MATTHAI 4:23 - PATHIEN LEKHABU THIENGTHO (BSI)

²³ Chun, Isu’n a kikhawpna In hawu a sinsak in, Gam chanchin pha chuh gen in, mite laka natna tin chenga na leh hatlohna tin cheng hihdam in, Galili gam chengcheng ah a vak viel a.

MATTHAI 4:23 ပူးပေါင်းရင်းမြစ်များ

SAM LEHKHABU THE PSALMS 103:3

Amah chun na thulimlohna chengcheng a ngaidam sek a: Na natna chengcheng a hih dam sek hi;

SAM LEHKHABU THE PSALMS 74:8

A lungthim u chun, susie dimdem hitiu, a tiu a: Gamsung a Pathien hona In chengcheng chuh a hâltum zo tau a.

MATTHAI 11:5

mitdûkte a mit uh a vak ta a, kêngbâite le keng in a chieh tau in; phâkte a thieng tau, bengngawngten le khuo a za thei tau in; mithi haw le kaihthawh in a um tau a, chagahte kawma le Chanchin pha gen ahi tai.

MATTHAI 12:9

Isu’n zie mun chuh nusieh in a kikhawpnau In achun a va lut a.

MATTHAI 13:19

kuon le, gam thu chuh nakhanga za a, a ngaihna a het loh chun, buhchi lam sika kie tawbang chuh ahi. Migilo chuh a hunga a lunggil a thehsa chuh a chuhthâk sak sek hi.

MATTHAI 13:54

Chun, a umna khaw lam chu a tung a. A kikhawpna In hawu a chun amau haw a sinsak ta a, khutichun mak a sa ten tau a, “Zie pa hin zie chitna leh zie thilmak hih theihna haw hi hâwi apat a a muh ahi?

MATTHAI 14:14

Tichun, amah chuh lui pang a kaih phetin, mipi nasatak a mu a, a lungsiet ta mah mah a, a damloteu a sudam a.

MATTHAI 24:14

Chun, zie gam chanchin Pha hi nam chengcheng hetsakna dingin khawvel pumpi ah gen in um intin; zie zawh chu leh tawpna chuh hungtung in a.

MATTHAI 3:2

“Lunghei un, vangam chuh a nai tai,” tin.

MATTHAI 9:35

Isu chuh khawpi leh khuo neu haw achun a chieh viel a. Kikhawpna Inhaw achu sinsak in, Gam chanchin pha thu gen in; natna tin cheng leh damlo tin cheng chuh a hihdam a.

MARK 1:14

Chun, Johan suongkul a khuma hih nung in, Isu Galili gam ah Pathien Gam Chanchin pha gen in a hung a,

MARK 1:21

Chun, Isu leh a sinsakte chuh Kapernaum khawpi chuh a lut uh a; Chawlhni’n kikhawpna In ah a lut a, thu a sinsak pai zieng a.

MARK 1:39

Tichun, thu a gena, thitha haw delh dawk kawm zelin, Galili gamsung cheng a kikhawpnau Inhaw achun a lut zel a.

MARK 3:10

Mi tamtak a hihdam ta ngâl a; khutichun, natna nei taphawt in amah a tham theihna dingun a vawk hut hut u a.

MARK 6:2

Tichun, Chawlhni a hih phetin, kikhawpna In ah amau haw a sinsak ta a, mi tamtak a thugen zate chun mak a sau a, “Zie pa hin zie thu haw hi khawi apat a a het ahi, a khuta thilmak hiti bang a hih hi, a kawma chitna kipie hi bang chitna a hi die?

MARK 6:6

Mipite’n ginchakna a neih loh u chuh mak a sa mah mah a. Chun, Isu’n mipite chuh sinsak kawm zelin, khuo haw chuh a tawh viel a.

LUKE 10:9

a khuou a damlo umte le hih dam unla, a kawm u ah, ‘Pathien Gam na kieng u ah a tung tai,’ tiu in.

LUKE 13:10

Chun, Chawlhni khat chuh, Isu’n kikhawpna In ah a sinsak a.

LUKE 16:16

“Mosi dân leh thiemgaute lehkha zik haw chuh Baptist Johan hun gei khan mat in a um a, zie a kipat chun, Pathien gam Chanchin Pha chuh a gen u a; mitinte chuh a lut hâmhâm u a.

LUKE 20:1

Chun, tihi a hung hi a, Pathien Ho-In a mihaw a sinsak a, Chanchin Pha a gen lai in, Thiempuliente leh Danthuzikte leh, upahaw chuh a hung phut u a.

