MATTHAI 5:4 - PATHIEN LEKHABU THIENGTHO (BSI)

⁴ “Pûlthuokte chuh a hamphau hi; lungmuon a hung um ding ahi ngâl u a.

MATTHAI 5:4 ပူးပေါင်းရင်းမြစ်များ

THUPHUON 21:4

A mit uh apat mittui chengcheng thiek hul intin; Thihna um kit ta puon tin, Kahlemau leh natna le um kit diek ta puo’n a; Thil masate chuh a mangthai ta ngâl a,” a tih le ka za a.

ISAI 57:18

“A lampi teu chuh ka mu a, amau haw chuh sudam ing ka ting; pui ing ka ting, thamuonna piekit ing ka ting, a lusûnteu kamsuok chuh thamuonna suoh sak ing ka.

LUKE 6:21

“Nang haw, tu a gilkielte haw, na hamphau ui; Hung tai ding na hi ngâl un! “Nang haw, tu a kapte haw, na hamphau ui, hung nui ding na hi ngâl un.

JAKOB 1:12

Thepna thuok hâm hâmte chuh a kipâk ui, patepa a um nung leh, hinna lallukhuk, Lalpa’n amah hehpihte kawma a tiem chuh mu ding ahi.

ISAI 25:8

Tichun, thihna chuh a valh den ta a, Lalpa Pathien chun mi cheng cheng chuh a mitthiu thiekhul sak ta’n tin; mite zahchâkna chuh leichung pumpi apat in lâkmang sak ta’n a. Lalpa ngêi chun a gen ta ngâl a.

ISAI 66:10

Jerusalem hehpih chengcheng te haw, Jerusalem chuh kipahpih unla! nang haw zie khawpi lungsiet chengcheng te chuh lawp unla! Tuhin, a chunga lungkham cheng chengte chuh kipâk un.

EZEKIEL 9:4

Chun, Lalpa chun ka kawmah, “Khawpi chuh tawh viel inla, Jerusalem chuh tawh suok in; a sunga thil tenum kihih haw zieka lungkham a kap sek haw chuh a chalpâng u ah tiemteh in,” a ti a.

ISAI 35:10

Tichun, Lalpa tatsate chuh vaikit un tin, lasa kawm in Zion chuh tung un tin; a lu chung u achun kumsawt kipahna um in tin, lawpna leh kipahna chang tau in tin, lungkham leh dahna cheng bei ta’n a.

ISAI 30:19

Zieziekchun, nang haw Jerusalem a cheng, Zion mipite chuh kap kit ta puo’n lau. Lalpa chuh mi lungsiet thei tak ahi a, panpihna ngên a na kiko tieng u leh hun dâwng ina.

LUKE 16:25

Himahlele, Abraham chun, ‘Ka chapa, nangin na dam lai khan thilpha na chang a, khutibang mah in Lazarus thil phalo a chan kha hezingin! Tu’n chuh, amah taka hin lungmuong takin a um a, nang vang a gim na hi ta kha!

EZEKIEL 7:16

Ahihziekin, a suokcha a taidawk a um chun, luiphai vakhu guolin tâng chung haw achun muhdawk in um in tin, amau chiet gitlohna ziekin thum leh mau in um in au.

LUKE 6:25

“Nanguh, tu a vah te haw, na chunguh a gik hi, hung gilkiel ding na hi ngâl u a. Nanguh tu a nui te haw na chung uh a gik hi; lungkham a hung kap ding na hi ngâl u a.

ISAI 12:1

Zie ni chuleh, mipite chun la sau un tin, “Aw Lalpa ka chungu ah a na lungna ta mahleh chin, a kawmah kipahthu gen ing kau, tuhin na lungnat chuh a hai ta a, nangin nei thamuon ahi ta hi.

LUKE 7:50

Himahlele, Isu’n numei kawm achun, “Na taksanna hin a hun hukdam ahi, lungmuong takin chieh ta’n.” a ti. a.

LUKE 7:38

A sika a kêngpêk bul achun kap kawmin a ding a, a kêngpêk chuh a mitthi tui in a hih chek a. Tichun, a kengpekte chuh a sam in a thiekhul sak a, a châwp a, thau gimlim chuh a sunkhum ta a.

ZEKARIA 12:10

Chun, David inkawte chung leh Jerusalem a chêngte chung achun lungsietna leh ngetna thagau sungtha’ng ka ting, chun, a sut pau hi hun en un tin, tichun, mi’n a chapa neihsun a sun bangin sun un tin; mi’n cha lutîl chunga a thuok bangin thuok un au.

ISAI 66:2

Zie thil haw cheng hi keimah khut ngeia ka siem ahi a! tichun, keia ahi tau hi, Lalpa’n a tii. Himahleh, mi gimthei, thagau a kisik tuntun leh ka thu a kithing sek te lam chuh en zawng ka.