MATTHAI 5:17 - PATHIEN LEKHABU THIENGTHO (BSI)

¹⁷ “Dan thu ahim, thiemgaute thu ahim sumangthai dinga hung ka hih gingcha kiu; sumangthai dinga hung ka hi puoh a, subukim dinga hung ka hi zawi.

MATTHAI 5:17 ပူးပေါင်းရင်းမြစ်များ

ROME 10:4

Krista chuh a gingchate cheng dingin, diktatna a muh theihna dingun, Dan suhaipa ahi ngâl a.

LUKE 16:17

Himahlele, dân thu a sut vawm neucha beihmang sangin le, van leh leisiet beihmang a baihlam zawi.

ROME 8:4

phehlevo dân hawh lo a, thagau dân hawh zawte eimau ahin, Dan in a ngek thilte chuh muolsuoha a um theihna dingin Pathien in zie chuh ahih tai.

ROME 3:31

A hih leh, taksanna ziekin Dan chuh bangmahlo in I siem dinguh ahi leh? Naisai lo e; Dan chuh I sukdet zawk uh ahi.

ISAI 42:21

Lalpa chuh mi hukdam kal ngaklah Pathien a hi a, zieziekchun, a dante leh a thu sinsakte a chawisâng sek hi; a mite le ziehaw limbawl ding chun a deih hi.

MATTHAI 7:12

“Khutichun, thil bangakai mi’n na chung u a hih dinga na deih ding u chuh mi chunga le hih un; zie chuh Mosi dân thu leh thiemgaute thu ahi ngâl a.

MATTHAI 3:15

Himahleh Isu’n a kawmah, “Tu’n lemsa hâm ah, zie tawbang diktatna chengcheng hih muolsuoh hi ei u dingin thil kilawm ahi ngâl a,” ti’n a dâwng a. Khutichun lem a sa ta a.

NASEPTE 18:13

“Zie pa poh hin, Danlo guola Pathien ho dingin mi a thêm pai sek hi,” a tiu a.

NASEPTE 6:13

Chun, hetpih lêm le a kisiem u a, ziete chun, “Zie pa hin zie In Thiengtho leh, Dan hi a gensie zing sek a;

JOHAN 8:5

Dan lehkhabu ah Mosi’n, zie tawbang mi hi suong a sehlup thu ei pie a; nangin bangti’n na ngai a?” ti’n a dawng u a.

NASEPTE 21:28

“Israel mite haw, ei hung panpih un,” ti’n a kiko u a. “Zie pa hi, gamtina vakviel a, Israel mite, Mosi Dante, leh zie Pathien Ho-In hi gensie, mi chengcheng sinsak sek khah ahi. Zielo chun, Pathien Ho-In ahin Grik mite le a lutpih a, zie in thiengtho hi a subuok ahi tai,” a tiu a.