MATTHAI 4:3 - PATHIEN LEKHABU THIENGTHO (BSI)

³ Chun, thempa chuh a hung a, a kawmah, “Pathien Chapa na hih leh zie suonghaw hi chângthâk suok dingin thu pie’n,” a ti a.

MATTHAI 4:3 ပူးပေါင်းရင်းမြစ်များ

1 THESSALONIKA 3:5

Zieziekchun, ka thuok zawh tâk loh nung un, Setan in hun thempai kha’n na tin uh, ka sepgimnau chuh mawk mai hi kha’na ti’n, na taksan zieu ka na het theihna dingun, Timothe hi ka hun sawl uh ahi.

THUPHUON 2:10

Na thil thuok ding haw hi lau ki’n; ngaitie, patepa na um theihna dingin, Diabol chun na lak uh a mi khenkhat chuh suongkul a hun khum ding a hii; tichun, ni sawm sung gimtheihna thuok unlau. Himahlele, thih tiengin taksanum in na um in, tichun, hinna lallukhuk chuh hun pie’ng ka.

MATTHAI 3:17

Chun, ngaitie, van apat a aw khatin, “Ziehi ka chapa deihtak, ka lungkimna mah mah chuh ahi,” a ti a.

HEBRAI 12:16

Chun, na lak uh ah, hûka kideihchakna ahim, Esau banga lunggil thanghuoi leh, Pathien zahlo a, a cha upa hihna an khatvei nêk a khawng tawbang hin um hiel kiu in.

PAWTDAWKNA 16:3

Chun, Israel suonte chun a kawm u ah, “Aigupta gama sa bel bula ka chut lai hawu leh, chângthâk vah taka ka nêk lai u khan Lalpa khut ah a na thi hizaw mai leu ing aw! mi kikhawm khawm chengcheng hi thaleka gilkiel a suklup ding a nei puihdawk ahi hi la,” a tiu a.

NASEPTE 9:20

Kikhawpna Inhaw achun, Isu chuh Pathien Chapa a hih zie thu chuh a tângsappih ngâl ta a.

LUKE 4:9

Zie zawh chun Diabol chun Jerusalem ah a pui a, Ho-In sipzum ah a kawih a, a kawmah, “Pathien Chapa na hih chun, zie apat hin kie thah.

LUKE 4:3

Khutichun, Diabol chun a kawmah, “Pathien Chapa na hih leh, zie suong hi chângthâk suok dingin thu pie’n,” a ti a.

MATTHAI 14:33

Tichun, kuong a umte chun, “Pathien Chapa na hi takzet na hi,” tin amah a chibai u a.

MATTHAI 16:16

Ziephet chun, Simon Peter in a dâwng a, “Krista, Pathien Hing Chapa chuh na hi,” a ti a.

MATTHAI 26:63

Isu chuh la a thip kêi a. Ziephet chun, thiempu lienpen chun a kawmah, “Pathien Hing min a ka hun vau na hi, Krista, Pathien Chapa chuh na him? Kei uh nei hilh in,” a ti a.

MARK 1:1

Pathien Chapa, Isu Krista Chanchin Pha tun kipatna chuh;

MARK 3:11

Thitha buokte’n le amah a muh tieng u leh, a ma ah a bawkkhup u a, “Nang, Pathien Chapa chuh na hi,” ti’n a kiko sek u a.

MARK 5:7

ngeih tak a kiko in, “Isu, Pathien Chungnung pên Chapa, kei leh nang banga I kitimatna um? Ei hihgimthei lo dingin Pathien min in ka hun ngên hi,” a ti a.

LUKE 1:35

Vânsâwlchâk chun a dâwng a, a kawmah, “Thagau Thiengtho na chungah hungtung intin, Pathien thilhih theihna chuh na chungah um intin, zieziekchun, nau thiengtho hung pieng ding chule Pathien Chapa ti’n au.

LUKE 4:41

Chuleh, thithate’n le, “Pathien Chapa na hii,” ti a kiko in mi tamtak sung apat in a hung pawt tau a. Isu’n thitha haw chuh a gai a, Krista ahi tih a het ziekun a pau dinguh a za nuom puoi.

LUKE 22:70

Ziephet chun, a bawnu chun, “Nang hi Pathien Chapa chuh na hi a ahim?” a tiu a. Amah chun a kawm u ah, “Na hi nei tih bang tak u chun ka hi,” a ti a.

JOHAN 1:34

Zie chuh ka mu ta ngêi a, tichun, zie pa hi Pathien Chapa a hii tih ka hetsak tai,” a ti a.

JOHAN 1:49

Nathanael in a kawmah, “Rabbi, Pathien Chapa na hi, Israel te Leng na hi hi!” a ti a.

JOHAN 9:35

Chun, a nawhdawk ui tih Isu’n a na het phetin, amah chuh a hawl dawk a, a kawmah, “Pathien Chapa na gingcha?” ti’n a dawng a.

JOHAN 20:31

Himahlele, ziehaw hi, Isu chuh Krista, Pathien Chapa a hii tih na ginchakna dingu leh, na ginchak u a, a min a hinna na neih na dinguh a zik ahi.

2 KORINTH 1:19

Pathien chapa Isu Krista, a thu, kei leh Silvanas leh Timothe’n, na lak uh a ka gen u khah; “A hi” tih leh “A hi puoi” tih ahi gêl gêl puoh ngâla; Pathien achun, “A hii” tih ahi zawi.

GALATI 2:20

Krista kawmah khetdên in ka um ta a, himahlele, ka hing hi, himahleh, keimah vang ka hi ta puoh a; Krista chuh keimah ah a hing zaw tai. Zie hinna, tu a ka hinna mawng hi, Pathien Chapa, ei lungsiet a keia dinga A hinna piepa taksanna mah achun ka hing ta ngâla.

HEBRAI 4:14

Tichun, van haw cheng zawt pai a, chieh pa, Thiempu Lienpen, lopi tak, Isu Pathien Chapa chuh I neih ziekun I thu taksan u hi pawm chak hitiu.

HEBRAI 7:3

Melkisedek pa ahim, a nu ahim, a hihloh leh a suonte chanchin zikna him a um puoh a, amah chuh pa neilo, um pat ni neilo ahi a; Pathien Chapa banga siem ahi a; kumlekhuo’n thiempu’n a um zing hi.

1 JOHAN 3:8

Kuole, thilhih gilo zingzing chuh Diabol a pawt ahi: Diabol chun atûng apat thil a sukhiel ngâl a. Pathien Chapa hung kiphuon lawh pên chuh, Diabol nasep a sukmangthai theihna ding ahi.