MATTHAI 3:6 - PATHIEN LEKHABU THIENGTHO (BSI)

⁶ A gitlohnateu kiphuong in Jordan luia chun a khut ah baptistma a chang tau a.

MATTHAI 3:6 ပူးပေါင်းရင်းမြစ်များ

NASEPTE 19:18

Chun, a lak u a gingcha haw, mi tamtak chule a hung u a, a thilhih hawu thupha a chawi u a, a kiphuong tau a.

1 JOHAN 1:9

I gitlohnau I phuon uh chun chuh, eihaw gitlohna ngaidam ding leh, I diktat lohnau chengcheng tauh ngim dingin, amah chuh a taksanum in, a diktat ahi.

HEBRAI 9:10

Ziehaw chuh nek leh dâwn leh kithiensakna dân chuom chuom hihdan mai a hih ziekin. Ziehaw chuh pawlam thila hihdan mai ahi a, zie chuh Pathien in dân thak a hun tundin masanga mat dinga guot ahi.

MATTHAI 3:11

Ken chuh na lunghei ui tih suklatna’n tui in ka hun baptist sek a, ka nunga hung ding pa hin chuh Thagau thiengtho leh mei in hun baptist ding ahi. Kei sangin a lopi zaw a, a kengtawbek khau phel hâwi le ka hi puoi.

HEBRAI 6:2

baptistma te leh, khut ngak thu te leh thawhkitna thute leh, kumsawt a vaihawmna thu dân lam sinsakna leh, suongphuh phut kit ta lo in.

KOLOSSA 2:12

Khutichun, baptist a na um un, Krista tawh vuih in na um tau a, zie baptist mah achun, thihna apat a kaithopa, Pathien thilhih theihna taksanna ziek chun, Krista tawh kaihthawh in na um tau hi.

1 KORINTH 10:2

Mosi zuia, a bawn u a, meipi leh Tuipi a baptist a a um u kha.

NASEPTE 22:16

Tuhin, bang zieka ngak nalai ding na him? Kipan inla, baptistma chang inla, Lalpa min chuh sam inla, na gitlohnate tauhngim ta’n la,’ ei ti a.

NASEPTE 11:16

Chuleh, Lalpa thu gen: ‘Johan in tui in mi a baptist sek kha; himahleh, nang haw vang chuh, Thagau Thiengtho in Baptistma hung chang unlau,’ a tih haw khah ka hezing a.

NASEPTE 1:5

Johan khan tui in a baptist sek a, himahlele, ni sawtlo kâl in Thagau Thiengtho in baptistma chang unla,” ti’n.

LUKE 3:16

Johan in a kawm u ah, “Ken chuh tui in ka hun baptist na hiu a, himahlele, kei sanga lopi zaw hung ding ahi. A kengtawbek khau phel hâwi le ka hi puoi. Amah chun Thagau Thiengtho leh meia hun baptist ding ahi.

MARK 1:5

Tichun, Judia gama mi chengcheng leh Jerusalem khuo a mi chengcheng a kawmah a chieh uh a, a gitloh hawu thupha chawiin, Jordan lui ah ama’n a bawn un a na baptist a.

DANIEL 9:4

Lalpa ka Pathien kawm achun ka paucham a, ka kiphuong a, “Aw Lalpa Pathien, lopi tak leh lauh um tak, nang hun hehpih a, na thupiek zawp sekte kawma thugawlh sudet in lungsietna na latsak sek a.

EZEKIEL 36:25

Chun, na chung u ah tui chîm theh ing ka ting, hung thiengtho in na tin un, na buokna teu chengcheng leh na milim hawu lak apat chun hun hih thieng ing ka.

THUCHINGTE 28:13

Gitlohna selgute chuh lawhting ngei puo’n tin uh; himahleh kuole, kiphuonga haihsante vang chun zahngaihna mun au.

SAM LEHKHABU THE PSALMS 32:5

Ka gitlohna chuh na kieng ah ka phuong a, Ka thulimlohna ka îm puoh a; Ka sukkhelhna chuh Lalpa kawmah thupha chawi ta’ng ka, ka ti a; Khutichun ka gitlohna-gitlohnate chuh na ngaidam ta kha. Selah

JOSHUA 7:19

Chun, Joshua chun Akan kawmah, “Ka chapa, Lalpa Israel te Pathien chuh pakchah aw; a masang a chun kiphuong mai in; na thilhih chuh ei hilh inla; ka kawmah hin îm hiel ki’n,” a ti a.

KISIMNA 5:7

a gitlohna chuh phuong intin, aman chuh kim taka a piek ding ahi a, hawp nga a khena hawp khat piek behlap ding ahi.

THIEMPUDANTE 26:40

“Himahlele, Ka chunga a gitlohnau leh a manlohnau leh a pileputeu manlohna leh ei kalh lama a um ziek u a,

THIEMPUDANTE 16:21

Aron chun a khut nih chuh kel hing lu chung achun nga’n tin; achung achun Israel chate manlohna chengte, a bawhsietnau haw chuh phuong in, kel lu chunga chun nga’n tin; tichun, a kaimang dinga mi kiguotsa chun thalek lam achun kaimang ina.

1 PETER 3:21

Zie chuh, baptistma, tu a nanguh hukdama na umnau etsakna chuh ahi. Zie chuh taksapum nin sawp thienna hilo in, sielepha hetna thieng taka, Pathien kawma thutiem neihna chuh ahi. Isu Krista thawhkitna vangin tuhin a hun hukdam na hiu hi;

JAKOB 5:16

Khutichun, sukdam a na um theihna dingun, na gitlohnau thupha kichawi tuoh unla, kipauchamsak tuoh sek un. Mi diktat pauchamna chun thil nasatak a hih sek hi.

EZRA 10:1

Chun, Ezra chuh Pathien In lam zuon in bawkkhup a kap kawm in a paucham a, ti a chuh thupha chawia a paucham lai chun Israel chate chuh a mei-apa, a si a sen in a kawma chun a hung kikhawm u a, tichun, mipite chuh ngeih tak in a kap tau a.

LUKE 1:16

Tichun, Israel mipi tamtak, Lalpa a Pathien uh lam ah puikit ina.