MATTHAI 5:16 - PATHIEN LEKHABU THIENGTHO (BSI)

¹⁶ Zie tawbang chun na vak u chuh mi mitmuh in vak hen; khutichun, na nasep phat teu chuh muu untin, na Pau van a um chuh pakcha thei un au.

MATTHAI 5:16 ပူးပေါင်းရင်းမြစ်များ

1 PETER 2:12

Jentel te, laka na tawihzieu chuh kilawm tak hi hen, khutichun, thil gilo hihte guola a hun gensiet sek nau achun, na thilhih phat uh a muh hawu ziekin, veh a a um tieng u leh Pathien sulopi thei un au.

TITA 2:7

Langkhat a pang te laka mi’n I chunguh a thu phalo himhim gen ding a neih loh ziekuh a a zahchâk theihna dingun,

JOHAN 15:8

Zie vanga hi ka Pa le limbawla um ahi, tamtak a na gah u hin; khutichun, ka sinsakte hin lau.

EPHESI 5:8

Ma khan khawthim na hiu a, tuhin vang chuh Lalpa achun khawvak na hung hi tau hi. Khutichun, khawvak chate banga na um dinguh ahi;

1 PETER 3:16

Zie chuh nunnem tak leh zah tak kawmin hih un. Na sielepha hetnau chuh thieng takin vawp zing un, tichun, Krista nungzuite na hihna ziekuh a, na umdan phateu a hun gensietnau a chuh, a hun gensiete chuh sukmuolpho a a um theihna dingun.

1 PETER 4:14

Krista min zieka hosiet na hih uh chun, na hamphau hi, zie chuh lopina Thagau, Pathien Thagau ngêi chuh na chungu ah a um hi tihna a hi ngâl a.

1 PETER 2:9

Himahlele, khawthim apat a pawt a, a vak maktak a lut dinga hun sampa phatna chuh na etsak theihna dingun, nanguh vang nam ten, leng thiempute, nam thiengtho, Pathien mite ngêi; na hung hi tau hi.

ISAI 58:8

“Zie tieng chuleh, na vak chuh zing nino suok bangin hung vak dawk intin, chun, na sukdam na chuh kin takin hung kilang intin. Nang hun hukdam dingin hun umpih zing ka ting, Lalpa lopina chun na masang ah hun veng zing ina.

TITA 3:14

Ka miteu chun le, thil tâksap tak tak haw âwng a huk theihna dingun, a hun teu chuh thilpha hihna a mat dân ding sin u hen la; hindan mantheihlo takin hing dah u hen.

1 TIMOTHE 6:18

Thilpha hih a, thilpha hih lama hausa ding leh, thil phal a, mi dangte kêp zaw dingin thu pie zaw’n.

2 KORINTH 9:13

Zie lungsietna zenvielna nasep na sepnau hin a hun phawtchien tâk ziekin; mi tamtakin, Krista chanchin Pha dinga ginum taka nasep sek uh, leh amau haw ngêi leh, mi dangte chunga na thilphalnau a chan ziek u chun, Pathien kawmah lopina pie ding ahi ngâl u a.

EPHESI 2:10

Thilpha hih dinga Krista Isu a siem a um in, amah khutsuok I hi ngâl u a; zie thilpha bawl chuh I umna dinguh a Pathien in a guonggalh khawl ahi.

HEBRAI 10:24

Chun, hehpih leh thilpha bawla kichawktho dingin kingaihtuoh pih chiet hitiu;

THUCHINGTE 4:18

Himahleh, mifel lampi chuh zing khawvak bang ahi a, sun chang lai tak bangin a vak hawih deuh deuh hi.

1 PETER 4:11

Mi kuo’nle, thu a gen chun, Pathien thu bangin gen hen, mi kuo’nle a zenviel chun, Pathien in utna a piek dungzui in zenviel hen; khutichun, Isu Krista vangin Pathien chuh thil bangakai ah limbawl in um thei ina; lopina leh vaihawmna chuh kumkhuotuong in amah a ahi ngâl a. Amen.

1 THESSALONIKA 2:12

hun lungmuon a, hun hettuoksak zinga, na chung chiet u a ka hih zieu kha na he ngâl u a.