LUKE 4:14

Tichun, Isu chuh Galili gam ah a kîkkit ta a, Thagau Thiengtho thilhih theihna chuh a chungah a um a. A chanchin chuh zie gam chengcheng achun a kithang suok ta a,

LUKE 5:17

Chun, tihi ahi a, ni khat chuh, Isu’n a sinsak lai in, Pharisaite khenkhat leh dân thuzikte a kawmah a chuu a, ziehaw chuh Galili leh Judia gam khawpi tin apat a leh Jerusalem khuo apat a hung ahiu ui. Lalpa thilhih theihna chuh mi sukdamna dingin Isu kawmah piek in a um a.

LUKE 6:17

Isu chuh tâng apat a sawlchakte tawh a hung suk phet u chun, a nungzuite tamtak tawh muncham khat ah a ding a. Judia gamsung cheng apat leh, Jerusalem khuo apat leh, Tura leh Sidon gama tuisuohgiet pang apat mipi tamtak a um u a,

LUKE 6:6

Chun, Chawlhni dang khat achun, Isu chuh kikhawpna In ah a lut a, a sinsak a. Zie tak achun mi khat a khut changlam zeng hi a um a.

LUKE 7:21

Zie lai tak chun Isu’n mipi tamtak natnate chuh a hihdam a, natnate leh, thitha matte leh, mitdûk tamtak le a mit uh a hihvak sak a.

LUKE 7:22

Chun, Johan mi sawlte chuh a dâwng a, a kawm u ah, “Chieh kit tau inla, na thil muh teu leh zakteu cheng hi Johan va hilh un: mitdûkte chun khuo a mu thei tau a, kêngbâite le a chieh thei tau a; phâkte le sukthientho in a um tau a, bengngawngte’n le khuo a za thei tau a, mithite le kaihthawh in a um tau a, mi chagahte kawma le Chanchin Pha chuh gen ahi tai.

LUKE 8:1

Chun, hiti hi ahi a, hun chawmkhat nung chun, Isu chuh Pathien Gam Chanchin Pha gen in, khaw-lien leh khaw-neu haw chuh a fang viel a. Sinsak sawmlenih te’n le a zui u a,

LUKE 9:11

Himahlele, mipite chun zie chuh a het phet un, amah a zui tau a, Amah chun amau haw chuh a na lawp a, Pathien gam thu a kawm u ah a gen a; hihdam ngai taphawtte chuh a hihdam ta a.

LUKE 9:60

Isu’n a dâwng a, “Mithi chun amau mithi a na kivuih u he’n, nang chieh inla, Pathien Gam thu va gen zak ah,” a ti a.

JOHAN 18:20

Isu’n a dâwng a, “Mitin kawmah, tângphuong takin thu ka gen sek; kikhawpna in leh Pathien Ho-In a, Judate chengcheng um khawmna munte achun thu ka gen sek hi. A gûkin thu bangmah ka gen kha puoi.

JOHAN 6:59

Zie thu haw hi Isu’n Kapernaum khuo a kikhawpna ina a sinsak laia a gen ahi.

JOHAN 7:1

Zie thil haw nung chun, Isu’n Galili gam a tawh viel a; Judate’n amah thah a guot ziekun Judai gam chuh a tawh nuom ta puoh a.

NASEPTE 10:38

Nazareth Isu chungchâng thu khah, khati a, Pathien in a chunga Thagau Thiengtho leh thilhih theihna a vuk zie thu haw kha. Amah chuh thilpha hih leh, Diabol bawlsiet chengcheng hihdam in, muntin a fang viel sek a, Pathien a kawma a um ziekin.

NASEPTE 18:4

Chun, Chawlhni cheng leh kikhawpna In achun guntak in thu a gen sek a, Judate leh Grikte chuh thuzawh a guo hâm sek a.

NASEPTE 20:25

“Chun, nang haw chengcheng, Pathien Lalgam thu gena ka vak, ka vak kawm sek na te hin, ka mel mu kit ta puo’n lau tih ka hêi.

NASEPTE 28:31

Pathien gam chanchin a gen sek a, hangsan tak leh, zalen takin Lal Isu Krista thute le a sinsak sek a, kuoma’n a kham puoh ngâl u a.

ROME 10:15

Sawl a hihloh u chun, bangti’n a thu a gen dinguh? “Thil pha chanchin kipah-um tunte keng chuh a hawih na e!” tih zik guol khan.