Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MATTHAI 5:12 - PATHIEN LEKHABU THIENGTHO (BSI)

12 Kipak unla nasatak in lawp un, van ah na kipahman uh a um tam ngâl a; khutibangmah chun na mau a thiemgau umte khale a na bawl gimthei sek uh ahi kha.

အခန်းကိုကြည့်ပါ။ ကော်ပီ




MATTHAI 5:12
51 ပူးပေါင်းရင်းမြစ်များ  

Zie tawbang chuh a hungtun tieng leh kipâk unla, lâwpin kichawm un; van ah na kipahman uh a um tam ngâl a. Khutibangmah chun a suonteu inle thiemgaute chungah a na hih sek uh ahi kha.


Ka suohpihte haw, na chunguh a patepna tin cheng a hungtun tieng chu leh, nangmau mawng chuh vangpha’n kingai un,


Lalpa’n a mite dinga kipahman a kawih chuh hun pie ngêi ding a hi tih hezing un. A na nasep uh, na puu tak tak chuh Krista a hi zaw ngâl a.


Krista thawkna thuokpih te na hih ziekun, kipâk zawu un; khutichun, a lopina a hung kilak tieng leh, nanguh le lawp takin um thei unlau.


Tu a, nang u dinga ka thuokna ahin ka kipâk hi, Krista’n a sapum sika a dahum thuok bân chuh, ka sapum ahin ka thuok pih zel zawk ahi; a sapum chuh sapchuom haw hi a hi ngâl a.


Chuleh, khuti mai chuh hilo in, I gimtheihnau ale kipâkin um hitiu, gimtheihna chun thuokhatna a siem a;


Lalpa chun na phatna chuh hun din hen la, Lalpa Israel Pathien, kihumbitna dinga a thanuoi na hun belh pa chun na phat man nasa takin hun pie hen,” a ti a.


Khutichun, mipite chun, “Mi diktat a ding chun kipahman a um tak taka; Lei ahin Pathien in vai a hawm tak tak ahi nai,” ti’n au.


Mi diktat ding chun thil hung pha ding ahi a, a sep dawk gahteu chuh ne ding ahi ngâl u a.


Migilo chun thepna gah a lo sek a; hi mahleh, felna gah tuhte vang chun kipahman diktak mun au.


Himahleh Pathien mi sawlte chu a na musit u a, a thugen chu a ngaihsak puou a, Thiemgau te chu a nuihsan u a, suohchak na himhim umlo khawpa, Lalpa lungnatna a mite chunga a tun ma chun.


Mihiem Chapa hi a vânsâwlchâkte tawh, a pa lopina a kivan a hung ding ahi ngâl a. Zie tieng chuleh vang, mitin a thilhih bang zel un din chiet ina.


Himahlele, taksanna lo in Pathien lungtuok mi hih guol ei puoi; Pathien kawma hung ta chun, amah chuh a um hi tih leh, taima taka amah hawlte kawma kipahman pie nuom mi ahii tih, ginchak ding ahi.


Ziete chun Lalpa Isu leh thiemgaute that in, keihaw le ei sugimthei u a. Pathien a sukipak puou a, mi chengcheng le a kikalhpih sek ui.


Ka hinna thisan chuh, Pathien kawma na taksan kithawihnau thillat chunga chuh sunthak ding hita lele, kipâk ing ka; chun, na bawnchau in ka hun kipahpih na hiu hi.


Jezebel in Lalpa thiemgaute a thah lai a ka thilhih Lalpa thiemgaute laka mi zakhat, sawmnga zelin kawlpûk ah ka selgu a, chângthâk leh tui a ka vak ziehaw kha ka pu hun hilh lo ahiu em?


Chun, zie buoina neucha, mitphetlohkal a beimang ding ka thawk u hin, zie buoina sanga leh tamtak a nasa leh, kumsawt a lopina mun achun ei tun ding ahi ngâl a.


Sawlchakte chuh, vaihawmte kawm apat a a pawtdawk phet u chun, Isu min zieka zahchâkna thuok taka guota a um ziek u chun a kipâk mah mah u a.


“An na ngawlh tiengu lele mi, migukhahte guolin nguoi mel pu kiu; amau haw chun mite muh a anngawl a hih uh a kilat theihna ding in a mel uh a hih zatchuom sek ui. Tihtakzet a ka hilh na hiu hi, a kipahman u chuh a mu zo tau hi.


Himahlele, a phutpa leh tuia chawm pa chuh pumkhat ahiu hi; Pathien in a nasep guol zel un kipahman pie gêl gêl ding ahi ngâl a.