1 PETER 3:1

Khutibang mah in nanguh zite haw, nang mau pasalte kawmah kitulut chiet un; khutichun, a lak uh a kuole, Pathien thu taksang lo um mahleu, gen thawh hilo in, ginggek a na tawihzieu pha en in,

NASEPTE 9:36

Chun, Joppa khuo a chun a min Tabitha kiti, sinsak khat a um a, (Tabitha umzie chuh Grik pau in Dorkas ahi a, zie chuh sazuknu tihna ahi); zie nu chun thilhih phat leh thilpiek dawk a hau ten a.

1 TIMOTHE 5:25

Khutibang mah chun, thilhih phat kilang thei diek a um a, khutibanga kilang lo haw chule selguk theih a hi diek puoi.

MATTHAI 5:45

ti a chuh na Pau van a um chate na hih theihna ding un. Amah chun mi gilote leh mi phate chunga le ni kibang in a suoh sak sek a; mi pha leh mi phalote chunga le guoh a zuk sak ngâl a.

TITA 2:14

Amah chuh sukkhelhna chengcheng lak apat ei hukdawk ding leh, amah a mai hi a, a mi thiengthote I hih theihna dingun leh, thilpha hih a phachuom ngai dingin I sik un a hung kipie ta a.

1 TIMOTHE 5:10

thilpha hih lama mi pahchak a um; numei, a chate phataka dâwn tei a, malzinte a In a na lawp thiem a, mi thiengthote keng a na sil sak a, mi lunggimte na khuotuoh a; amah mawng thilpha hihna lama kipumpiek mi hi ding ahi.

1 TIMOTHE 2:10

Numei Pathien khawksak kitite chuh, nasep phatin kizêm leu ka nuom hi.

GALATI 1:24

Khutichun, kei ziekin Pathien a limbawl tau hi.

ISAI 61:3

Zion a lusûnte chuh vut thasanga pakchavui, lungkhamna sanga kipahna sathaute, nguoina thagau hilo a pahchakna silhlechen te a kawm u a pie ding leh, amau haw chuh diktatna thing Lalpa phuh ngêi, a thil dik hih teu zieka Pathien chuh a lopi theihna dinga sawl ka hi.

TITA 3:4

Himahlele, Pathien, I Hukdampau nunnemna leh hehpihna chuh a hung kiphuon phet chun,

1 KORINTH 14:25

a ngaihtuohna thuguk cheng chuh suklatin um ta’n tin, tichun, khupbawk in Pathien chibai kawmin, “Na lak uh ahin Pathien a um tak zet hi!” ti’n phuong ina.

LUKE 11:2

Chun, Isu’n a kawm u ah, “Na paucham tieng u leh zie tawbang hin paucham un: ‘Ka pau, Na min zahum henla; Na gam hungtung henla.

MATTHAI 9:8

Chun, mipite chun zie chuh a muh un a lau tau a, mihiemte kawma khutibang thuneihna pie Pathien chuh a pakcha tau a.

MATTHAI 23:5

A thilhih chengcheng u chuh mihiemte muh dinga a hih sek uh ahi. A thilbuhteu leh kawpteu chuh a pêk a hih lien sek u a, a puonmawng uh a hih bawk lien u a,

MATTHAI 6:16

“An na ngawlh tiengu lele mi, migukhahte guolin nguoi mel pu kiu; amau haw chun mite muh a anngawl a hih uh a kilat theihna ding in a mel uh a hih zatchuom sek ui. Tihtakzet a ka hilh na hiu hi, a kipahman u chuh a mu zo tau hi.

MATTHAI 23:9

Chun, lei chunga hin kuomah, ‘Hepa’ ti kiu in, na Pau chuh khat chauh ahii van a um khuh.

MATTHAI 6:9

Khutichun, nang haw chuh hitibang hin paucham un: ‘Ka pau van a um, Na min zah in um henla,

PAWTDAWKNA 34:35

Tichun, Israel chate chun Mosi mai chuh a vak et tieng u leh Mosi mai vak chun a salh seka; chun, Mosi chuh Pathien hopih dinga a lut kit masieh chuh maikhuhna chun a mai a khuh kit sek hi.