MATTHAI 5:24 - PATHIEN LEKHABU THIENGTHO (BSI)

²⁴ zie maichâm maa chun na thilpiek chuh nusieh in la, chieh in la, na suohpih kichampih masa’n la, zie tieng chuleh chieh in la, na thilpiek chuh pieh.

MATTHAI 5:24 ပူးပေါင်းရင်းမြစ်များ

JAKOB 5:16

Khutichun, sukdam a na um theihna dingun, na gitlohnau thupha kichawi tuoh unla, kipauchamsak tuoh sek un. Mi diktat pauchamna chun thil nasatak a hih sek hi.

JOB LEHKHABU THE BOOK OF JOB 42:8

Khutichun, tuhin bâwngchal sagih leh belamchal sagih keng in ka suok Job kawm achun chieh unla, nang u a dingin hâlmang kithawihna va siem unla. Khutichun ka suok Job chun hun paucham sak intin, zie chuh a na pawm ing ka ting, na ngawl dân tak u chun hun thuk puo’ng ka. Ka suok Job guolin ka chungchâng thu dik takin na gen puoh ngâl u a,” a ti a.

THUCHINGTE 25:9

Na thubuoi u chuh na invengpa tawh genkhawm unla, midang thuguk vang chuh gendawk kiu in.

1 TIMOTHE 2:8

Khutichun, pasal haw’n, sapchuom nasepna achun, khut thiengtho tungin, lungna lo leh kiniel lo in paucham leu ka deih ahi.

MATTHAI 23:23

“Na chunguh a gik hi! Nang haw, Danthuzik leh Pharisai gukhahte haw! Pudina leh pathikhawm, chuleh zira cheng hi sawma-khat na tuok sek u a, himahleh, dân thu khawk zaw diktatna, lungsietna, ginumna haw chuh na ngaitam ngâl sek un; ziehaw chuh a puo na hih dinguh chuh, a dangte chuh haihsan diek lo in.

1 KORINTH 11:28

Khutichun, mi amah kiphawchien masa hen la, chun, chângthâk chuh ne’n, khawn chuh dâwn hen.

MARK 9:50

Chi hi a pha ie, himahleh, chi hi tam ta leh, bang na ti suk-al kit ta dingu? Nangmau ngei ah chi nei unla, khat leh khat kicham un,” a ti a.

MATTHAI 5:23

Zieziekchun maichâm bula na thilpiek ding na hun chawih a, zie muna chuh na suohpih in na chunga lungkim lohna a nei hi tih na het chun;