MATTHAI 5:10 - PATHIEN LEKHABU THIENGTHO (BSI)

¹⁰ “Diktatna zieka sukgimtheih thuok sate chuh a hamphau ui; vangam a mau a a hi ngâl a.

MATTHAI 5:10 ပူးပေါင်းရင်းမြစ်များ

JAKOB 1:12

Thepna thuok hâm hâmte chuh a kipâk ui, patepa a um nung leh, hinna lallukhuk, Lalpa’n amah hehpihte kawma a tiem chuh mu ding ahi.

2 KORINTH 4:17

Chun, zie buoina neucha, mitphetlohkal a beimang ding ka thawk u hin, zie buoina sanga leh tamtak a nasa leh, kumsawt a lopina mun achun ei tun ding ahi ngâl a.

MATTHAI 5:3

“Thagau lama tasam kisate chuh a hamphau hi; van gam amau a ahi ngâl a.

LUKE 6:22

“Mihiem Chapa zieka mi’n a hun hawt u a, a hun deihloh u a, a hun gaih u a, mi phalo na hi ti a a hun gen tieng u leh mi hampha hung hi ding na hiu ui.

2 TIMOTHE 2:12

I thuok muolsuoh u chun, A vaihawmna ah vaihawm hitiu; Amah I kilepsan u chun, Ama’n le ei kilepsan ina;

PHILIPPI 1:28

Zie chuh amau haw dingin beimang ding a hih uh kilatna kichien tak a hi a, nang u dingin vang hukdam ding na hih uh hetsakna kichien tak a hi zawi; zie chule Pathien apat a um a hi ngâl a.

LUKE 21:12

Himahlele, zie thil haw a hungtun masang chun, hun man untin, hun sugimthei untin uh; kikhawpna In ah na chung thuu tan dingin hun pie dawk untin, suongkul ah hun khum un au; ka min ziekin lengte leh vaihawmte masangah hun pui un au.

JOHAN 15:20

‘Suok, a pu sangin a lopi puoi’ tih ka hun hilh na hi tau kha, hezing un. Amau in kei ei bawlsiet tâk u chun, nang haw le hun bawlsie’n au; ka thu a zawp tak u chun nang haw thu le zawp un au.

THUPHUON 2:10

Na thil thuok ding haw hi lau ki’n; ngaitie, patepa na um theihna dingin, Diabol chun na lak uh a mi khenkhat chuh suongkul a hun khum ding a hii; tichun, ni sawm sung gimtheihna thuok unlau. Himahlele, thih tiengin taksanum in na um in, tichun, hinna lallukhuk chuh hun pie’ng ka.

2 TIMOTHE 3:11

sukgimtheih a ka um nate, ka thuokgimna te kha le na he nai. Antiokei khuo te Ikonium khuo te, Lustra khuo te a sukgimtheihna nasatak mai ka chunga hungtunghaw, ka thuok ziete khah na he a! Himahlele, ziehaw chengcheng lak apat chun Lalpa chun ei hukdawk ta a.

MATTHAI 25:34

Zie phat chu leh Lalpen chun a changlama mite kawm achun, ‘Ka pa vangsakte haw, hung un la, khawvel kisiem tûng apat nang u dinga guotsa chuh luoh un.

SAM LEHKHABU THE PSALMS 37:12

Minunsiete chun mi diktat chuh a do u a, A ha a gawih khum sek ui.

MARK 10:30

Tu damsung ngêi hin, Inte, suohpihpa te, suohpihnute, nute leh chate, gamte, aleh za a sukgimtheihna te tawh mu lo ding kuomah a um puoi; hun hung tung dinga kumkhuo hinna tawh.

LUKE 6:20

Chun, a dâk dawk a, a sinsakte chuh a en a, a kawm u ah: “Nang haw gimtheite haw, na hamphau ui; Pathien gam chuh nanghaw a ahi ngâl a!

MATTHAI 10:23

Khutichun, zie khuo a hi a hun bawl phatloh tieng u leh, khuo dangah taihsan un. Tihtakzet a ka hun hilh na hiu hi, Mihiem Chapa a hung ma’n Israel khuo haw chu tawh suok puo’n lau.

1 JOHAN 3:12

Kain, migilo laka um, amah suohpih Abel thatpa guola khah um lo in. Bang zieka a thah ahi ta leh? Amah thil hihte a phatloh ziek leh, a suohpihpa thil hihte a phat ziek ahi.

NASEPTE 8:1

Saul chun le a thih chuh a ki-awi a. Zie ni chun, Jerusalem khuo a Sapchuom um haw chun sukgimtheihna nasatak a thuok pan tau a. Sawlchakte tihloh, gingtu dang chengcheng chuh, Judea leh Samari gam khuo tin ah a dalh vek tau hi.

NASEPTE 5:40

Tichun, sawlchakte chuh a sam lut u a, a zêp u a, tichun, Isu min a thu gen kit lo hiel dingin thu a pieu a, a thahdawk tau a.

ISAI 66:5

Nang haw, amah kihcha a, a thu zawpte haw, Lalpa thugen hi a na ngaithau in: Na suohpih teu nanguh hun hawte leh ka min zieka hun nawhdawkte chun hiti hin a tiu a “Lalpa chuh pahchak in um hen” a tiu a. Himahleh, amau haw chuh hung muolpho ding ahiu hi!

MATTHAI 19:14

Isu chun la, “Chapang neucha cha chuh ka kawmah hun sawl unla, haw kiu in; van gam chuh ziehaw tawbanga ding hi ahii,” a ti a.

MARK 10:14

Himahleh, Isu’n a muh phetin, a ki-awi hiel puoh a, a kawm u ah, “Chapang neucha cha ka kawmah hun sawl un la, haw kiu un, Pathien gam chuh zie tawbang mite a ding hi ahi ngâla.

LUKE 22:29

tichun, ka gama ka dawhkan a an na nek u a, na dawn theihna dingun, ka pa’n gam ei guotsak guolin, gam ka hun guotsak na hiu hi.

JAKOB 5:11

Ngaitiem u, a thuok tum sek ziekun, kipâk, I ti sek uh ahi. Job thuokhat zie chuh na zau a, Lalpa’n a tawpa a hih dân khale na muu a, Lalpa chuh lungsietna a dim leh, zahngaihna a dim ahi ngâl a.