun, Isu’n a masapen in a sinsakte kawmah, “Pharisaite chawl lak apat chun kivêng phau in.

MATTHAI 25:40

Zie tieng chuleh Lalpen chun a kawm u ah, ‘Tihtakzet a ka hilh na hiu hi, Zie ka suohpih neupen te laka khat chunga na hih u chuh, kei chunga hih na hiu hi,’ ti’n hun dâwng ina.

MATTHAI 5:46

Nanguh hun hehpihte mai na hehpih u hin bang kipahman a na muh ding uh? Siehdawlte nasan in zie bang chuh a hih sek uh hilo ahim?

ZEKARIA 7:5

Gama mipite leh thiempute kawma chun, zie kum sawmsagih sunga tha ngana leh tha sagihna chenga anngawl a, sûnna a neih sek u kha, Kei ei limbawlna’n a bawl puou a.

MATTHAI 23:13

“Himahlele, nang haw, Danthuzikte leh Pharisai gukhahte haw, na chunguh a gik hi! van gam chuh mi dingin na khâk u a,

MATTHAI 6:9

Khutichun, nang haw chuh hitibang hin paucham un: ‘Ka pau van a um, Na min zah in um henla,

DAN NIHNA 24:13

A puon chuh kisilh a, a ihmut a, na chungu a a kipah theihna dingin ni tum tieng leh na piek kit sek dinguh ahi, khutichun, Lalpa na Pathien u masanga na kipahna ding hi’n a.

HEBRAI 2:1

Zieziekchun, nakhanga I zak hawu kha phachuomngai taka I khawksak zawksem dinguh ahi, khutilochun kithawlh mang khâi tiu.

DANIEL 4:27

Zieziekchun, aw lengpa, ka thu hun hilh hi zawp inla, ngai inla, na gitlohnate haihsan inla, mi gimtheite chungah lungsietna latsak inla, tichun hinkhuo kiphathei takin um zing inla,” ti’n a dâwng a.

HEBRAI 11:26

Aigupta gam go haw sang chun Krista a gensietnau chuh lopi zaw a seh in, kipahman piek ding chuh a thil zing hi.

MATTHAI 16:27

Mihiem Chapa hi a vânsâwlchâkte tawh, a pa lopina a kivan a hung ding ahi ngâl a. Zie tieng chuleh vang, mitin a thilhih bang zel un din chiet ina.

2 LENGTE 10:31

Himahlele, Jehu chun Lalpa Israel Pathien dân chu a lunggil cheng chengin a zawp puoh a; Jeroboam, Israel te haw thil hihgilo dinga puipa gitlohna kha a haihsan diek puoi.

2 LENGTE 10:16

Chun, amah chun, “Ka kawmah hung inla, Lalpa a dinga ka phachuomngaih zie hi hung mu mawng tie!” a ti a. Khutichun, a kangtalai chung achun a chu khawm u a, Samari khuo ah a chieh tau a.

ZEKARIA 13:4

Zie ni a hungtun tieng chuleh hiti hi hi’n tin, thiemgau chun kilâkna a muh te ahim, thiemgau guola na a septe chuh zahchâkpih ta’n tin, mi thepna dingin puonâk chuol mul te le âk ta puo’n au!

NASEPTE 3:12

Chun, Peter in mipite chuh a muh phetin, a kawm u ah, “Nang haw Israel mite haw, ziehaw hi bangati a mak sa? Keimauhaw thilhih theihna leh, Pathien ka ngaihsak ziek u a, zie pa hi ka chieh sak uh hi’n na ngai u ahim?