Khutichu hilo in, na melmateu hehpih unla, a phatna dinguh hih unla, bangmah muh kit kinepna hilo in palâk sak un. Khutichun, kipahman tampi nei un na tin, Chungnung pên pa chate hin lau. Amah chuh mi kipahna zie helote chung leh mi gilote chuh a hehpih sek ngâla.


Zie thil haw nung chun, Lalpa thu chuh Abram kawmah vaulam in a hung tung a, “Abram, lau kih, kei hi na phaw ka hi a, na kipahman chuh lopi tak hiding ahi” ti’n


“Himahlele, thu awilo in na chungah a kiphin u a; na dân a nungngat u a, nang lam a hun puihkit guo thiemgaute chuh a that u a, lungnat um takin thil a hih u a.


Himahlele, zânkhang in, Paul leh Silas chuh, Pathien kawmah a paucham u a, la a sau a, suongkul tângte’n a ngaithau a.


“Aw Jerusalem, Jerusalem, thiemgau haw that, na kawma thupuo a hun sawlte suong a sep lum! Akpi’n amah note a tha nuoia a awp khum guolin, na chate bang zat vei a awp khum ka guot tâk kha! Himahleh na ut ngâl puou a.


Na chateu ka zêp a la a phachuom puoh a; a phatpih diek puou hi. Sakeibaknei gawlham tak bang mai in na chemzâm teu in thiemgau te a that zo ta a.


Zielo chun le ziehaw chun na sawttawl hi hilhgaih in ka um sek a: Ziehaw zuih chuh kipahman nasatak muhna ahi sek hi.


Tichun, Asa chu thiemgau pa chunga chun a lungna a, suongkul ah a khum ta a, chun, Asa’n mi khenkhat a sugimthei na lai set a.


Khutia Jezebel in Lalpa thiemgaute a thah lai khan, Obadia chun thiemgau zakhat a pui a, kawlpûk ah sawmnga zel in a selgu a, chângthâk leh tui in a vak sek a.)


Chun, hiti hi ahi a, Jeremia chun mipite kawma gen ding a Lalpa’n thu a piek haw cheng chuh a gen zawhin, thiempute, thiemgaute leh mipi chengcheng te chun amah a man tau a, “Thi tei ding na hi.


Chun, Israel leng chun Jehoshaphat kawmah, “Lalpa ei uh a dinga ei dawt sak thei ding mi khat Imlah chapa Mikaiah vang a um kha uo. Himahleh, amah hi chu ka mudah chi tak ahi; ka chungchâng thu hi a sie lam chauh lo ngâl, a phalam himhim a gen ngei puoh ngâl a,” a ti a. Chun, Jehoshaphat chun, “Leng in khutibang chun gen kihen,” a ti a.


Chun, Ahab in Elijah kawmah, “Nei hung mudawk ta maw, ka melmapa?” a ti a. Elijah chun a dawng a, “Ka hun mu tai: Lalpa mit muh a thil phalo hih dinga na kizuok tâk ziekin.


Aigupta gam go haw sang chun Krista a gensietnau chuh lopi zaw a seh in, kipahman piek ding chuh a thil zing hi.


Ziephet chun, a milienpa khat, mi dang sawmnga tawh, Elija pui dingin a sawl ta a. Tichun, a kawmah a va chieh u a, tângsip a chu chuh a va muu a, “Nang Pathien mi, ‘leng in hung suk hen,’ a tii,” a tiu a.


Chun, Jezebel chun Elijah kawmah thupawtu a sawl a, “Zing leh tuhun mah mah ahih na mi thahte laka khat guola nang hinna le ka bawl loh chun, pathien te’n a nawp nawp ei lawh mai hen, zie sanga nasa zaw chun le,” a ti a.


Chun, Jeremia chun, “Lepchieh thu ahi chuh, Kaldai te kieng ah ka kipie puoi,” a tih leh, Irija chun a ngaihthak sak nuom puoh a, vaihawm te kawmah a pui zaw ta a.


Krista dinga nasep theihna ding hun lemchâng piek na hiu a, amah na ginchak mai uh hilo in. amah zieka na thuok uh le phal a hi ngâl a.


Suongkul tânga thuokte chuh na lainat uh a, thil phazaw, kumlekhuo a um den ding chuh nangmau ngêiin van ah na nei ui tih kihet in, na thil neih teu hun lâksakte le kipâk takin na thuok ngâl uh a.


Ziete haw chun Taksanna ziekin gam bang a lau a. diktat takin thil a hih uh a, thutiem haw chuh a chang u a, sakeibaknei kha haw le a sukchih sak uh a.


Suohpihte haw, Lalpa min a thugen, Thiemgaute chuh, thuokna leh thuokhat dân lam achun, etkal dingin mang un.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